མཚོ་བྱང་ཁུལ་གྱི2025ལོའི་ལས་བྱེད་རྒན་པའི་ལོ་སར་བསུ་བའི་ཇ་སྟོན་ཚོགས་འདུ་མཚོ་བྱང་ཟི་ལིང་འཇོན་མིའི་ལས་ཤག་ཏུ་འཚོགས།
ཟླ1པོའི་ཚེས23ཉིན། མཚོ་བྱང་ཁུལ་གྱིས2025ལོའི་བོད་རབ་རྒྱན་ཤིང་མོ་སྦྲུལ་ལོའི་ལས་བྱེད་རྒན་པའི་ལོ་གསར་བསུ་བའི་ཇ་སྟོན་ཚོགས་འདུ་མཚོ་བྱང་ཟི་ལིང་འཇོན་མིའི་ལས་ཤག་ཏུ་འཚོགས་ཤིང་། ཁུལ་ཨུའི་ཧྲུའུ་ཅི་ཤ་བོ་སྐྱབས་དང་། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན། ཁུལ་དམངས་ཆེན་རྒྱུན་ལས་ཨུ་ལྷན་གྱི་ཏང་ཙུའི་ཧྲུའུ་ཅི་ཆན་གོ་ཆིན། ཁུལ་སྲིད་གྲོས་ཀྱི་ཀྲུའུ་ཞི་ཀྲུང་ཀྲི་ཅུན། ཁུལ་གྱི་མགོ་ཁྲིད་རུང་ཧུང་ཀྲི་དང་ཀྲང་ཨའེ་ཧུང་། སངས་འབུམ། ལའེ་མིན། སི་ཅི་ཧྲེན། ཚའོ་ཅི་ཆང་སོགས་དང་ལས་བྲལ་དང་ལས་འཁྱུར་ངལ་གསོ་བྱས་པའི་ལས་བྱེད་རྒན་པའི་འཐུས་མི་བཅས་ཁྱོན་བསྡོམས་མི80ལྷག་མཉམ་གཅིག་ཏུ་འཛོམས་ནས་བརྩེ་སེམས་ཟབ་མོས་འཕེལ་རྒྱས་ཀྱི་སྐོར་གླེང་སྟེ་བོད་རབ་རྒྱན་ཤིང་མོ་སྦྲུལ་ལོའི་ལོ་སར་ལ་དགའ་སྟོན་རྟེན་འབྲེལ་ཞུས་ཤིང་། མཉམ་དུ་མཚོ་བྱང་འཕེལ་རྒྱས་དང་མཛེས་སྡུག་ལྡན་པའི་མ་འོངས་པ་གླེང་། ཀྲང་ཨའེ་ཧུང་གིས་ཇ་སྟོན་ཚོགས་འདུ་གཙོ་སྐྱོང་གནང་།
ཚོགས་འདུའི་ཐོག་ཞིང་ཆེན་གྱི"ཚོགས་ཆེན་གཉིས"ཀྱི་དགོངས་དོན་བརྒྱུད་སྒྲོག་དང་སློབ་སྦྱོང་བྱས་པ་དང་། 2024ལོའི་དཔལ་འབྱོར་དང་སྤྱི་ཚོགས་བྱ་གཞག་འཕེལ་རྒྱས་གྲུབ་འབྲས་ཀྱི་ཆེད་དོན་བརྙན་ཐུང་ལ་མཉམ་དུ་བལྟས། ཤ་བོ་སྐྱབས་ཀྱིས་ཁུལ་ཨུ་དང་ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་། ཁུལ་སྲིད་གཞུང་། ཁུལ་སྲིད་གྲོས་དང་། ཁུལ་ཡོངས་ཀྱི་མི་རིགས་སོ་སོའི་ལས་བྱེད་པ་དང་མང་ཚོགས་བཅས་ཀྱི་ཚབ་ཞུས་ནས་ལས་བྱེད་རྒན་པ་ཚོས་དུས་ཡུན་རིང་པོའི་ནང་མཚོ་བྱང་གི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཐུགས་ཁུར་དང་རྒྱབ་སྐྱོར་གནང་བར་སྙིང་ཐག་པ་ནས་ཐུགས་རྗེ་ཆེ་ཞུས་པར་མ་ཟད། ལོ་སར་གྱི་སྨོན་འདུན་དང་དུས་ཆེན་གྱི་འཚམས་འདྲི་ཡང་ཞུས་པ་རེད། ཁོས་བསྟན་དོན། 2024ལོར་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་འགྱུར་མེད་སྟོབས་ལྡན་གྱི་མགོ་ཁྲིད་འོག ངེས་དོན་གྱི་དོན་ཆེན་མང་པོ་བསྒྲུབས་པ་དང་། འཚོགས་མ་ཐག་པའི་ཞིང་ཆེན་གྱི"ཚོགས་ཆེན་གཉིས"ཀྱི་ཐོག་མཚོ་བྱང་གི་བཀྲག་མདངས་འཚེར་བའི་བྱ་བ་ཡང་ཡང་སྤེལ་བས་ཚོགས་ཞུགས་འཐུས་མིའི་གདེང་འཇོག་བཟང་པོ་ཐོབ་པ་རེད། གྲུབ་འབྲས་འདི་དག་ཐོབ་པ་ནི་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ཡང་དག་པའི་མགོ་ཁྲིད་དང་ཁ་འབྲལ་ཐབས་མེད་པ་དང་། ཁུལ་ཡོངས་ཀྱི་གོང་འོག་ཚང་མས་བློ་གཅིག་སེམས་གཅིག་དང་མཐུན་སྒྲིལ་འབད་འཐབ་བྱེད་པ་དང་ཁ་འབྲལ་ཐབས་མེད་ཞིག་ཡིན། ལས་བྱེད་རྒན་པ་ཚོས་བཏིང་བའི་རྨང་གཞི་བཟང་པོ་དང་སྣེ་ཁྲིད་པའི་དཔུང་ཁག་བཟང་པོ། བཞག་པའི་སྤྱོད་ཚུལ་བཟང་པོ། གྲུབ་པའི་སྙིང་སྟོབས་བཟང་པོ་བཅས་དང་དེ་བས་ཁ་འབྲལ་ཐབས་མེད་པས་མགོ་ཁྲིད་རྒན་པ་དང་བློ་མཐུན་རྒན་པ་རྣམ་པའི་སེམས་ཤུགས་དང་བློ་གྲོས་འདུས་ཡོད་ཟེར།
ཤ་བོ་སྐྱབས་ཀྱིས་ནན་གྱིས་བསྟན་དོན། 2025ལོ་ནི"ལྔ་བཅུ་བཞི་པའི"འཆར་འགོད་ལག་བསྟར་མཇུག་བསྡུའི་ལོ་ཡིན་ལ"ལྔ་བཅོ་ལྔ་པའི"འཆར་འགོད་ཇུས་འགོད་བཀོད་སྒྲིག་གི་ལོ་ཡིན་ཞིང་། ཁུལ་ཨུའི་སྐབས་བཅུ་གསུམ་པའི་ཚང་འཛོམས་གྲོས་ཚོགས་ཐེངས་བཅུ་པས་ད་ལོའི་བྱ་བ་ལེགས་པོ་སྒྲུབ་པར་ཕྱོགས་ཡོངས་ནས་བཀོད་སྒྲིག་བྱས་པ་དང་། ཞིང་ཆེན་གྱི"ཚོགས་ཆེན་གཉིས"ཀྱིས་སྔར་ལས་ལྷག་པར་འབད་འཐབ་བྱེད་པའི་ཁ་ཕྱོགས་གསལ་པོར་བསྟན་ཡོད། དམིགས་འབེན་དང་ལས་འགན་འདི་དག་མངོན་འགྱུར་བྱེད་པར་ཁུལ་ཡོངས་ཀྱི་རིམ་པ་སོ་སོ་དང་སྡེ་ཁག་སོ་སོ། རྒྱ་ཆེའི་ལས་བྱེད་པ་དང་མང་ཚོགས་ཀྱིས་ཐུན་མོང་ངང་འབད་བརྩོན་བྱེད་དགོས་ལ་མགོ་ཁྲིད་རྒན་པ་དང་བློ་མཐུན་རྒན་པ་ཚོས་སྔར་རྒྱུན་ལྟར་དེ་བས་ཐུགས་ཁུར་དང་རྒྱབ་སྐྱོར་བྱེད་དགོས། རྒྱ་ཆེའི་ལས་བྲལ་དང་ལས་འཁྱུར་ངལ་གསོ་བྱས་པའི་མགོ་ཁྲིད་རྒན་པ་དང་བློ་མཐུན་རྒན་པ་ཚོས་ཁུལ་ཨུ་དང་ཁུལ་སྲིད་གཞུང་གི་བྱ་བར་མུ་མཐུད་ཐུགས་ཁུར་དང་རྒྱབ་སྐྱོར་བྱས་ཏེ"མཚོ་བྱང་ལྔ"འཛུགས་སྐྲུན་ལ་སྐུལ་འདེད་གཏོང་ཆེད་ལེགས་སྐྱེས་ཧུར་ཐག་དབུལ་རྒྱུའི་རེ་བ་ཡོད་ཟེར། ཁོས་བསྟན་དོན། རྒྱང་སྐྱོད་ཀྱི་འགྲུལ་བཞུད་གསར་པར་གཞི་ཚུགས་ནས་སྐབས་རིམ་བྱུང་གི་མགོ་ཁྲིད་ཚན་ཁག་སོ་སོའི་སྲོལ་རྒྱུན་བཟང་པོ་དང་སྤྱོད་ཚུལ་བཟང་པོ་རྒྱུན་འཛིན་དང་དར་སྤེལ་བཏང་སྟེ། མུ་མཐུད་བཅོས་སྒྱུར་གསར་གཏོད་དང་འགན་འཁུར་དངོས་སྒྲུབ་བྱས་ནས་མཚོ་བྱང་གི་སྤུས་ཚད་མཐོ་བའི་འཕེལ་རྒྱས་ཀྱི་ལེའུ་གསར་པ་ཧུར་ཐག་སྒོས་གཏོད་ཐུབ་པར་ང་ཚོ་ཡིད་ཆེས་དང་ནུས་པ་ཡོད་ལ། དེ་དང་ཆབས་ཅིག་མུ་མཐུད་ལྷག་བསམ་ཟོལ་མེད་དང་བརྩེ་དུང་ཟབ་མོས་ལས་བྱེད་པ་རྒན་པའི་བྱ་བ་སྔར་བས་རང་འགུལ་ངང་སེམས་ཁུར་དང་རྒྱབ་སྐྱོར་བྱས་ཏེ་ཆབ་སྲིད་ཐད་བརྩི་འཇོག་དང་བསམ་པའི་ཐད་བདག་སྐྱོང་། འཚོ་བའི་ཐད་གཅེས་སྐྱོང་བཅས་ཧུར་ཐག་བྱས་ཏེ་མགོ་ཁྲིད་རྒན་པ་དང་ལས་བྱེད་རྒན་པ་དག་རྒས་ཀྱང་བརྟེན་ས་ཡོད་པ་དང་རྒས་ཀྱང་སྤྲོ་སྣང་ཡོད་པ། རྒས་ཀྱང་ནུས་པ་ཐོན་རྒྱུ་བཅས་འགན་ལེན་བྱ་རྒྱུ་ཡིན་ཟེར།
ཀྲང་ཧྲིང་ཡོན་གྱིས་ཁུལ་ཡོངས་ཀྱི་ལས་བྲལ་དང་ལས་འཁྱུར་ངལ་གསོ་བྱས་པའི་ལས་བྱེད་པར་ལོ་སར་ཤིས་ཚིག་ཕུལ། ཁོས་བཤད་རྒྱུར། འདས་ཟིན་པར་ཕྱིར་དྲན་བྱས་ན་ང་ཚོར་གྲུབ་འབྲས་མང་པོ་ཐོབ་པ་དང་མ་འོངས་པའི་མདུན་ལམ་སྔར་བས་འོད་སྟོང་ལྡན་པར་གྱུར་ཡོད། ང་ཚོས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་ཁྲིད་སྟོན་དུ་འཛིན་རྒྱུ་རྒྱུན་འཁྱོངས་བྱས་ཏེ། “མདུན་གྲལ་དུ་བསྐྱོད་པ་གསུམ”ལ་སྐུལ་འདེད་གཏོང་བའི་ཐད་མུ་མཐུད་དུ་ནུས་ཤུགས་འདོན་དགོས། བློ་བརྟན་འགྱུར་མེད་ངང་སྐྱེ་ཁམས་དཔལ་ཡོན་གྱི་བཙན་ས་བསྐྲུན་ནས་ཐོན་ལས“གནས་བཞིའི”འཛུགས་སྐྲུན་ཇེ་མགྱོགས་སུ་གཏོང་དགོས། ཐུན་མོང་ཐོག་སྔར་བས་ཕྱུག་འགྱུར་དང་རིག་གནས། འཆམ་མཐུན། མཛེས་སྡུག བདེ་སྐྱིད་བཅས་ཀྱི“དག་སྣང་མཚོ་བྱང་། མདངས་ལྡན་གནས་མཆོག”ཅེས་པའི་མཛེས་སྡུག་གི་རི་མོ་འབྲི་དགོས་ཟེར།
ཁུལ་ཞིབ་དཔྱོད་ཁང་གི་དེ་སྔའི་ཞིབ་དཔྱོད་མགོ་འཛིན་ཁའེ་ཞའོ་ཆིང་གིས་ལས་བྱེད་པ་རྒན་པའི་ཚབ་བྱས་ནས་གཏམ་བཤད་གནང་། ལོ་གསར་པའི་ནང་མུ་མཐུད་དུ་ཆབ་སྲིད་ཀྱི་འགན་འཁྲིའི་འདུ་ཤེས་ཚད་མཐོའི་ཐོག་ནས་ཁུལ་ཨུ་དང་ཁུལ་སྲིད་གཞུང་གི་ལྟེ་བའི་བྱ་བར་དམིགས་ཏེ་མཚོ་བྱང་གི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་དོ་ཁུར་དང་རྒྱབ་སྐྱོར་བྱས་ནས“མཚོ་བྱང་ལྔ”འཛུགས་སྐྲུན་ལ་རྒྱུན་ཆད་མེད་པར“སྟོབས་ཤུགས"འདོན་རྒྱུ་ཡིན་ཟེར།
ཇ་སྟོན་ཚོགས་འདུའི་སྟེང་། མཚོ་བྱང་ཁུལ་མི་རིགས་གླུ་གར་ཚོགས་པ་དང་ལས་བྲལ་ལས་འཁྱུར་ལས་བྱེད་པའི“གསེར་དངུལ་ཐང”རོལ་དབྱངས་ཚོགས་པས་ཞབས་བྲོ་དང་མཉམ་ལེན། སྙན་ངག་གྱེར་འདོན། རོལ་ཆས་དཀྲོལ་གཏོང་སོགས་སྣ་མང་སྒྱུ་རྩལ་གྱི་རྣམ་པའི་ཐོག་ནས་རེས་མོས་ངང་གར་སྟེགས་ཐོག་འཛོམས་ཏེ་ཚོགས་ཞུགས་མི་སྣར་ངོ་མཚར་ཆེ་བའི་འཁྲབ་སྟོན་བྱས་ནས་སྤྲོ་སེམས་འཁོལ་བའི་ཐལ་མོའི་རྡེབ་སྒྲས་དུས་ཆེན་བསུས། ལས་བྱེད་རྒན་པ་ཚོས་ཁུལ་ཨུ་དང་ཁུལ་སྲིད་གཞུང་གིས་དུས་ཡུན་རིང་བོར་སེམས་ཁུར་དང་ཐུགས་ཁུར་གནང་བར་ཐུགས་རྗེ་ཆེ་ཞུས་པ་དང་། རང་ནུས་ཅི་ལྕོག་གིས་མཚོ་བྱང་གི་བྱ་གཞག་སོ་སོའི་སྤུས་ཚད་མཐོ་བའི་འཕེལ་རྒྱས་ལ་མུ་མཐུད་བསམ་འཆར་དང་ཐབས་ཇུས་ཧུར་ཐག་འདོན་རྒྱུ་དང“སྟོབས་ཤུགས”ལེགས་སྐྱེས་སུ་ཕུལ་རྒྱུ་ཡིན་པར་བསྟན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注