མཚོ་བྱང་གིས་ནས་རིགས་གསར་པའི་ས་བོན་ཞིག་འདེམས་གསོ་ལེཊ་འགྲུབ་བྱུང་།

མཚོ་བྱང་ཁུལ་གྱིས་ནས་ཀྱི་སྣ་ཁ་གསར་པ་གཞན་ཞིག་ཐོ་འགོད་བྱས་པ་དང་འབྲེལ་གྲུབ་འབྲས་ལག་ཁྱེར་ཐོབ།

མཚོ་བྱང་ཁུལ་ཞིང་ཕྱུགས་ཞབས་ཞུ་ལྟེ་གནས་ཀྱིས་འདེམས་གསོ་བྱས་པའི་ནས་ཀྱི་སྣ་ཁ་གསར་པའི“པེ་ཆིན་ཨང་རྟགས་14པར”2024ལོའི་ཟླ7པར་ཞིང་ལས་དང་གྲོང་གསེབ་པུས“ཞིང་ལས་སྐྱེ་དངོས་གཙོ་བོ་མིན་པའི་རིགས་ཀྱི་ཐོ་འགོད་ལག་ཁྱེར”ཐོབ་པའི་རྨང་གཞིའི་ཐོག ཟླ11པའི་ཚེས4ཉིན་མཚོ་སྔོན་ཞིང་ཆེན་ཚན་རྩལ་ཐིང་གི“མཚོ་སྔོན་ཞིང་ཆེན་ཚན་རིག་ལག་རྩལ་གྲུབ་འབྲས་ལག་ཁྱེར”ཐོ་འགོད་ལེགས་གྲུབ་བྱུང་།

“པེ་ཆིན་ཨང་རྟགས14པ”ནི་བར་སྨིན་དང་ཚད་མཐོའི་ཐོན་རྫས། སྤུས་ལེགས་བཅས་ཀྱི་སོག་མ་ཐུང་བའི་རྣམ་པའི་ནས་སོན་ཁོངས་སུ་གཏོགས་པ་དང་། དེ་འདེབས་འཛུགས་བྱས་པ་ལས“པེ་ཆིན་སྐོར་གྱི”ས་བོན་ཁྲོད་ཚད་མཐོའི་ཐོན་རྫས་མེད་པའི་ནས་ཀྱི་ལོ་རྒྱུས་མཇུག་སྒྲིལ་བ་མཚོན་ཡོད། འབྲུ་རིགས་འདིའི་ས་བོན་ནི་སྔོན་པོ་ཡིན་ལ་སྙེ་ཐོན་ཕྱེད་མའི་རིགས་ཡིན།

དེ་ནི་རང་ཁུལ་ནས་འདེམས་གསོ་བྱས་པའི་སོག་མ་ཐུང་བ་དང་ས་བོན་གྱི་ཐོན་འབབ་མཐོ་བའི་རིགས་དང་པོ་ཡིན་པས། སྔར་བཏབ་པའི་འབྲུ་སྙིང་སེར་པོའི་རིགས་ཀྱི་ཐན་འགོག་ནུས་པ་ཞན་པ་དང་སྙེ་མའི་རིགས་མི་བཟང་བའི་ཞན་ཆ་ཁྱད་དུ་བསད་པར་མ་ཟད། དེ་དང་ཆབས་ཅིག་འབྲུ་སྙིང་ནང་གི་འཕྲོད་ནུས་ཆེ་བ་དང་ཐོན་འབབ་བརྟན་པོ་ཡོད་པ། འབྲུ་རྡོག་གི་འཚོ་བཅུད་བཟང་པའི་ལེགས་ཆ་རྒྱུན་འཛིན་བྱས་ཡོད།