མཚོ་སྔོན་ཞིང་ཆེན་གྱི་ས་ཁུལ་དང་གྲོང་ཁྱེར་རིམ་པའི་ཞིང་འཕྲུལ་ལས་རིགས་གསོ་སྦྱོང་སློབ་གྲྭ་ཐོག་མ་དེ་འཇུ་ལག་རྫོང་དུ་སྒོ་བྱང་བཀལ་བ།

མཚོ་སྔོན་ཞིང་ཆེན་གྱི་ས་ཁུལ་དང་གྲོང་ཁྱེར་རིམ་པའི་ཞིང་འཕྲུལ་ལས་རིགས་གསོ་སྦྱོང་སློབ་གྲྭ་ཐོག་མ་དེ་འཇུ་ལག་རྫོང་དུ་སྒོ་བྱང་བཀལ་བ།

ཉེ་ཆར། ཞིང་ཆེན་ཡོངས་ཀྱི་ས་ཁུལ་དང་གྲོང་ཁྱེར་རིམ་པའི་ཞིང་འཕྲུལ་ལས་རིགས་གསོ་སྦྱོང་སློབ་གྲྭ（གཤམ་དུ་ཞིང་འཕྲུལ་ལས་རིགས་གསོ་སྦྱོང་སློབ་གྲྭ་ཞེས་བསྡུ་རྒྱུ）ཐོག་མ་དེ་མཚོ་བྱང་བོད་རིགས་རང་སྐྱོང་ཁུལ་འཇུ་ལག་ཧེ་རིགས་རང་སྐྱོང་རྫོང་དུ་སྒོ་བྱང་བཀལ་ནས་བཙུགས་པ་དེས་མཚོ་བྱང་ཁུལ་གྱི་ཞིང་འཕྲུལ་ཁ་ལོ་བའི་གསོ་སྦྱོང་སྒྲིག་གཞི་མེད་པའི་སྟོང་ཆ་བསྐངས་ཡོད་པ་རེད།

ཞིང་འཕྲུལ་ལས་རིགས་གསོ་སྦྱོང་སློབ་གྲྭར་རྒྱ་ཁྱོན་སྨི་ངོས་གྲུ་བཞི་མ1300ཟིན་པ་དང་སློབ་ཁྲིད་བྱ་ཡུལ་སྨི་ངོས་གྲུ་བཞི་མ120ཟིན།  སློབ་མའི་ཉལ་ཁང1སོ་སོར་བཙུགས་པ།  ཞིང་འཕྲུལ་སྒྲིག་ཆས་ཆེ་འབྲིང50ལྷག་ཙམ་ཡོད་པ（མཉམ་འབྲེལ་བརྔ་བསྡུ་འཕྲུལ་འཁོར། འདྲུད་འཐེན་འཕྲུལ་འཁོར་སོགས་ཚུད་པ）། ཞིང་སྤྱོད་མི་མེད་གནམ་གྲུ2ལྷག་ཙམ།  ཞིང་ལས་ཡོ་ཆས་སྣ་ཚོགས130ལྷག་ཙམ་ཡོད། མཐོ་རིམ་གོ་མིང་གི་ཆེད་ལས་དགེ་རྒན1དང་ཞིང་འཕྲུལ་བཟོ་བཀོད་པ2། དངོས་སྦྱོང་རྩལ་ཁྲིད་པ6བཅས་ཡོད། སློབ་གྲྭའི་སློབ་ཁྲིད་ཡོ་བྱད་བཀོད་སྒྲིག་འཐུས་ཚང་དང་དགེ་རྒན་གྱི་སྟོབས་ཤུགས་ཆེ་བ། ད་ལོའི་གསོ་སྦྱོང་གཞི་ཁྱོན་མི་གྲངས300ཡན་ཟིན་ཆོག་པས་མཚོ་བྱང་ཁུལ་གྱི་ཞིང་འཕྲུལ་བཀོལ་སྤྱོད་པའི་རྒྱུགས་སྤྲོད་དགོས་མཁོ་ཁྱོན་ཡོངས་ནས་སྐོང་ཐུབ་རྒྱུ་རེད།

ཉེ་བའི་ལོ་ཤས་རིང་། མཚོ་བྱང་ཁུལ་གྱིས་དེང་རབས་ཞིང་ལས་དཔེ་སྟོན་ཁུལ་འཛུགས་སྐྲུན་ལ་སྐུལ་འདེད་བཏང་ནས་འབྲུ་རིགས་སྐྱེ་དངོས་འདེབས་འཛུགས་ཁྱོན་སྤྱི་ཆིང22830.67དང་སྣུམ་རྒྱུ་སྤྱི་ཆིང28588.67བཅས་ལེགས་འགྲུབ་བྱུང་ཡོད། ཞིང་འཕྲུལ་ཁྲི1.7ལྷག་ཙམ་གྱིས་འགན་ལེན་བྱས་ཡོད། རྨོ་འདེབས་དང་བརྔ་བསྡུ་ཕྱོགས་བསྡུས་འཕྲུལ་ཆས་ཁྱབ་ཚད90%ཡན་ལ་སླེབས་ཡོད། ཞིང་ཕྱུགས་ལས་ཀྱི་བརྒྱུད་རིམ་ཧྲིལ་པོའི་འཕྲུལ་ཆས་ཅན་གྱི་དཔེ་སྟོན་ཁུལ་ལ་སྐུལ་འདེད་ཤུགས་ཆེན་བཏང་བ་དང་བསྟུན་ནས་ཞིང་ཕྱུགས་ལས་ཀྱི་བརྒྱུད་རིམ་ཧྲིལ་པོ་འཕྲུལ་ཆས་ཅན་དུ་འགྱུར་བའི་འཕེལ་རིམ་ཇེ་མགྱོགས་སུ་ཕྱིན་པ་དང་། ཞིང་ཕྱུགས་ལས་འཕྲུལ་ཆས་ཅན་གྱི་ཆུ་ཚད་ཟམ་མི་ཆད་པར་མཐོ་རུ་ཕྱིན་པ། ནུས་ཆེའི་འཕྲུལ་ཆས་ཀྱི་དགོས་མཁོ་མང་དུ་ཕྱིན་པ། ཁ་ལོ་བར་རླངས་འཁོར་སྐོར་བའི་རེ་བ་དེ་བས་མཐོན་པོ་བཏོན་པ། ཆེད་ལས་གསོ་སྦྱོང་དང་ལེན་བཅས་བྱས་ནས་ལག་ཁྱེར་བཟུང་ནས་ལས་གནས་ཐོག་བསྐྱོད་རྒྱུ་དེ་རྒྱ་ཆེའི་ཞིང་འཕྲུལ་ལས་དོན་པའི་ཁ་ཚ་དགོས་གཏུགས་ཀྱི་དགོས་མཁོ་ཞིག་ཏུ་གྱུར་ཡོད། དེར་བརྟེན། མཚོ་བྱང་ཁུལ་གྱིས《མཚོ་བྱང་བོད་རིགས་རང་སྐྱོང་ཁུལ་གྱི་ཞིང་ལས་འཕྲུལ་ཆས་བདེ་འཇགས་ལས་འཛོལ་ཚབས་ཆེན་གྱི་འཕྲལ་སྡོམ་རོགས་སྐྱོབ་སྔོན་ཇུས》བཟོས་ནས་པར་འགྲེམས་བྱས་པ་དང་། ཞིང་འཕྲུལ་བདེ་འཇགས་ཉེན་བརྡའི་ཚོགས་ཆེན་འཚོགས་ཤིང་། ཕྱོགས་གསུམ་པར་ལས་རིགས་གསོ་སྦྱོང་སྒྲིག་གཞི་འཛུགས་རྒྱུའི་ཁྲིད་སྟོན་བཅས་བྱས་པར་མ་ཟད། ཁྲིམས་འཛིན་མི་སྣ47ལས་གྲུབ་པའི་ཞིང་འཕྲུལ་ཁ་ལོ་བའི་རྒྱུགས་དཔོན་གྱི་དཔུང་ཁག་བཙུགས་པ་དང་ཁ་ལོ་བའི་སློབ་གྲྭའི་རྒྱུགས་ཀྱི་སྒྲིག་སྲོལ་ལམ་ལུགས་རིགས5བཟོ་བཅོས་དང་འཐུས་ཚང་དུ་བཏང་འདུག

རྒྱུས་ལོན་པ་ལྟར་ན། ཞིང་འཕྲུལ་ལས་རིགས་གསོ་སྦྱོང་སློབ་གྲྭའི་ནང་ཐོག་མར་མིང་ཐོ་འགོད་མཁན་མི200ལྷག་ཙམ་ཟིན་པས་ཁག་བགོས་ངང་གཅིག་སྡུད་གསོ་སྦྱོང་བྱ་རྒྱུ་རེད།