ཤ་བོ་སྐྱབས་ཀྱིས་མཚོ་སྔོན་དགེ་འོས་སློབ་ཆེན་གྱི་ཏང་ཨུའི་ཧྲུའུ་ཅི་མའོ་ཞུའེ་རུང་དང་བཞུགས་མོལ་བརྗེ་རེས་གནང་པ།

ཟླ11པའི་ཚེས20ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་མཚོ་སྔོན་དགེ་འོས་སློབ་ཆེན་དུ་བསྐྱོད་དེ་སློབ་གྲྭའི་ཏང་ཨུའི་ཧྲུའུ་ཅི་མའོ་ཞུའེ་རུང་དང་སློབ་གྲྭ་དང་མཚོ་བྱང་གཉིས་ཀྱི་མཉམ་ལས་གཏིང་ཟབ་ཏུ་གཏོང་རྒྱུར་སྐུལ་འདེད་གཏོང་བའི་ཐད་བཞུགས་མོལ་བརྗེ་རེས་གནང་།

ཤ་བོ་སྐྱབས་ཀྱིས་མཚོ་སྔོན་དགེ་འོས་སློབ་ཆེན་གྱིས་སྔ་ཕྱི་བར་གསུམ་དུ་མཚོ་བྱང་གི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཐུགས་ཁུར་དང་རྒྱབ་སྐྱོར་གནང་པར་ཐུགས་རྗེ་ཆེ་ཞུས། ཁོང་གིས་མཚོ་སྔོན་དགེ་འོས་སློབ་ཆེན་ལ་ལོ་རྒྱུས་ཡུན་རིང་ལྡན་ཞིང་། དགེ་རྒན་དཔུང་ཁག་གི་སྟོབས་ཤུགས་ཆེ་བ་དང་། ཚན་ཞིབ་ཚོགས་པ་སྤུས་ལེགས་ཡིན་པ། རིག་ཚན་གྱི་ཁྱད་ཆོས་མངོན་གསལ་དོད་པོ་བཅས་ཡོད་པས་མཚོ་སྔོན་དུ་ཤེས་ལྡན་པ་གང་མང་གསོ་སྐྱོང་བྱས་ཏེ་ལེགས་སྐྱེས་གལ་ཆེན་ཕུལ་ཡོད། མིག་སྔར། མཚོ་བྱང་སྐྱེ་ཁམས་དཔལ་ཡོན་གྱི་བཙན་ས་གཏོད་པའི་ནང་ཧུར་ཐག་སྒོས་ཞུགས་ནས་ཐོན་ལས་ཀྱི“གནས་བཞི”འཛུགས་སྐྲུན་བྱེད་པ་མགྱོགས་སུ་གཏོང་བ་དང་གསར་བརྗེའི་ཉམས་ཞིབ་ཐོན་ལས་སྐྱེད་སྲིང་དང་འཕེལ་རྒྱས་ཤུགས་ཆེན་གཏོང་བཞིན་ཡོད་པས་ཤེས་ལྡན་པ་དང་རིག་སྟོབས་ཀྱི་རྒྱབ་སྐྱོར་དགོས་གལ་ཆེན་པོ་ཡོད་ལ། ལོ་སྟོད་དུ་སློབ་གྲྭ་དང་མཚོ་བྱང་ཁུལ་གཉིས་དབར་འཐབ་ཇུས་མཉམ་ལས་སྒྲོམ་གཞིའི་གྲོས་མཐུན་བཞག་ཅིང་། མཚོ་སྔོན་དགེ་འོས་སློབ་ཆེན་གྱིས་གཅིག་ནས་རྒྱལ་སྤྱིའི་སྐྱེ་ཁམས་ཡུལ་སྐོར་བྱ་ཡུལ་གཏོད་པའི་ཐད་ཡུལ་སྐོར་སློབ་གླིང་གི་ཆེད་ལས་ཚོགས་པ་མངགས་ཏེ་མཚོ་བྱང་དུ་གྲོང་གསེབ་ཡུལ་སྐོར་དང་ནགས་ཚལ་ཡུལ་སྐོར་འཕེལ་རྒྱས་གཏོང་ཆེད་ཡུལ་སྐོར་ཞབས་ཞུའི་ལྟེ་གནས་དང་རླངས་འཁོར་འཇོག་སའི་ས་ཚིགས་བཙུགས་ནས་ཁྱད་ལྡན་དམངས་སྲོལ་སྡོད་ཁང་བསྐྲུན་རྒྱུའི་འཆར་འགོད་དང་ཇུས་འགོད་བྱེད་རོགས་དང་། གཉིས་ནས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གྱི་ཐད་ནས་ཚན་ཞིབ་ཚོགས་པ་མངགས་ནས་མདོ་ལ་རི་བོའི་བར་དམ་ཆུ་མགོའི་རྩྭ་ཐང་སྐྱེ་ཁམས་ཐོན་སྐྱེད་མཉམ་རྒྱལ་རྣམ་པ་གསར་གཏོད་དང་དཔེ་སྟོན་ལས་གཞི་གནད་འཁེལ་སྒོས་ལག་བསྟར་བྱས་ནས་མཚོ་བྱང་ཞིང་ཕྱུགས་ཚན་རྩལ་དཔེ་སྟོན་གླིང་གིས་ཡུལ་སྐོར་ལྟ་སྐོར་དང་ཚན་རྩལ་དཔེ་སྟོན། ཕྱུགས་རྒྱུད་ལེགས་གཏོང་སོགས་ཀྱི་བྱ་བ་སྤེལ་རྒྱུར་མཛུབ་ཁྲིད་དང་རྒྱབ་སྐྱོར་བྱེད་རོགས། གསུམ་ནས་མཚོ་བྱང་གི་ལུས་རྩལ་བྱ་གཞག་འཕེལ་རྒྱས་མགྱོགས་སུ་གཏོང་བའི་ཐད་ལུས་རྩལ་སློབ་གླིང་གི་ཆེད་ལས་སྟོབས་ཤུགས་འདོན་སྤེལ་བྱས་ནས་ཆེད་ལས་ཤན་འབྱེད་པ་མངགས་གཏོང་དང་དགེ་སློབ་སྒྲིག་འཛུགས་བྱས་ཏེ་མཚོ་བྱང་ཁུལ་གྱིས་གཉེར་བའི་རྐང་བགྲོད་དང་ལྕགས་རྟ་འགྲན་བསྡུར་སོགས་ཀྱི་བྱེད་སྒོའི་ནང་ཞུགས་པ་དང་། གསར་འགྱུར་ཆེད་ལས་ཀྱི་དགེ་སློབ་གདན་དྲངས་ནས་འགྲན་བསྡུར་བྱེད་སྒོ་དྲིལ་སྒྲོག་དང་འོས་སྦྱོར་བྱེད་རོགས། བཞི་ནས་རིག་གནས་དར་རྒྱས་དང་འཕེལ་རྒྱས་ལ་སྐུལ་འདེད་གཏོང་བའི་ཐད་མི་ཆོས་རྩོམ་རིག་སློབ་གླིང་གི་ཆེད་མཁས་དགེ་རྒན་ཆེན་མོ་མངགས་ནས་མཚོ་བྱང་དུ་ལྕགས་རི་རིང་བོ་རྒྱལ་ཁབ་རིག་གནས་སྤྱི་གླིང་དང་རྨ་ཆུའི་རྒྱལ་ཁབ་རིག་གནས་སྤྱི་གླིང་བསྐྲུན་རྒྱུར་མཛུབ་ཁྲིད་བྱེད་པ་དང་། དར་གོས་ཚོང་ལམ་གྱི་མཚོ་སྔོན་ཚོང་ལམ་སོགས་རིག་གནས་ཐོན་ཁུངས་སྔོག་འདོན་བྱེད་པ། མཚོ་བྱང་གི་ལས་བྱེད་པ་དང་མང་ཚོགས་ཐེངས་གསུམ་ལ་གནས་སྤོ་བྱས་པ་དང་། མདོ་ལ་དང་འཇུ་ལག་གི་མང་ཚོགས་ཀྱིས་དམར་དམག་ནུབ་ལམ་དམག་དཔུང་ལ་རོགས་རམ་བྱས་པའི་གསར་བརྗེའི་གཏམ་རྒྱུད་གསེད་དཀྲོལ་བྱེད་རོགས། ལྔ་ནས་གསར་བརྗེའི་སློབ་གསོའི་འཕེལ་རྒྱས་ལ་སྐུལ་འདེད་གཏོང་བའི་ཐད་མཚོ་སྔོན་དགེ་འོས་སློབ་ཆེན་གྱི“མདེལ་གཉིས་སྐར་གཅིག”གི་སྙིང་སྟོབས་ཞིབ་འཇུག་ཁང་གི་ཚན་ཞིབ་ལེགས་ཆ་འདོན་སྤེལ་བྱས་ནས་མཚོ་བྱང་གི་སྤུས་ལེགས་སློབ་ཚན་གསར་སྤེལ་བྱ་རྒྱུར་མཛུབ་སྟོན་དང་ཉམས་ཞིབ་ལམ་ཐིག་བཏོད་དེ་ཆེད་ལས་དགེ་རྒན་མཚོ་བྱང་ཁུལ་ཨུའི་ཏང་གི་སློབ་གྲྭ་དང་མཚོ་བྱང་སྲིད་ཁྲིམས་ལས་བྱེད་པའི་གསོ་སྦྱོང་ལྟེ་གནས། མང་ཚོགས་ཚོགས་པའི་ལས་བྱེད་པའི་གསོ་སྦྱོང་ལྟེ་གནས་བཅས་སུ་མངགས་ནས་སློབ་ཁྲིད་བྱེད་རྒྱུའི་རེ་བ་ཡོད་པར་བསྟན།

མའོ་ཞུའེ་རུང་གིས་མཚོ་བྱང་ཁུལ་གྱི་རང་བྱུང་དང་མི་ཆོས་ཐོན་ཁུངས་ཕུན་སུམ་ཚོགས་ཤིང་། ཕྱུགས་ལས་འཕེལ་རྒྱས་ཀྱི་རྨང་གཞི་ཡག་པོ་ཡོད་པས་མདུན་ལམ་ཆེན་པོ་ལྡན། མཚོ་སྔོན་དགེ་འོས་སློབ་ཆེན་གྱིས་མཚོ་བྱང་གིས་སྐྱེ་ཁམས་དཔལ་ཡོན་གྱི་བཙན་ས་དང་ཐོན་ལས་ཀྱི"གནས་བཞི"འཛུགས་སྐྲུན་བྱ་རྒྱུར་རྒྱབ་སྐྱོར་ཤུགས་ཆེན་བྱས་ཏེ། ཚན་ཞིབ་ལས་གཞི་ལག་བསྟར་ཧུར་ཐག་བྱེད་པ་དང་སྐྱེ་ཁམས་སློབ་ཁྲིད་དང་གསར་བརྗེའི་ཉམས་ཞིབ་བྱེད་སྒོ་སྤེལ་ནས་རིག་གནས་ལུས་རྩལ་འགྲན་བསྡུར་ནང་ཞུགས་ཏེ་མདོ་ལ་རི་བོ་རྒྱལ་ཁབ་སྤྱི་གླིང་སེམས་ཉིད་ནགས་ར་དང་མདོ་ལ་ནགས་རའི་ནགས་ཚལ་ཡུལ་སྐོར་ལས་རིགས་འཕེལ་རྒྱས་དང་། བཙུན་མོ་གཞོང་གྲོང་རྡལ་དང་སེམས་ཉིད་ཡུལ་ཚོའི་ཁྱད་ལྡན་དམངས་སྲོལ་སྡོད་ཁང་འཛུགས་སྐྲུན་ལ་ཐབས་འདོན་ཇུས་འབུལ་བྱས་ནས་བརྗེ་རེས་མཉམ་ལས་ཀྱི་གྲུབ་འབྲས་རྒྱ་སྐྱེད་དུ་བཏང་སྟེ་ཐུན་མོང་ཐོག་མཉམ་ལས་མཉམ་རྒྱལ་འཕེལ་རྒྱས་ཀྱི་རྣམ་པ་གསར་པ་གཏོད་རྒྱུ་ཡིན་པར་བསྟན།

ཁུལ་ཨུའི་རྒྱུན་ཨུའམ་དྲུང་ཡིག་ཆེན་མོ། གཞུང་ལས་ཁང་གི་ཀྲུའུ་རིན་ཝང་ཡུང་ཁྲང་དང་། མཚོ་སྔོན་དགེ་འོས་སློབ་ཆེན་གྱི་འབྲེལ་ཡོད་ཁྲུའུ་དང་ཁང་གི་འགན་འཁུར་བློ་མཐུན་ཞུགས།