ཀྲུང་དབྱང་གི་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་ཚན་ཆུང་ལྔ་པས་མཚོ་སྔོན་ཞིང་ཆེན་ལ་སྐྱེ་ཁམས་ཁོར་ཡུག་ཐད་ནས་མང་ཚོགས་ཀྱིས་ཡིག་སྐུར་ངོ་བཅར་དང་ཐེར་འདོན་ཞུ་གཏུག་བྱས་པའི་སྐོར་ཐེངས་ཉི་ཤུ་པའི་གནད་དོན41སྤྲད་དེ་སྒྲུབ་ཏུ་བཅུག
ཟླ12པའི་ཚེས12ཉིན། ཀྲུང་དབྱང་གི་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་ཚན་ཆུང་ལྔ་པས་མཚོ་སྔོན་ཞིང་ཆེན་ལ་སྐྱེ་ཁམས་ཁོར་ཡུག་ཐད་ནས་མང་ཚོགས་ཀྱིས་ཡིག་སྐུར་ངོ་བཅར་དང་ཐེར་འདོན་ཞུ་གཏུག་བྱས་པའི་སྐོར་ཐེངས་ཉི་ཤུ་པའི་གནད་དོན41སྤྲད་དེ་སྒྲུབ་ཏུ་བཅུག་ཅིང་། （ཚང་མ་ཁ་པར་གྱི་ལམ་ནས་ཐེར་འདོན་ཞུ་གཏུག་བྱས་པའི་གནད་དོན་ཡིན）དེའི་ཁྲོད་སྒྲུབ་རྒྱུར་སྤྲད་པའི་གཙོ་གནད་དོ་ཁུར་བྱེད་པའི་གནད་དོན3ཡོད། སྒྲུབ་རྒྱུར་སྤྲད་པའི་ཡིག་སྐུར་ངོ་བཅར་དང་ཐེར་འདོན་ཞུ་གཏུག་བྱས་པའི་གནད་དོན41དེ་ཞིང་ཆེན་ཡོངས་ཀྱི་གྲོང་ཁྱེར་དང་ཁུལ6ལ་འབྲེལ་བ་ཡོད་པ་ལས། ཟི་ལིང་གྲོང་ཁྱེར་ལ29དང་། མཚོ་ཤར་གྲོང་ཁྱེར་ལ6། མཚོ་ནུབ་སོག་རིགས་བོད་རིགས་རང་སྐྱོང་ཁུལ་ལ2། མཚོ་ལྷོ་བོད་རིགས་རང་སྐྱོང་ཁུལ་ལ1། མཚོ་བྱང་བོད་རིགས་རང་སྐྱོང་ཁུལ་ལ1། རྨ་ལྷོ་བོད་རིགས་རང་སྐྱོང་ཁུལ་ལ2བཅས་ཡོད་པ་རེད། མང་ཚོགས་ཀྱིས་ཐེར་འདོན་ཞུ་གཏུག་བྱས་པའི་གནད་དོན་དེ་དག་འཛེར་སྒྲའི་སྦགས་བཙོག13དང་། སྐྱེ་ཁམས་གཏོར་བརླག8། རླུང་ཁམས་ཆེན་པོའི་སྦགས་བཙོག8། ཆུའི་སྦགས་བཙོག5། ས་རྒྱུའི་སྦགས་བཙོག6། སྦགས་བཙོག་གཞན་དག1བཅས་དང་འབྲེལ་བ་ཡོད།
མིག་སྔའི་བར། ཀྲུང་དབྱང་གི་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་ཚན་ཆུང་ལྔ་པས་རང་ཞིང་ལ་སྤྲད་དེ་སྒྲུབ་ཏུ་བཅུག་པའི་སྐྱེ་ཁམས་ཁོར་ཡུག་ཐད་ནས་མང་ཚོགས་ཀྱིས་ཡིག་སྐུར་ངོ་བཅར་དང་ཐེར་འདོན་ཞུ་གཏུག་བྱས་པའི་སྐོར་ཐེངས་ཉི་ཤུ་པའི་གནད་དོན་དེ་འབྲེལ་ཡོད་གྲོང་ཁྱེར་དང་ཁུལ། སྡེ་ཁག་བཅས་ལ་བརྒྱུད་སྤྲོད་བྱས་ཟིན་པ་དང་། ས་གནས་སོ་སོ་དང་འབྲེལ་ཡོད་སྡེ་ཁག་གིས་གོ་རིམ་ལྟར་དུས་ཚོད་དམ་འཛིན་གྱིས་སྒྲུབ་བཞིན་པའི་སྒང་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注