ཝང་ཧུའུ་ཉིང་གིས་ཨ་རིའི་ཧ་ཧྥོ་སློབ་ཆེན་གྱི་དགེ་རྒན་ཆེན་མོ་བ་ཨའེ་ལི་སེན་ལ་ཐུག་འཕྲད་གནང་བ།
ཚེས19ཉིན་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་ཧུའུ་ཉིང་གིས་པེ་ཅིན་དུ་ཨ་རིའི་ཧ་ཧྥོ་སློབ་ཆེན་གྱི་དགེ་རྒན་ཆེན་མོ་བ་ཨའེ་ལི་སེན་ལ་ཐུག་འཕྲད་གནང་བ་རེད།
ཝང་ཧུའུ་ཉིང་གིས་ཀྲུའུ་ཞི་ཞི་ཅིན་ཕིང་གི་འགྱུར་མེད་སྟོབས་ལྡན་གྱི་མགོ་ཁྲིད་འོག་ཀྲུང་གོ་མི་དམངས་ཀྱིས་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་ཆེད་མཐུན་སྒྲིལ་འབད་འཐབ་བྱེད་བཞིན་ཡོད། ཀྲུང་གོའི་ཕྱི་ནང་གི་སྲིད་ཇུས་ཐོག་མཐར་འཁྱོལ་བ་དང་གཞུང་དྲང་གསལ་བོ་ཡིན་ཞིང་། ཀྲུའུ་ཞི་ཞི་ཅིན་ཕིང་གིས་ཕན་ཚུན་བརྩི་འཇོག་དང་ཞི་བདེ་མཉམ་གནས། མཉམ་ལས་མཉམ་རྒྱལ་བཅས་ཀྱི་རྩ་དོན་གསུམ་བཏོན་ནས། ཐའེ་ཝན་གྱི་གནད་དོན་དང་། དམངས་གཙོའི་མི་དབང་། བགྲོད་ལམ་ལམ་ལུགས། འཕེལ་རྒྱས་ཀྱི་དབང་ཆ་བཅས་འགྲན་སློང་བྱེད་མི་རུང་བའི་ཐིག་དམར་བཞི་ལོགས་སུ་བཀར་ཏེ། ཀྲུང་གོ་དང་ཨ་རིའི་བར་གྱི་འབྲེལ་བར་རྩ་བའི་འཐབ་ཇུས་ཀྱི་ཁྲིད་སྟོན་འདོན་སྤྲོད་བྱས། ཀྲུང་གོས་ཨ་རིར་འཛིན་པའི་སྲིད་ཇུས་ཀྱི་རྒྱུན་མཐུད་རང་བཞིན་དང་བརྟན་པོའི་རང་བཞིན་རྒྱུན་འཁྱོངས་བྱས་ཡོད། “ཞི་ཞི་ཏི་ཏེའི་རྒྱ་རྙི”ནི་ལོ་རྒྱུས་ཀྱི་ལས་སྐལ་ཞིག་མིན་པས། ཀྲུང་ཨ་གཉིས་ཀྱིས་སྐད་ཆ་བཤད་རེས་དང་འབྲེལ་གཏུག་བྱེད་པར་ཤུགས་སྣོན་དང་མི་མཐུན་པའི་ཆ་དོ་དམ་ཚོད་འཛིན་འོས་འཚམ་བྱས་ཏེ། མཉམ་ལས་བྱས་པ་བརྒྱུད་ཕན་ཚུན་གྲུབ་འབྲས་ཐོབ་པར་བྱས་ནས། གོ་ལ་ཧྲིལ་པོའི་རང་བཞིན་གྱི་འགྲན་སློང་སྣ་ཚོགས་ལ་མཉམ་དུ་ཁ་གཏད་གཅོག་དགོས་ཞེས་བསྟན།
ཨའེ་ལི་སེན་གྱིས་ཨ་ཀྲུང་གཉིས“ཞི་ཞི་ཏི་ཏེའི་རྒྱ་རྙིའི”ཁྲོད་མི་ལྷུང་བར་བྱེད་དགོས་པ་དང་། ཡང་དག་པའི་མཉམ་གནས་ཀྱི་ལམ་བུ་ཞིག་འཚོལ་རྒྱུ་དེ་རྒྱལ་ཁབ་གཉིས་པོ་དང་འཛམ་གླིང་གི་ངོས་ནས་བརྗོད་ན་གལ་འགངས་ཆེ་བ་ཡིན། ཕྱོགས་གཉིས་ཀྱི་འབྲེལ་གཏུག་ལ་ཤུགས་སྣོན་རྒྱག་པར་མུ་མཐུད་སྐུལ་འདེད་བཏང་ནས། རྒྱལ་ཁབ་གཉིས་ཀྱི་འབྲེལ་བ་བརྟན་པོའི་ངང་འཕེལ་རྒྱས་འགྲོ་བར་བྱས་རྗེས་འཇོག་འདོད་ཡོད་ཅེས་བསྟན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注