ཧ་མ་སིའི་འགོ་ཁྲིད་ལྐོག་གསོད་བྱས་ནས་ཚེ་ལས་འདས།
ཚེས31ཉིན་ཕ་ལེ་སི་ཐན་དབྱི་སི་ལན་འགོག་རྒོལ་ལས་འགུལ（ཧ་མ་སི）གྱིས་གསལ་བསྒྲགས་སྤེལ་ནས། ཧ་མ་སིའི་འགོ་ཁྲིད་པ་དབྱི་སི་མེར་ཧ་ཉི་ཡ་དབྱི་རན་དུ་གནས་པའི་ཁོང་གི་སྡོད་གནས་སུ་དབྱི་སི་རལ་གྱི་མཁའ་རྒོལ་ཕོག་ནས་རྐྱེན་ལམ་དུ་ཤོར་བར་དམིགས་ནས། ཕྱི་འབྲེལ་པུའི་མགྲིན་ཚབ་པ་ལིན་ཅན་གྱིས་ཉིན་དེའི་གསར་འགོད་པའི་རྒྱུན་ལྡན་གྱི་ཚོགས་འདུའི་ཐོག་འབྲེལ་ཡོད་དྲི་བར་ལན་འདེབས་སྐབས། ཀྲུང་གོ་ཕྱོགས་ཀྱིས་འབྲེལ་ཡོད་དོན་རྐྱེན་ལ་དོ་ཁུར་ཆེན་པོར་བྱེད་བཞིན་ཡོད། ལྐོག་གསོད་ཀྱི་བྱེད་སྤྱོད་ལ་ངོ་རྒོལ་མཐའ་གཅིག་ཏུ་བྱེད་པ་མ་ཟད། དོན་རྐྱེན་འདིས་ས་ཁུལ་གྱི་གནས་བབ་སྔར་ལས་ཟང་ཟིང་དུ་འགྱུར་སྲིད་པར་སེམས་ཁྲལ་ཆེན་པོ་བྱེད་བཞིན་ཡོད་ཅེས་བཤད།
ལིན་ཅན་གྱིས། “ཀྲུང་གོ་ཕྱོགས་ཀྱིས་ཐོག་མཐའ་བར་གསུམ་དུ་གྲོས་མོལ་དང་སྐད་ཆ་ཤོད་རེས་བྱས་པ་བརྒྱུད་ས་ཁུལ་གྱི་རྩོད་གཞི་ཐག་གཅོད་བྱ་རྒྱུའི་འདོད་ཚུལ་འཛིན་གྱི་ཡོད། ཀཱ་ཟ་རུ་ཕྱོགས་ཡོངས་ནས་ཡུན་རིང་དམག་མཚམས་འཇོག་པ་འཕྲལ་དུ་མངོན་འགྱུར་བྱུང་ནས། གདོང་གཏུག་དང་འགྲན་རྒོལ་སྔར་བས་ཆེ་རུ་མི་འགྲོ་བར་བྱེད་དགོས་པའི་འདོད་ཚུལ་འཛིན་གྱི་ཡོད་ཅེས་བཤད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注