ལིས་ཞི་ཡིས་ཁེན་ནི་ཡར་མཛའ་བརྩེའི་འཚམས་འདྲི་གནང་།

ཁེན་ནི་ཡའི་མཉམ་འབྲེལ་དམངས་གཙོ་མནའ་མཐུན་གྱིས་གདན་དྲངས་པ་ལྟར་ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཧྲུའུ་ཅི་ལིས་ཞི་ཡིས་ཟླ11པའི་ཚེས3ནས་ཚེས5ཉིན་བར་ཀྲུང་གུང་འཐུས་ཚབ་ཚོགས་པའི་སྣེ་ཁྲིད་དེ་ཁེན་ནི་ཡར་མཛའ་བརྩེའི་འཚམས་འདྲི་གནང་བ་དང་།    ཁེན་ནི་ཡའི་ཙུང་ཐུང་། མཉམ་འབྲེལ་དམངས་གཙོའི་མནའ་མཐུན་གྱི་གཙོ་འཛིན་ལུའུ་ཐོ་ལ་མཇལ་འཕྲད་གནང་བ་དང་།    མཉམ་འབྲེལ་དམངས་གཙོ་མནའ་མཐུན་གྱི་སྤྱི་ཁྱབ་ཧྲུའུ་ཅི་ཨའོ་མཱ་ཨར་དང་གྲོས་མོལ་གནང་།

ཁེན་ནི་ཡའི་མཉམ་འབྲེལ་དམངས་གཙོ་མནའ་མཐུན་གྱིས་གདན་དྲངས་པ་ལྟར་ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཧྲུའུ་ཅི་ལིས་ཞི་ཡིས་ཟླ11པའི་ཚེས3ནས་ཚེས5ཉིན་བར་ཀྲུང་གུང་འཐུས་ཚབ་ཚོགས་པའི་སྣེ་ཁྲིད་དེ་ཁེན་ནི་ཡར་མཛའ་བརྩེའི་འཚམས་འདྲི་གནང་བ་དང་།    ཁེན་ནི་ཡའི་ཙུང་ཐུང་། མཉམ་འབྲེལ་དམངས་གཙོའི་མནའ་མཐུན་གྱི་གཙོ་འཛིན་ལུའུ་ཐོ་ལ་མཇལ་འཕྲད་གནང་ཞིང་།    མཉམ་འབྲེལ་དམངས་གཙོ་མནའ་མཐུན་གྱི་སྤྱི་ཁྱབ་ཧྲུའུ་ཅི་ཨའོ་མཱ་ཨར་ལ་གྲོས་མོལ་གནང་།

ལུའུ་ཐོ་ལ་མཇལ་འཕྲད་གནང་སྐབས། ལིས་ཞི་ཡིས་བསྟན་དོན། ཀྲུའུ་ཞི་ཞི་ཅིན་ཕིང་དང་ཙུང་ཐུང་ལུའུ་ཐོ་གཉིས་བསྟུད་མར་ལོ་གཉིས་ལ་མཇལ་འཛོམས་བྱུང་ནས། རྒྱལ་ཁབ་གཉིས་ཀྱི་འབྲེལ་བ་འཕེལ་རྒྱས་འགྲོ་རྒྱུར་མདུན་སྐྱོད་ཀྱི་ཁ་ཕྱོགས་གསལ་སྟོན་གནང་ཡོད།  ཀྲུང་གོ་ཕྱོགས་ཀྱིས་ཁེན་ནི་ཡ་ཕྱོགས་དང་མཉམ་དུ་རྒྱལ་ཁབ་གཉིས་ཀྱི་གཙོ་འཛིན་གྱི་ཐུན་མོང་ངོས་འཛིན་གལ་ཆེན་མཛུབ་ཁྲིད་དུ་བྱས་ཏེ། ཐོག་མཐའ་བར་གསུམ་དུ་ཕན་ཚུན་ཡིད་ཆེས་བྱེད་པའི་གྲོགས་པོ་བཟང་བོ་དང་ཟླ་གྲོགས་བཟང་པོ་བྱེད་པ་དང་། ཕན་ཚུན་གྱི་ལྟེ་བའི་ཁེ་ཕན་དང་དོ་ཁུར་བྱེད་པའི་གནད་དོན་གལ་ཆེན་དང་འབྲེལ་བ་ཡོད་པའི་ཐད་བློ་བརྟན་འགྱུར་མེད་ངང་ཕན་ཚུན་རྒྱབ་སྐྱོར་བྱས་ནས། དུས་རབས་གསར་པར་ཀྲུང་གོ་དང་ཁེན་ནི་ཡའི་ལས་སྐལ་གཅིག་མཐུན་ཚོགས་པ་བསྐྲུན་རྒྱུར་སྐུལ་འདེད་གཏོང་འདོད་ཡོད།   ཀྲུང་གོ་དང་ཁེན་ནི་ཡའི་དངོས་སྒྲུབ་མཉམ་ལས་ལ་གྲུབ་འབྲས་གཡུར་དུ་ཟ་བ་ཐོབ་པ་དང་།    ཀྲུའུ་ཞི་ཞི་ཅིན་ཕིང་གིས་ཀྲུང་གོ་དང་ཨ་ཧྥེ་རི་ཁའི་མཉམ་ལས་གླེང་སྟེགས་པེ་ཅིང་རྩེ་ཚོགས་སྟེང་ཀྲུང་གོ་དང་ཨ་ཧྥེ་རི་ཁས་ལག་གདང་སྦྲེལ་ནས་དེང་རབས་ཅན་གྱི་གྲོགས་པོའི་བྱ་སྤྱོད་ཆེན་པོ་བཅུ་ལ་སྐུལ་འདེད་གཏོང་རྒྱུའི་ཁྱབ་བསྒྲགས་གནང་བ་དང་། ཀྲུང་གོ་ཕྱོགས་ཀྱིས་རྩེ་ཚོགས་ཀྱི་གྲུབ་འབྲས་དེ་ཁེན་ནི་ཡི“2030ལོའི་རྒྱང་རིང་འཆར་འགོད”དང་སྦྲེལ་མཐུད་དམ་ཟབ་བྱས་ཏེ། ཁེན་ནི་ཡའི་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་འདོད་ཡོད། ཀྲུང་གོ་ཕྱོགས་ཀྱིས་ཀྲུའུ་ཞི་ཞི་ཅིན་ཕིང་གིས་བཏོན་པའི་འཛམ་གླིང་འཕེལ་རྒྱས་ཀྱི་གྲོས་འགོ་དང་།   འཛམ་གླིང་བདེ་འཇགས་ཀྱི་གྲོས་འགོ འཛམ་གླིང་དཔལ་ཡོན་གྱི་གྲོས་འགོ་བཅས་ནང་ཞུགས་མཁན་ལ་བསྔགས་བརྗོད་བྱ་རྒྱུ་ཡིན་པ་མ་ཟད་དགའ་བསུ་ཞུ་རྒྱུ་ཡིན།    ཁེན་ནི་ཡ་ཕྱོགས་དང་རྒྱལ་སྤྱིའི་ཕྱོགས་མང་སྒྲིག་གཞི་བཅོས་སྒྱུར་སོགས་ཀྱི་གནད་དོན་ཐད་འབྲེལ་གཏུག་མཐུན་སྦྱོར་བྱ་རྒྱུར་ཤུགས་བསྣན་ཏེ། “འཛམ་གླིང་ལྷོ་ཕྱོགས”ཀྱི་ཐུན་མོང་གི་ཁེ་ཕན་མཉམ་དུ་སྲུང་སྐྱོང་བྱེད་འདོད་ཡོད།

ལུའུ་ཐུའོ་ཡིས་བསྟན་དོན། ཁེན་ནི་ཡ་དང་ཀྲུང་གོའི་བར་འབྲེལ་བ་བཙུགས་ནས་ལོ60ལྷག་འགོར་བའི་རིང་ལ། ཕྱོགས་གཉིས་ཀྱིས་རང་སོ་སོའི་རྒྱལ་ཁབ་ཀྱི་འཕེལ་རྒྱས་ལ་སྐུལ་འདེད་གཏོང་བའི་ཁྲོད་ཐོག་མཐའ་བར་གསུམ་དུ་དཔུང་པ་མཉམ་གཤིབ་ཀྱིས་འབད་འཐབ་དང་ལྷག་བསམ་ཟོལ་མེད་ངང་མཉམ་ལས་བྱས་ཡོད།     ཁེན་ནི་ཡ་དང་ཀྲུང་གོའི་བར་གྱི་འབྲེལ་བར་དཔེ་སྟོན་གྱི་རང་བཞིན་ལྡན།    ཀྲུང་གོ་ཕྱོགས་ཀྱིས་མིན་པཱ་ས་ནས་ནེ་ལོ་པུས་བར་གྱི་ལྕགས་ལམ་སོགས་ལས་གཞི་ཆེ་གྲས་འཛུགས་སྐྲུན་ལ་རྒྱབ་སྐྱོར་བྱས་ནས། ཁེན་ནི་ཡ་དང་ཐ་ན་ཤར་རྒྱུད་ཀྱི་ཨ་ཧྥེ་རི་ཁའི་འཕེལ་རྒྱས་ཆེད་དུ་ནུས་པ་གལ་ཆེན་བཏོན་ཡོད།   ཀྲུང་གོ་ཕྱོགས་ཀྱིས་ཀྲུང་གོ་དང་ཨ་ཧྥེ་རི་ཁའི་མཉམ་ལས་གླེང་སྟེགས་པེ་ཅིང་རྩེ་ཚོགས་གཙོ་གཉེར་བདེ་བླག་ངང་སྤེལ་བར་ཁེན་ནི་ཡ་ཕྱོགས་ཀྱིས་རྟེན་འབྲེལ་ཞུ་བ་དང་།    ཀྲུའུ་ཞི་ཞི་ཅིན་ཕིང་གིས་བཏོན་པའི་ཀྲུང་གོ་དང་ཨ་ཧྥེ་རི་ཁས་ལག་གདང་སྦྲེལ་ནས་དེང་རབས་ཅན་ལ་སྐུལ་འདེད་གཏོང་བའི་གྲོགས་པོ་ཆེན་པོ་བཅུ་ཡི་བྱ་སྤྱོད་ལ་མཐའ་གཅིག་ཏུ་རྒྱབ་སྐྱོར་བྱ་རྒྱུ་ཡིན་པ་མ་ཟད།    ཀྲུང་གོ་ཕྱོགས་དང་མཉམ་དུ་རྩེ་ཚོགས་ཀྱི་གྲུབ་འབྲས་མགྱོགས་མྱུར་སྒོས་དོན་འཁྱོལ་ཡོང་བར་སྐུལ་འདེད་གཏོང་རྒྱུ་ཡིན། ཁེན་ནི་ཡ་ཕྱོགས་ཀྱིས་ཀྲུང་གོ་གཅིག་གི་རྩ་དོན་ལ་མཐའ་གཅིག་ཏུ་རྒྱབ་སྐྱོར་བྱེད་པ་དང་།    ཀྲུང་གོ་ཕྱོགས་ཀྱིས་ཨ་ཧྥེ་རི་ཁའི་ཞི་བདེ་དང་བདེ་འཇགས་སྲུང་སྐྱོང་བྱ་ཆེད་བྱས་རྗེས་བཞག་པར་ཐུགས་རྗེ་ཆེ་ཞུ།    རྒྱལ་སྤྱིའི་རིམ་ངོས་ནས་ཀྲུང་གོ་ཕྱོགས་དང་འབྲེལ་གཏུག་མཐུན་སྦྱོར་བྱ་ཤུགས་ཆེ་རུ་བཏང་སྟེ།“འཛམ་གླིང་ལྷོ་ཕྱོགས”ཀྱི་མཐུན་སྒྲིལ་མཉམ་ལས་ལ་སྔར་ལས་ལེགས་པའི་སྒོ་ནས་སྐུལ་འདེད་གཏོང་འདོད་ཡོད་ལ།    ཀྲུང་གོ་ཕྱོགས་ཀྱིས་ཨ་ཧྥེ་རི་ཁའི་ལས་དོན་དང་ཨ་ཧྥེ་རི་ཁའི་མནའ་འབྲེལ་འཛུགས་སྐྲུན་ནང་ཟབ་ཞུགས་མང་པོ་བྱས་ནས། ཨ་ཧྥེ་རི་ཁའི་ཞི་བདེ་བརྟན་བརླིང་དང་འཕེལ་རྒྱས་ལ་སྐུལ་འདེད་གཏོང་རྒྱུའི་རེ་སྒུག་བྱེད་ཀྱིན་ཡོད།

ཨའོ་མཱ་ཨར་དང་གྲོས་མོལ་གནང་སྐབས། ལིས་ཞི་ཡིས་བསྟན་དོན། ཀྲུང་གོ་གུང་ཁྲན་ཏང་དང་མཉམ་འབྲེལ་དམངས་གཙོའི་མནའ་མཐུན་དེ་རང་རྒྱལ་ཁབ་ཀྱི་སྲིད་འཛིན་ཏང་ཡིན་ལ། ཚང་མས་ཏང་སྟོབས་ཆེར་དང་རྒྱལ་ཁབ་དར་རྒྱས་གཏོང་བ་དང་མི་དམངས་ལ་བདེ་སྐྱིད་སྐྲུན་པའི་ལོ་རྒྱུས་ཀྱི་འགན་འཁྲི་ལྕི་མོ་ཕྲག་ཏུ་འཁུར་ཡོད།   ཀྲུང་གོ་གུང་ཁྲན་ཏང་གིས་མཉམ་འབྲེལ་དམངས་གཙོའི་མནའ་མཐུན་བར་གྱི་འབྲེལ་བ་འཕེལ་རྒྱས་གཏོང་རྒྱུར་མཐོང་ཆེན་བྱས་ནས། མཉམ་འབྲེལ་དམངས་གཙོའི་མནའ་མཐུན་བར་མཐོ་རིམ་འགྲོ་འོང་དམ་ཟབ་བྱེད་པ་དང་།    འཐབ་ཇུས་འབྲེལ་གཏུག་ལ་ཤུགས་སྣོན་པ།    རྒྱལ་ཁབ་གཉིས་ཀྱི་ཆབ་སྲིད་ཐད་ཕན་ཚུན་ཡིད་ཆེས་ཇེ་ཟབ་ཏུ་གཏོང་བ་བཅས་བྱེད་འདོད་ཡོད། རྒྱལ་སྲིད་སྐྱོང་ལུགས་ཀྱི་ཉམས་མྱོང་བརྗེ་རེས་གཏིང་ཟབ་བྱས་ནས་མཉམ་དུ་སྲིད་སྐྱོང་ནུས་པ་དང་བཅོས་སྐྱོང་ཆུ་ཚད་མཐོ་རུ་གཏོང་རྒྱུ་ཡིན།     ས་གནས་བར་གྱི་འགྲོ་འོང་དང་མི་གཞུང་བརྗེ་རེས་ལ་སྐུལ་འདེད་བཏང་ནས། རྒྱལ་ཁབ་གཉིས་ཀྱི་མཛའ་བརྩེའི་དམངས་འདོད་རྨང་གཞི་ཇེ་བརྟན་དུ་གཏོང་དགོས།     མཐུན་སྒྲིལ་མཉམ་ལས་ལ་ཤུགས་བསྣན་ནས་རྒྱལ་སྤྱིའི་དྲང་གཞག་དྲང་བདེན་མཉམ་དུ་སྲུང་སྐྱོང་བྱས་ཏེ། མིའི་རིགས་ཀྱི་ལས་སྐལ་གཅིག་མཐུན་ཚོགས་པ་བསྐྲུན་རྒྱུར་སྐུལ་འདེད་གཏོང་ཆེད་སྲིད་ཏང་གི་བྱས་རྗེས་འཇོག་རྒྱུ་ཡིན།

ཨོ་མཱ་ཨར་གྱིས་བསྟན་དོན། ཀྲུང་གོ་གུང་ཁྲན་ཏང་གིས་ཀྲུང་གོའི་མི་དམངས་ཀྱི་འགོ་ཁྲིད་དེ་འཕེལ་རྒྱས་ཀྱི་གྲུབ་འབྲས་ཧ་ཅང་ཆེན་པོ་བླངས་ནས། ཨ་ཧྥེ་རི་ཁའི་སྲིད་ཏང་གིས་སྲིད་འཛིན་ཉམས་མྱོང་དང་འཕེལ་རྒྱས་གཏོང་སྟངས་སློབ་སྦྱོང་དང་དཔྱད་གཞིར་འཛིན་མཁན་གྱི་མིག་དཔེར་གྱུར་ཡོད།     　མནའ་འབྲེལ་དང་མཉམ་འབྲེལ་བྱས་ཏེ་ཀྲུང་གུང་གི་རྒྱལ་སྲིད་སྐྱོང་ལུགས་ཀྱི་ཉམས་མྱོང་སློབ་སྦྱོང་བྱས་ནས། ཏང་གཉིས་པོའི་བརྗེ་རེས་མཉམ་ལས་ལ་སྔར་ལས་ཤུགས་སྣོན་པ་དང་། ཕན་ཚུན་ལ་རྒྱུས་ལོན་དང་ཡིད་ཆེས་བྱེད་ཤུགས་ཆེ་རུ་བཏང་སྟེ། རྒྱལ་ཁབ་གཉིས་ཀྱི་འབྲེལ་བ་འཕེལ་རྒྱས་འགྲོ་རྒྱུར་ཆབ་སྲིད་ཀྱི་རྨང་གཞི་བརྟན་པོ་ཞིག་འདིང་འདོད་ཡོད།