སྡེ་ཁག14ཡིས་མཉམ་འབྲེལ་ཐོག་ཡིག་ཆ་འདི་སྤེལ།
རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་དང་། རྒྱལ་ཡོངས་རྒྱལ་གཅེས་འཕྲོད་བསྟེན་གཞུང་ལས་ཁང་། རྒྱལ་ཁབ་འཕེལ་སྒྱུར་ཨུ་ལྷན་སོགས་སྡེ་ཁག14ཡིས་ཉེ་ཆར་མཉམ་འབྲེལ་ཐོག《བདེ་ཐང་གྲོང་གསེབ་འཛུགས་སྐྲུན་ལ་སྐུལ་འདེད་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》(གཤམ་དུ《མཛུབ་ཁྲིད་བསམ་འཆར》ཞེས་བསྡུ་རྒྱུ།)ཁྱབ་བསྒྲགས་བྱས་པ་དང་། 《མཛུབ་ཁྲིད་བསམ་འཆར》ནང2030ལོའི་བར་གྲོང་གསེབ་ཀྱི་བདེ་ཐང་ཞབས་ཞུའི་ནུས་པ་ཆེས་ཆེར་མཐོ་རུ་བཏང་ནས་གྲོང་མིར་སྟབས་བདེའི་ངང་སྤུས་ལེགས་ཀྱི་སྨན་བཅོས་འཕྲོད་བསྟེན་ཞབས་ཞུ་ཐོབ་ཐུབ་པ་དང་། མི་སྒེར་གྱི་སྨན་བཅོས་འཕྲོད་བསྟེན་གྱི་ཁུར་པོ་ཐེག་ཐུབ་པ། བདེ་ཐང་གི་འཚོ་བ་སྐྱེལ་སྟངས་ཁྱབ་གདལ་ཐུབ་པ། ནད་གཞི་ཚབས་ཆེན་གྱི་གནོད་འཚེ་དང་བདེ་ཐང་གི་ཉེན་ཁའི་རྒྱུ་རྐྱེན་གཙོ་བོ་ཚོད་འཛིན་ནུས་ལྡན་ཐུབ་པ། གྲོང་མིའི་བདེ་ཐང་ཆུ་ཚད་རྒྱུན་མཐུད་ངང་མཐོ་རུ་གཏོང་བ་བཅས་བྱས་ནས། 2035ལོར་སླེབས་སྐབས་བདེ་ཐང་གྲོང་གསེབ་བསྐྲུན་རྒྱུ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注