བྱ་སྤྱོད་འདི་དག་ལས་གསང་བ་ཕྱིར་འཆོར་སྲིད་པས་དོགས་ཟོན་བྱོས།

《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གསང་མྱུལ་ལ་རྒོལ་བའི་བཅའ་ཁྲིམས》ནང་། སྤྱི་དམངས་དང་རྩ་འཛུགས་གང་ཡིན་ཚང་མས་གསང་མྱུལ་ལ་རྒོལ་བའི་བྱ་བར་ཁྲིམས་ལྟར་རྒྱབ་སྐྱོར་དང་གཞོགས་འདེགས་བྱ་དགོས་པ་དང་། ཤེས་རྟོགས་བྱུང་བའི་རྒྱལ་ཁབ་ཀྱི་གསང་བ་དང་གསང་མྱུལ་ལ་རྒོལ་བའི་བྱ་བའི་གསང་བ་དམ་སྲུང་བྱ་དགོས་པ་གཏན་འབེབས་བྱས་ཡོད། གསང་མྱུལ་ལ་རྒོལ་བའི་བྱ་བའི་འབྲེལ་ཡོད་ཀྱི་རྒྱལ་ཁབ་གསང་བ་ཕྱིར་བསྒྲགས་ནས་ཉེས་ཚད་ལོན་པའི་རིགས་ལ་ཁྲིམས་ལྟར་ཉེས་འགན་བདའ་འདེད་གཏོང་རྒྱུ་དང་། ཉེས་ཚད་ལོན་མེད་པའི་རིགས་ལ་རྒྱལ་ཁབ་བདེ་སྲུང་ལས་ཁུངས་ཀྱིས་ཐ་ཚིག་སྒྲོག་པའམ་ཡང་ན་ཉིན་བཅུ་མན་གྱི་སྲིད་འཛིན་བཀག་ཉར་གྱི་ཆད་པ་དང་སྒོར་ཁྲི་གསུམ་མན་གྱི་དངུལ་ཆད་བཅད་ཆོག 

གསར་དུ་བཟོ་བཅོས་བྱས་པའི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་གསང་བ་དམ་སྲུང་བཅའ་ཁྲིམས》ནང་། གསང་འབྲེལ་མི་སྣས་གསང་གྲོལ་དུས་ཡུན་ནང་། བྱེད་ཐབས་གང་རུང་སྤྱད་དེ་རྒྱལ་ཁབ་ཀྱི་གསང་བ་ཕྱིར་བསྒྲགས་མི་ཆོག་ལ། གསང་གྲོལ་དུས་ཚད་མཇུག་བསྒྲིལ་རྗེས། རྒྱལ་ཁབ་ཀྱི་གསང་སྲུང་གཏན་འབེབས་ལ་བརྩི་སྲུང་བྱ་དགོས་ཤིང་། རྒྱལ་ཁབ་ཀྱི་གསང་བ་ཤེས་རྟོགས་བྱུང་རིགས་ཀྱིས་མུ་མཐུད་དུ་གསང་སྲུང་འོས་འགན་བསྒྲུབ་དགོས།