སྡེ་ཁག་གཉིས་ཀྱིས་མཉམ་འབྲེལ་སྒོས་ཡིག་ཆ་སྤེལ་ཏེ་ཁམས་གསོ་དང་སྨན་བཅོས་ཟུང་འབྲེལ་གྱི་ཆེད་ལས་འཇོན་མི་མགྱོགས་མྱུར་ངང་གསོ་སྐྱོང་བྱེད་པར་བཀོད་སྒྲིག་བྱས།

ཡོང་ཁུངས། གངས་ལྗོངས་མེ་ལོང་། རྩོམ་སྒྲིག་པ། གུ་རུ་སྐྱབས། 2025-03-20 17:00:41 ཀློག་གྲངས།1784

གསར་འགོད་པས་སློབ་གསོ་པུའུ་ནས་རྒྱུས་ལོན་བྱུང་བ་ལྟར་ན། སློབ་གསོ་པུའུ་དང་རྒྱལ་ཁབ་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གཉིས་ཀྱིས་མཉམ་འབྲེལ་སྒོས་མཐོ་རིམ་ལས་རིགས་སློབ་གསོའི་སྨན་བཅོས་བདག་སྐྱོང་དང་དོ་དམ་ཆེད་ལས་འཛུགས་པའི་བྱ་བར་ཤུགས་སྣོན་པའི་བརྡ་སྦྱོར་སྤེལ་ཏེ། སྨན་བཅོས་བདག་སྐྱོང་དང་དོ་དམ་ཆེད་ལས་འཛུགས་པ་དང་། ཁམས་གསོ་དང་སྨན་བཅོས་ཟུང་འབྲེལ་གྱི་ཆེད་ལས་མི་སྣ་གསོ་སྐྱོང་བྱེད་པར་ཤུགས་བསྣན་ནས། སྐས་རིམ་ཅན་དང་སྣ་མང་ཅན་གྱི་རྒན་གསོའི་བདེ་ཐང་གི་དགོས་མཁོ་བསྐངས།

བརྡ་སྦྱོར་ལས་བསྟན་དོན། ས་གནས་ཀྱི་ལས་རིགས་དངོས་གཞིའི་སློབ་གྲྭ་སོགས་ནས་སྨན་བཅོས་བདག་སྐྱོང་དང་དོ་དམ་གྱི་དངོས་གཞིའི་ཆེད་ལས་བཀོད་སྒྲིག་བྱེད་པར་སྣེ་ཁྲིད་དང་རྒྱབ་སྐྱོར་བྱེད་དགོས་པར་མ་ཟད། འབྲེལ་མཐུད་ཀྱི་ཆེད་ལས་གསོ་སྐྱོང་བྱས་ཏེ། བདེ་ཐང་དོ་དམ་དང་། རྒན་པའི་བདེ་སྲུང་དང་དོ་དམ། བློ་གྲོས་ཀྱི་བདེ་ཐང་རྒན་གསོའི་ཞབས་ཞུ་དང་དོ་དམ་སོགས་ཆེད་ལས་ཀྱི་མཐོ་རིམ་ལས་རིགས་ཆེད་སྦྱོང་གི་མཐར་ཕྱིན་སློབ་མས་རྒྱུགས་སྤྲོད་པར་སྐུལ་ལྕག་བྱེད་པ་དང་། ཆ་རྐྱེན་འཛོམས་པའི་སློབ་གྲྭས་སྨན་བཅོས་བདག་སྐྱོང་དང་དོ་དམ་ཆེད་ལས་དེ་འབྲིང་རིམ་དང་མཐོ་རིམ། དངོས་གཞི་གསུམ་གྱི་འབྲེལ་མཐུད་གསོ་སྐྱོང་རྣམ་པ་འཚོལ་ཞིབ་བྱེད་པར་སྐུལ་འདེད་བྱེད་དགོས།

བརྡ་སྦྱོར་ལས་བསྟན་དོན། མཐོ་རིམ་ལས་རིགས་སློབ་གྲྭས་འབྲེལ་ས་ཁོངས་ཀྱི་སྨན་བཅོས་ཁམས་གསོའི་ཟུང་འབྲེལ་གྱི་འཕེལ་རྒྱས་དགོས་མཁོར་སྦྲེལ་མཐུད་དམ་ཟབ་བྱེད་པ་དང་། འཇོན་མིའི་མཁོ་སྤྲོད་གནས་ཚུལ་དང་སློབ་གྲྭའི་སློབ་སྒྲུབ་དོན་དངོས་ཟུང་འབྲེལ་བྱས་ཏེ། སྨན་བཅོས་བདག་སྐྱོང་དང་དོ་དམ་ཆེད་ལས་ཀྱི་སྒྲུབ་བྱེད་དང་འཆར་འགོད་བཀོད་སྒྲིག་ལེགས་པོ་བྱེད་དགོས། དངོས་གཞིའི་སློབ་གྲྭ་དཀྱུས་མ་དང་མཐོ་རིམ་ལས་རིགས་སློབ་གྲྭར་ཆེད་ལས་རོགས་སྐྱོར་རྐྱེན་སྲོལ་འཛུགས་པར་སྐུལ་འདེད་དང་། སྨན་བཅོས་འཕྲོད་བསྟེན་རིགས་ཀྱི་འབྲེལ་ཡོད་ཆེད་ལས་ཀྱི་ཁྱད་སྟོབས་ཆེད་ལས་དང་སྨན་བཅོས་བདག་སྐྱོང་དང་དོ་དམ་ཆེད་ལས་སྦྲེལ་མཐུད་འཛུགས་སྐྲུན་བྱེད་དགོས་ལ། མཉམ་སྐྲུན་མཉམ་སྤྱོད་ལ་སྐུལ་འདེད་བྱེད་པར་སྣེ་ཁྲིད་བྱེད་དགོས།

བརྡ་སྦྱོར་ལས་ད་དུང་བསྟན་དོན། ས་གནས་སོ་སོས་སློབ་གྲྭ་དང་མཉམ་འབྲེལ་སྒོས་སྨན་བཅོས་དང་ཁམས་གསོ་ཟུང་འབྲེལ་སྒྲིག་ཚན་དང་། ཕྱོགས་བསྡུས་རང་བཞིན་གྱི་སྨན་ཁང་གི་རྒན་པའི་སྨན་བཅོས་ཚན་ཁག གཞི་རིམ་སྨན་བཅོས་འཕྲོད་བསྟེན་ལས་ཁུངས་དང་རྒན་པའི་གསོ་རིག་གི་ཆེད་ལས་སྨན་ཁང་། ཁམས་གསོ་སྨན་ཁང་། བདག་སྐྱོང་ཁང་སོགས་འབྲེལ་ཡོད་ལས་ཁུངས་དང་ལྷན་དུ་སྨན་བཅོས་བདག་སྐྱོང་དང་དོ་དམ་ཆེད་ལས་ཀྱི་འཇོན་མི་གསོ་སྐྱོང་ཇུས་གཞི་གཏན་འབེབས་བྱེད་པར་སྣེ་ཁྲིད་བྱེད་དགོས་པ་དང་། གཞུང་ལུགས་དང་ལག་ལེན་ཟུང་འབྲེལ་དམ་ཟབ་བྱེད་པར་དོ་སྣང་བྱས་ཏེ། རྩ་དོན་ལས་ལག་ལེན་སློབ་ཁྲིད་ཀྱི་ཡུན་ཚད50%ཡན་ཡིན་དགོས། ལག་ལེན་སློབ་ཚན་ལས་གཞན་ད་དུང་། འབྲེལ་ཡོད་སྨན་བཅོས་འཕྲོད་བསྟེན་ཞབས་ཞུའི་ལས་ཁུངས་སུ་སོང་ནས་དངོས་སྦྱོང་བྱེད་པ་དང་། ཁོར་ཡུག་དངོས་ཀྱི་ཁྲོད་ལག་ལེན་རྩལ་ནུས་མཐོར་འདེགས་དང་། ལས་ཞུགས་འཇོན་ནུས་ལ་ཤུགས་སྣོན་དགོས།སྡེ་ཁག་གཉིས་ཀྱིས་མཉམ་འབྲེལ་སྒོས་ཡིག་ཆ་སྤེལ་ཏེ་ཁམས་གསོ་དང་སྨན་བཅོས་ཟུང་འབྲེལ་གྱི་ཆེད་ལས་འཇོན་མི་མགྱོགས་མྱུར་ངང་གསོ་སྐྱོང་བྱེད་པར་བཀོད་སྒྲིག་བྱས།

2025.03.20 ཁུངས། མཚོ་སྔོན་ཉིན་རེའི་ཚགས་པར། ཀློག་གྲངས། 122