གཞས་མ་སྒྲོན་པེ་ཡི་གླུ་གཞས་ཆེད་ཚོགས་ཨ་མདོ་བརྙན་འཕྲིན་ནས་བསྡུས།

ཡོང་ཁུངས། ཨ་མདོ་བརྙན་འཕྲིན། རྩོམ་སྒྲིག་པ། ཀླུ་མགོན་རྒྱལ། 2023-11-14 09:52:23 ཀློག་གྲངས།228

གཞས་མ་སྒྲོན་པེ་ཡི་གླུ་གཞས་ཆེད་ཚོགས་ཨ་མདོ་བརྙན་འཕྲིན་ནས་བསྡུས།

ཨ་མདོ་བརྙན་འཕྲིན་གྱི་ཕུལ་བྱུང་གཞས་པ་གཞས་མའི་མུ་འབྲེལ་གླུ་གཞས་ཆེད་ཚོགས«གངས་རིའི་སྐར་རྒྱན»ལས། ཨ་ཅེ་འབྲོག་མོ་སྒྲོན་པེ་ཡི་མི་སྒེར་གླུ་གཞས་ཆེད་ཚོགས«དྲིན་གྱི་མཆོད་དབྱངས»ཞེས་པ་དེ་སྤྱི་ཟླ༡༡པའི་ཚེས༥ཉིན་གྱི་དགོང་མོའི་ཆུ་ཚོད་བདུན་པའི་སྟེང་། མཚོ་སྔོན་རྒྱང་སྒྲོག་བརྙན་འཕྲིན་ཁང་གི་འཁྲབ་གཏོང་ཚོམས་ཆེན་ནས་གཟབ་རྒྱས་ངང་འཚོགས་ཤིང་། ཨ་མདོ་བརྙན་འཕྲིན་གྱི་དུས་དབྱངས་འཕྲིན་སྟེགས་དང་སྐད་འཕྲིན་བརྙན་ལམ་ནས་དགོང་ཚོགས་ཧྲིལ་བོ་དུས་མཉམ་དུ་ཐད་གཏོང་བྱས།

ཨ་ཅེ་འབྲོག་མོའམ་མིང་དུ་གྲགས་པའི་གཞས་མ་སྒྲོན་པེ་ལགས་ལོ་ངོ་ཉི་ཤུའི་ཡར་སྔོན་ནས་གླུ་གཞས་སྒྱུ་རྩལ་གྱི་ལམ་ལ་དངོས་སུ་ཞུགས་ཏེ། སྤྱི་ལོ༢༠༠༣ལོར་མཚོ་སྔོན་རྒྱང་སྒྲོག་བརྙན་འཕྲིན་ཁང་གི་ལོ་སར་དགོང་ཚོགས་ཆེན་མོ«གངས་ལྗོངས་མཆོད་བསྟོད་ཆེན་མོ»ཞེས་པའི་སྟེང«ཆ་ལེ་མོ་བསྭོ»ཞེས་པའི་གླུ་གཞས་སྙན་མོ་ཞིག་བླངས་པ་ནས་བཟུང་ལྟ་མཁན་མང་པོས་ཐོག་མར་ཁོ་མོ་ངོ་ཤེས་པར་གྱུར་ཅིང་། དེའི་རྗེས་ཀྱི་གླུ་གཞས་སྒྱུ་རྩལ་གྱི་ལམ་ཁ་སྙེག་པའི་ལོ་ཟླའི་ཁྲོད་ནས། «ཨ་ཅེ་འབྲོག་མོ»དང«འབྲི་མོ་བཞོ་དབྱངས»ལ་སོགས་པའི་སྙན་པའི་འགྱུར་ཁུགས་རབ་ཏུ་རྫོགས་པའི་གླུ་གཞས་སྙན་མོ་གང་མང་ཞིག་སྔ་ཕྱིར་བཏང་བ་དེ་ཡིས་ཁོ་མོ་གཞི་ནས་བོད་འབྲེལ་ས་ཁུལ་ཡོངས་ལ་སྐད་གྲགས་ཀྱིས་ཆོད་པར་གྱུར་ཏེ། ལྟ་མཁན་དང་ཉན་མཁན་ཁྲི་སྟོང་མང་པོར་ཤུགས་རྐྱེན་དང་བག་ཆགས་ཟབ་མོ་བཞག

ལོ་ངོ་ཉི་ཤུའི་རྗེས་ཀྱི་དུས་དེ་རིང་། ཨ་ཅེ་འབྲོག་མོས་རྩྭ་ཐང་ཡངས་པོའི་མཛེས་སྡུག་དང་། གངས་ཆབ་དྭངས་མོའི་འགྱུར་ཁུགས་གླུ་ངག་ལ་བསྣམས་ཏེ་ཕྱིར་མཚོ་སྔོན་རྒྱང་སྒྲོག་བརྙན་འཕྲིན་ཁང་ཨ་མདོ་བརྙན་འཕྲིན་གྱི«གངས་རིའི་སྐར་རྒྱན»གར་སྟེགས་ལ་སླེབས་ནས། «དྲིན་གྱི་མཆོད་དབྱངས»ཞེས་པའི་མི་སྒེར་གྱི་གླུ་གཞས་ཆེད་ཚོགས་ཤིག་ལོ་ངོ་ཉི་ཤུའི་གླུ་གཞས་སྒྱུ་རྩལ་གྱི་བཤུལ་ལམ་ནས་ཁོ་མོ་ལ་གྲོགས་དན་བགྱིས་པ་ཡོངས་ལ་དྲིན་གཟོ་ཞིག་གི་ཚབ་ཏུ་ཕུལ་ཡོད་པ་རེད།

ཐེངས་འདིའི་ཨ་ཅེ་འབྲོག་མོ་སྒྲོན་པེ་མི་སྒེར་གྱི་གླུ་གཞས་ཆེད་ཚོགས་དེ་གོང་གསལ་གྱི་འཐུས་ཚབ་བརྩམས་ཆོས་དག་གཙོ་བྱས་ཐོག མངའ་རིས་ཀྱི་དམངས་གཞས«ཁ་རག་རི»ཞེས་པ་དང་། འབའ་གཞས«སྟོང་སྐུད་སུམ་གཤིབ» རྒྱལ་མོ་རོང་བའི་དམངས་གཞས«རྟེན་འབྲེལ་བཟང»ལ་སོགས་པའི་གླུ་གཞས་བརྩམས་ཆོས་ཉི་ཤུར་ཉེ་བ་ཞིག་གིས་གྲུབ་པར་བྱས་ཡོད་ཅིང་། གླུ་མ་དབྱངས་ཅན་ལྷ་མོ་དང་། གླུ་བ་སྒྲོལ་མ་སྐྱབས། སྙན་སྒྲོན་པ་གྲགས་ཅན་འབྲུག་ལྷ་རྒྱལ། དེ་མིན་གཞས་ཚོགས་དང་རམ་དཀྲོལ་རོལ་མོ་ཚོགས་པ་མང་པོ་ཞིག་ཐེངས་འདིའི་གླུ་གཞས་ཆེད་ཚོགས་ལ་གདན་ཞུས་ཀྱིས་ཞུགས་ཡོད་པ་རེད།

«དྲིན་གྱི་མཆོད་དབྱངས»ཀྱི་དགོང་ཚོགས་ཧྲིལ་བོའི་རིང་ཐུང་ལ་དུས་ཚོད་གཉིས་ཙམ་ཡོད་ཅིང་། དགོང་ཚོགས་ཡུལ་དངོས་ན་ཡོད་པའི་སྐུ་མགྲོན་དང་ལྟད་མོ་བ། དེ་མིན་ཨ་མདོ་བརྙན་འཕྲིན་གྱི་དུས་དབྱངས་འཕྲིན་སྟེགས་དང་སྐད་འཕྲིན་བརྙན་ལམ་གྱི་ལྟད་མོ་བ་བསྡོམས་པས་མི་འབུམ་བཞི་ལྷག་གིས་དགོང་ཚོགས་ལ་བལྟས་ཡོད་པ་རེད།

རྩོམ་གོང་མ། > 2024ལོའི་བོད་ལུཊ་ལོ་གསར་དང་དཔྱིད་གསར་དུས་ཆེན་དུས་གཅིག་ཏུ་འཁེལ་བ།
རྩོམ་གཞུག་མ། > མཛེས་སྡུག་ཡིད་དབང་འཕྲོག་པའི་གསའ་ཕུ་གངས་རི།

ཞིང་ཆེན་ཡོངས་ཀྱི་ཕུལ་བྱུང་གུང་ཁྲན་ཏང་ཡོན་རྐང་ཚའི་རྩྭ་ཐང་གི་བུ་རྒོད་མཁའ་འགྲོ་ཐར་གྱི་སྔོན་ཐོན་བྱས་རྗེས་བརྗོད་པའི་ཡུལ་སྣང་ཏང་གི་སློབ་ཚན་སྐོར་སྐྱོད་འཁྲབ་སྟོན་བྱས་པ།

སེམས་ཀྱི་ཉི་ཟླའི་བོད་ཀྱི་འཁལ་འཐག་ལག་རྩལ།

ཀྲུང་གུང་ཀྲུང་དབྱང་ཆབ་སྲིད་ཅུས་ཀྱིས་གྲོས་ཚོགས་སྐོང་འཚོགས་བྱས་པ།

ཀྲུང་དབྱང་གི་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་ཚན་ཆུང་ལྔ་པས་མཚོ་སྔོན་ཞིང་ཆེན་ལ་སྐྱེ་ཁམས་ཁོར་ཡུག་ཐད་ནས་མང་ཚོགས་ཀྱིས་ཡིག་སྐུར་ངོ་བཅར་དང་ཐེར་འདོན་ཞུ་གཏུག་བྱས་པའི་སྐོར་ཐེངས་བཅོ་ལྔ་པའི་གནད་དོན52སྤྲད་དེ་སྒྲུབ་ཏུ་བཅུག