2024ལོའི་བོད་ལུགས་ལོ་གསར་གྱི་ཚེས་གཅིག་དང་ལུགས་རྙིང་ལོའི་ལོ་གསར་གྱི་ཚེས་གཅིག་གཉིས་ཀ2024ལོའི་ཟླ2པའི་ཚེས10ཉིན་ལ་འཁེལ་འདུག

རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས་ཁྱབ་བསྒྲགས་བྱས་པའི་བརྡ་ཐོ་གཞིར་བཟུང་། 2024ལོའི་དཔྱིད་གསར་དུས་ཆེན་གྱི་གུང་གསེང་ནི་ཟླ2པའི་ཚེས10ཉིན་ནས་ཚེས17ཉིན་བར་ཡིན་པ་དང་། ཁྱོན་ངལ་གསོ་ཉིན8ཡོད།

གཞན་ཡང་། བོད་ལྗོངས་གནམ་རིག་སྐར་རྩིས་སློབ་ཚོགས་ཀྱི་དྲུང་ཆེ་རྡོ་རྗེས་ངོ་སྤྲོད་བྱས་པར་གཞིགས་ན། ད་ལོའི་བོད་ཟླ12པའི་ཚེས29ཉིན་ཆད་ཡོད་པ་དང་། གོམས་སྲོལ་ལྟར་ན་དགུ་ཐུག་དེ་བོད་ཟླ12པའི་ཚེས30ཉིན་ལ་ནར་འགྱངས་བྱ་རྒྱུ་ཡིན་པ་དང་། དེ་ཡང་ཏག་ཏག་ལུགས་རྙིང་ལོའི་ཟླ12པའི་ཚེས30ཉིན་གྱི་གནམ་གང་ཉིན་མོ་དང་དུས་གཅིག་ཏུ་འཁེལ་ཡོད།

བོད་ལྗོངས་ཀྱི་ས་གནས་སོ་སོས་ཡོངས་ཁྱབ་ངང་དགའ་གཏོང་བྱེད་པའི་རྒྱལ་པོ་ལོ་གསར་ཕུད། “ལོ་གསར་སྔ་ཤོས”ཞེས་སུ་གྲགས་པའི་ཀོང་པོའི་ལོ་གསར་ནི་བོད་ཟླ10པའི་ཚེས1ཉིན་ཏེ2023ལོའི་ཟླ11པའི་ཚེས4ཉིན་ཡིན།

མངའ་རིས་སྤུ་ཧྲེང་སོགས་ཀྱིས་དགའ་གཏོང་བྱེད་པའི་སྤུ་ཧྲེང་ལོ་གསར་ནི་བོད་ཟླ11པའི་ཚེས1ཉིན་ཏེ2023ལོའི་ཟླ12པའི་ཚེས13ཉིན་ཡིན།

གཞིས་རྩེ་སོགས་ནས་དགའ་གཏོང་བྱེད་བཞིན་པའི་སོ་ནམ་ལོ་གསར་ནི་བོད་ཟླ12པའི་ཚེས1ཉིན་ཏེ2024ལོའི་ཟླ་དང་པོའི་པོའི་ཚེས12ཉིན་ཡིན་པ་རེད།