ན་ཆུང་བྱིས་པའི་གླུ་གཞས་སྤྲོ་ཚོགས་སྐབས་བཞི་པ་བསྡུ་བའི་བརྡ་སྦྱོར།

 ༡ གླུ་གཞས་བརྩམས་ཆོས་ཀྱི་ནང་དོན་སྤྱི་ཚོགས་རིང་ལུགས་ཀྱི་རིན་ཐང་ལྟ་བ་གཙོ་བོ་དར་སྤེལ་གཏོང་བའི་བརྗོད་དོན་དང་འཚམ་དགོས་པར་མ་ཟད། སྤྱི་ཚོགས་འཆམ་མཐུན་བདེ་འཇགས་དང་། མི་རིགས་མཐུན་སྒྲིལ་ཡར་ཐོན། རིག་གནས་ཡར་རྒྱས་གོང་འཕེལ་གྱི་གནས་བབ་བཟང་པོར་བསྟོད་གླུ་འབུལ་བའི་ཡར་ཐོན་ཡར་སྐུལ་གྱི་དྲང་ཕྱོགས་ཀྱི་ནུས་པ་བརྒྱུད་སྤེལ་བྱེད་པའི་ནང་དོན་ལྡན་དགོས།

༢ གླུ་གཞས་བརྩམས་ཆོས་ཀྱི་ཚིག་དང་དབྱངས་གཉིས་ཀྱི་ཆ་ནས་ན་ཆུང་བྱིས་པའི་བློ་དང་མོས་པར་འཚམས་ཤིང་། བྱིས་པའི་ཁྱད་ཆོས་ཀྱིས་ཀུན་ནས་ཕྱུག་པ་ཞིག་ཡིན་དགོས་པར་མ་ཟད། གསར་བཏོད་རང་བཞིན་དང་སྒྱུ་རྩལ་རང་བཞིན་ལྡན་དགོས།

༣ ན་ཆུང་གཞས་པ་གཞས་མ་རེ་ནས་གླུ་གཞས་བརྩམས་ཆོས་གཉིས་རེ་བསྐུར་དགོས་ཤིང་། གཅིག་ནི་བརྩམས་ཆོས་བདག་དབང་ཡོད་པའི་གླུ་གཞས་གསར་བ་ཡིན་དགོས་ལ། གཅིག་ནི་བསྐྱར་ལེན་གྱི་བདག་དབང་ཡོད་པའི་གླུ་གཞས་རྙིང་བ་ཡིན་ན་ཆོག (གླུ་གཞས་བརྩམས་ཆོས་དམངས་གླུ་དང་རྡུང་ལེན། མཉམ་ལེན་སོགས་གང་རུང་ཡིན་ཆོག)

༤  གླུ་གཞས་བརྩམས་ཆོས་བོད་སྐད་ཀྱི་ལམ་ནས་བླངས་པ་ཡིན་དགོས་ཤིང་།  རམ་འདེགས་རོལ་མོའི་སྒྲིག་སྦྱོར་བཟང་ཞིང་སྒྲ་བླངས་པ་ཚད་ལྡན་སྤུས་དག་ཡིན་དགོས། 

༥  ན་ཆུང་གཞས་པ་གཞས་མ་ལོ་དྲུག་གི་ཡན་དང་ལོ་བཅུ་བཞིའི་མན་ཡིན་དགོས།

གཉིས། གླུ་གཞས་བརྩམས་ཆོས་སྡུད་པའི་དུས་ཡུན།

  2025ལོའི་སྤྱི་ཟླ 4 པའི་ཚེས 15 བར་ཡིན། (གླུ་གཞས་བརྩམས་ཆོས2025ལོའི་སྤྱི་ཟླ4པའི་ཚེས15སྔོན་ལ་བསྐུར་དགོས། ཚེས15ཉིན་གྱི་ཆུ་ཚོད24རྗེས་ནས་བསྐུར་བ་རྣམས་དང་ལེན་མི་བྱེད།)

གསུམ། གླུ་གཞས་བརྩམས་ཆོས་སྐུར་སྟངས།

གླུ་གཞས་བརྩམས་ཆོསwavཡི་རྣམ་པས་གཤམ་གྱི་ཡིག་ཟམ་དང་ཡང་ན་སྐད་འཕྲིན་དུ་བསྐུར་དགོས་ལ། ཞར་ལ་གླུ་ཚིག་དང་ཚིག་རྩོམ་མཁན། དབྱངས་རྩོམ་མཁན། ལེན་མཁན་བཅས་ཀྱི་མིང་། དེ་མིན་ཁྱིམ་བདག་གི་མིང་དང་འབྲེལ་གཏུག་ཁ་པར་ཨང་གྲངས་སོགས་གསལ་བོར་བྲིས་ཏེ་བསྐུར་དགོས། (གླུ་ཚིགwordཡིག་ཆ་ལ་ཡེ་གེ་གཏགས་ནས་བསྐུར་དགོས་པ་ལས་ལག་བྲིས་དང་པར་བརྒྱབ་ནས་བསྐུར་ན་དང་ལེན་མི་བྱེད།)

བཞི། འབྲེལ་གཏུག་བྱེད་ཡུལ།

ཡིག་ཟམ། 2543922507@qq.com

སྐད་འཕྲིན། N2543922507

འབྲེལ་གཏུག་ཁ་པར། 153 0974 5515

ལྔ། གསལ་བཤད།

ང་ཚོར་འབྱོར་བའི་གླུ་གཞས་བརྩམས་ཆོས་ལ་དཔྱད་འདེམ་པ་རྩ་འཛུགས་ཀྱིས་ཐོག་མའི་དཔྱད་འདེམ་བྱ་རྒྱུ་ཡིན་ཅིང་། ཐོག་མའི་དཔྱད་འདེམ་བརྒྱུད་ཚིག་དང་དབྱངས། རོལ་མོ། སྒྲ་བླངས་པ་བཅས་གང་ཅིའི་ཐད་ནས་འབུར་དུ་ཐོན་པའི་གླུ་གཞས་བརྩམས་ཆོས་ཕུལ་དུ་བྱུང་བ་གྲངས་ཚད་ངེས་ཅན་ཞིག ཨ་མདོ་བརྙན་འཕྲིན་གྱི“མེ་ཏོག་གངས་ལྷ”བུམ་པའི་ན་ཆུང་བྱིས་པའི་གླུ་གཞས་སྤྲོ་ཚོགས་སྐབས་བཞི་པར་གདམ་རྒྱུ་ཡིན། བདམས་ཐོན་བྱུང་བའི་གླུ་གཞས་བརྩམས་ཆོས་ལ་བསྐྱར་དུ་བརྡ་སྦྱོར་སྤེལ་རྒྱུ་ཡིན་པས་དེ་དོན་ཐུགས་འཇགས་འཚལ་ལོ།།