ཟ་ཚད་མང་དྲགས་ན་གནོད་པ་ཆེན་པོ་ཡོད།

ནམ་རྒྱུན་ཟས་ཟ་ཚད་མང་དྲགས་ཚེ་ལུས་ཕུང་ལ་གནོད་པ་གང་འདྲ་ཡོད་དམ་ཞེ་ན།  ཆེས་ཐད་ཀར་གྱི་གནོད་པ་ནི་ཕོ་བ་ཇེ་ཆེར་སོང་ནས་ནང་ཁྲོལ་གཞན་དག་ལ་བཙུར་མནོན་ཐེབས་པ་དང་གསུས་པ་སྦོས་པ། སྐྱུག་མེར་ལངས་པ། སྐྱུག་པ་སོགས་ཀྱི་སྣང་ཚུལ་འབྱུང་སྲིད། དེ་མིན་ཞིབ་འཇུག་གཞན་ལས་ཤེས་རྟོགས་བྱུང་བ་ལྟར་ན།  ཚིལ་རྒྱུ་འདུས་ཚད་མཐོ་བ་དང་ནུས་པ་མཐོ་བའི་ཟ་མ་མང་པོ་ཟོས་ན་སྐྱོ་སྣང་དང་བྲེལ་འཚུབ། ཁོང་ཁྲོ་ལངས་པ་སོགས་ཀྱི་སྣང་ཚུལ་ཇེ་མང་དུ་འགྲོ་བ་དང་།  འགྱུར་ལྡོག་འདི་དག་གིས་མཚན་མོའི་གཉིད་ལ་གནོད་པ་ཐེབས་སྲིད།

རྒྱུན་དུ་ཟས་ཟ་རྒྱུ་མང་དྲགས་ན་འཚོ་བཅུད་བསྡུ་ལེན་བྱེད་ཚད་ཚད་ལས་བརྒལ་ཏེ་ལུས་པོ་མི་བདེ་བའི་སྣང་ཚུལ་ཐོན་པ་རེད། ཟ་རྒྱུ་མང་དྲགས་པ་ནི་ནད་གཞི་མང་པོ་ཞིག་གི་འབྱུང་ཁུངས་ཡིན་པས། ཚེ་སྲོག་གི་ཉེན་ཁ་ཇེ་ཆེར་འགྲོ་ཉེན་ཡོད།  རྒྱུན་དུ་གྲོད་པ་རྒྱགས་པར་ཟོས་ན་བག་མེད་དུ་ཟ་འཐུང་བྱེད་པའི་གོམས་གཤིས་ངན་པ་ཆགས་སྲིད། དེར་བརྟེན་ང་ཚོས་ཟ་མ་ཟ་སྐབས་བརྒྱ་ཆའི་བརྒྱད་བཅུ་ཙམ་རྒྱགས་ན་ཆོག་པ་དང་། ཟས་ཟ་སྐབས་ཞིབ་ཏུ་ལྡད་པ་དང་དལ་མོར་ཟོས་ཏེ་ཀླད་པར་ཚུར་སྣང་གི་དུས་ཚོད་ངེས་ཅན་ཞིག་སྤྲོད་རྒྱུ་གལ་ཆེའོ། །