ཀ་ར་ལྡན་པའི་སྐོམ་ཆུ་ཉུང་བསྟེན་བྱས་ན་བཟང་།

ཀ་ར་ལྡན་པའི་སྐོམ་ཆུ་ཉུང་བསྟེན་བྱས་ན་བཟང་།

【བདེ་ཐང365】ཞེས་པའི་ལེ་ཚན་འདི་ནི་མཚོ་བྱང་མདོ་ལ་བོད་ཡིག་ཚགས་པར་ཁང་གིས་གསར་དུ་སྒྲུབ་པའི་ལེ་ཚན་ཞིག་ཡིན་ལ། འདིར་རྒྱ་ཆེའི་ཀློག་པ་པོར་ཕྱོགས་ཡོངས་དང་ཆེད་ལས། སྤྱོད་གོ་ཆོད་པའི་བདེ་ཐང་ཤེས་བྱ་མཁོ་འདོན་བྱེད་རྒྱུ་ཡིན།  ལེ་ཚན་འདིའི་ནང་དུ་ང་ཚོས་གསོ་རིག་ཆེད་མཁས་པ་དང་འཚོ་བཅུད་རིག་པ་བ། སེམས་ཁམས་རིག་པའི་དགེ་རྒན་སོགས་ཆེད་ལས་མི་སྣ་གདན་འདྲེན་ཞུས་ཏེ། ཁྱེད་རྣམས་ཀྱི་ལུས་ཁམས་བདེ་ཐང་དང་སེམས་ཁམས་གསལ་ཐང་། བཟའ་བཏུང་འཚོ་བཅུད་སོགས་ཀྱི་གནད་དོན་ལ་ལན་འདེབས་སུ་འཇུག་རྒྱུ་ཡིན། དེ་དང་ཆབས་ཅིག ང་ཚོས་ད་དུང་སྤྱོད་གོ་ཆོད་པའི་བདེ་ཐང་རྒྱུན་ཤེས་མཉམ་སྤྱོད་བྱས་ནས་ཚང་མས་དུས་རྒྱུན་འཚོ་བའི་ཁྲོད་རང་ཉིད་ཀྱི་བདེ་ཐང་ལ་སྔར་ལས་ལེགས་པའི་དོ་སྣང་བྱེད་པར་རོགས་རམ་བྱ་རྒྱུ་ཡིན།

<<ཀྲུང་གོའི་སྡོད་དམངས་བཟའ་བཅའི་ཕྱོགས་སྟོན>>ནང་བསྟན་དོན། མིས་ཉིན་རེར་མངར་ཆའམ་ཀ་ར་ལྡན་པའི་ཟས་རིགས་ཁེ50ལས་མི་བརྒལ་པ་དང་རབ་ཡིན་ན་ཁེ25མན་དུ་ཚོད་འཛིན་བྱས་ན་བཟང་། ཧའོ་ཧྲེང500ཅན་གྱི་བཏུང་བྱ་མངར་མོ་དམ་བེ་གཅིག་ནང་ཕལ་ཆེར་ཁེ50ཡས་མས་ཀྱི་ཀ་ར་ལྡན་པས། སྐོམ་ཆུ་མངར་མོའམ་ཀ་ར་ལྡན་པ་ཉུང་འཐུང་ངམ་མ་འཐུང་ན་ལེགས་པའི་གྲོས་འགོ་བཏོན་ཡོད།