དྲིན་ཚོར་བའི་མི་ཡི་སེམས་ལ་སྟོབས་ཀྱིས་ཁེངས་ཡོད།
རྒྱུན་དུ་མི་གཞན་གྱི་དྲིན་དྲན་པ་དང་། དྲིན་གཟོ་བའི་བསམ་པ་དང་ལྡན་ན། ཉེ་འགྲམ་གྱི་མི་ལ་བདེ་སྣང་སྦྱིན་ཐུབ་པར་མ་ཟད། རང་ཉིད་ལའང་སྐྱིད་པའི་སྣང་བ་འཕེལ་སྲིད། ཚན་རིག་ཞིབ་འཇུག་མང་པོ་ཞིག་ལས་མངོན་པ་ལྟར་ན། དྲིན་ཚོར་བར་གཤམ་གྱི་བཟང་ཆ་འདི་དག་ཡོད་དེ།
གཅིག གྲོགས་པོ་ཇེ་མང་དུ་འགྲོ་བ། མི་གཞན་གྱིས་ཁྱོད་ལ་རོགས་རམ་བྱས་རྗེས།“བཀའ་དྲིན་ཆེ”ཟེར་རྒྱུ་བརྗེད་མི་རུང་། དེ་ནི་ཁྱོད་ལ་བརྩི་བཀུར་ཡོད་པའི་རྟགས་ཤིག་ཀྱང་ཡིན། རྒྱུན་དུ་དྲིན་གཟོ་བའི་བསམ་པ་དང་ལྡན་ན་གྲོགས་པོ་ཇེ་མང་དུ་འགྲོ་བར་མ་ཟད། མཛའ་གྲོགས་བར་གྱི་ཕྱི་ཐག་ཀྱང་རིང་དུ་བསྐྱང་ཐུབ་པ་རེད། དེ་བས་ཁྱོད་ཀྱིས་རང་ལ་རོགས་རམ་བྱས་མྱོང་བའི་གྲོགས་པོར་བཀའ་དྲིན་ཞུ་བའི་འཕྲིན་ཐུང་ཞིག་བསྐུར་བ་སོགས་ཀྱི་སྤྱོད་ཚུལ་གྱིས་ཁྱོད་ལ་གྲོགས་པོ་གསར་པ་ཞིག་ཇེ་མང་དུ་གཏོང་ཐུབ།
གཉིས། ལུས་པོ་བདེ་ཐང་ཡོང་བ། ཞིབ་འཇུག་ལས་མངོན་པ་ལྟར་ན། དྲིན་མི་ཚོར་བའི་མི་དང་བསྡུར་ན། དྲིན་ཚོར་བའི་མིར་སྡུག་བསྔལ་ཉུང་བས་རང་ཉིད་ལ་བདེ་ཐང་གི་ཚོར་བ་སྐྱིད་པོ་ཞིག་སྐྱེས་སྲིད། དེ་ནི་དྲིན་ཚོར་བའི་མི་དེས་རང་ཉིད་ཀྱི་ལུས་པོར་བདག་སྐྱོང་དང་དོ་སྣང་བྱེད་སླ་བས་རེད། དེ་བས་ཁོ་ཚོ་ལུས་ཕུང་སྦྱོང་རྡར་བྱེད་རྒྱུར་དགའ་བ་དང་སྦྱོང་རྡར་བྱེད་ཚད་ཆོས་ཉིད་དང་མཐུན་པར་མ་ཟད། དུས་བཅད་ལྟར་ལུས་བཤེར་བྱེད་ངེས་པས། ལུས་ཕུང་བདེ་ཐང་ཡོང་བ་དང་ཚེ་ཐག་རིང་བར་ཕན་པ་ཡོད།
གསུམ། སེམས་ཁམས་བདེ་ཐང་ཡོང་བ། དྲིན་ཚོར་བ་ཡིས་སེམས་ཁམས་མི་ལེགས་པ་མང་པོ་ཞིག་མེད་པར་བཟོ་ཐུབ་པ་སྟེ། དཔེར་ན་ཕྲག་དོག་དང་ཁོང་ཁྲོ། རེ་ཐག་ཆད་པ་དང་འགྱོད་སེམས་སོགས་སེམས་ཁམས་མི་ལེགས་པ་མེད་པར་བཟོས་ནས་མིའི་སྐྱིད་སྣང་ཇེ་མཐོར་གཏོང་ཐུབ།
བཞི། གདུང་སེམས་ཀྱིས་ཕྱུག་པར་གྱུར་ཏེ་དགྲ་འཛིན་གྱི་བསམ་བློ་མེད་པར་བཟོ་བ། དྲིན་ཚོར་བའི་མི་ལ་གདུང་སེམས་ཀྱིས་ཕྱུག་པས་མི་གཞན་པས་ཁོར་རྣམ་འགྱུར་ལེགས་པོ་མི་སྟོན་ནའང་ཁོས་སྤྱི་ཚོགས་ལ་བརྩེ་སེམས་ཟབ་མོ་འཆང་ངེས་རེད། དྲིན་ཚོར་བའི་མི་ཡིས་རང་ཉིད་ལ་མི་གཞན་གྱིས་དམའ་འབེབས་བྱས་ནའང་དེ་ལ་འཁོན་ལན་བསློག་མི་སྲིད།
ལྔ། གཉིད་བདེ་བ།《དངོས་བཀོལ་སེམས་ཁམས་རིག་པ་སྟེ་བདེ་ཐང་དང་སྐྱིད་སྣང》ཞེས་པར་བཀོད་པའི་ཞིབ་འཇུག་ཅིག་ལས་མངོན་པ་ལྟར་ན། དྲིན་ཚོར་བའི་ཉིན་ཐོ་བྲིས་ན་གཉིད་བདེ་བར་ཕན་པ་ཡོད། མ་ཉལ་བའི་སྔོན་ལ་སྐར་མ15ཙམ་སྤྱད་དེ་དེ་རིང་གི་བཀའ་དྲིན་ཞུ་དགོས་པའི་མི་དང་དོན་དག་དག་ཟིན་ཐོར་བཀོད་དེ་དྲིན་གཟོའི་བསམ་པ་མཚོན་པར་བྱས་ན། གཉིད་བདེ་ཞིང་གཉིད་ཡུན་རིང་བ་རེད།
དྲུག རང་ཉིད་ལ་ཡིད་ཆེས་ཀྱིས་ཁེངས་པ། དྲིན་ཚོར་བ་ཡིས་ལུས་རྩལ་པའི་ཡིད་ཆེས་ཇེ་བརྟན་དུ་གཏོང་ཐུབ་ལ། དྲིན་ཚོར་བ་ཡིས་སྤྱི་ཚོགས་སྟེང་གི་བསྡུར་སེམས་ཇེ་ཡང་དུ་བཏང་ནས། མི་གཞན་གྱི་ཕུལ་བྱུང་གྲུབ་འབྲས་ལ་ཡི་རང་བྱེད་སླ་བས། མི་གཞན་གྱི་རྒྱུ་ནོར་དང་གྲུབ་འབྲས་ལ་ཕྲག་དོག་གི་བསམ་པ་འཆང་མི་སྲིད། སེམས་ཁམས་དེ་དག་གིས་རང་ཉིད་ཀྱི་ཡིད་ཆེས་ལ་གནོད་པ་རེད།
བདུན། ནང་སེམས་ལ་སྟོབས་རྒྱས་པ། དྲིན་གཟོའི་བསམ་པ་ཡིས་ནང་སེམས་ཀྱི་གནོན་ཤུགས་ཇེ་ཡང་དུ་གཏོང་ཐུབ་པར་མ་ཟད་ནང་སེམས་ཀྱི་སྡུག་བསྔལ་ཡང་སེལ་ཐུབ། ཆེས་ཐབས་རྡུགས་ཀྱི་སྐབས་སུའང་མི་ཚེའི་ཁྲོད་ཀྱི་དྲིན་གཟོ་དགོས་པའི་མི་དང་དོན་དག་གང་ཞིག་སེམས་ལ་དྲན་ནས། དྲིན་གཟོའི་བསམ་པ་མཚོན་པར་བྱས་ན། མི་དེའི་ནང་སེམས་ལ་སྟོབས་ཀྱིས་ཁེངས་ཏེ་གནས་བབ་ངན་པ་བཟློག་ཐུབ་བོ།།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注