ཆུ་ལོག

ཆུ་ལོག་ནི་དྲག་ཆར་དང་གངས་ཆུ། ཆུ་རགས་སྒྲིག་ཆས་ཤོར་བ་སོགས་ཀྱི་རྒྱུ་རྐྱེན་ལས་བྱུང་ཞིང་། རི་རྒྱུད(རི་ཞིང་དང་དེའུ་འབུར། རི་སྒང་སོགས་འདུས)ཀྱི་ཆུ་རྒྱུན་དང་ལུང་ཁུག་བརྒྱུད་དེ་གློ་བུར་འཕར་ཆག་ཆེ་བའི་ཆུ་ལོག་གྲུབ་པ་ཡིན།

ཆུ་ལོག་ལ་འཕྲད་ན། འཕྲལ་བསྟུན་གྲ་སྒྲིག་གི་ཐབས་ལམ་གཤམ་གྱི་འདི་དག་སྤྱོད་དགོས་ཏེ།

1. ཁོར་ཡུག་ལ་རྒྱུས་ལོན་བྱེད་པ། འཚོ་སྡོད་བྱེད་ས་དང་ཡང་ན་རི་ཕྱིའི་བྱ་འགུལ་བྱེད་ས་གང་ཡིན་ཡང་། ངེས་པར་དུ་སྔོན་ལ་ཉེ་འཁོར་གྱི་ཁོར་ཡུག་ལ་རྒྱུས་ལོན་བྱེད་དགོས་པ་དང་། སྔོན་ལ་བྲེལ་འཚུབ་གནས་ཚུལ་འོག་གནོད་སྐྱོན་ལ་གཡོལ་ས་དང་ལམ་ཐིག་གདམ་གསེས་ལེགས་པོ་བྱེད་དགོས།

2.སྔ་ལྟས་ལ་ལྟ་ཞིབ་བྱེད་པ། དྲག་ཆར་བབས་རྗེས་གཤམ་གྱི་རྒྱུན་ལྡན་མིན་པའི་སྣང་ཚུལ་བྱུང་ན་ཆུ་ལོག་གློ་བུར་དུ་འབྱུང་བའི་ཉེན་ཁ་ཡོད་པ་སྟེ། ཆུ་རྒྱུན་རྙོག་པོར་གྱུར་ནས་སྡོང་ལོ་དང་སྡོང་རྩྭ་འཁུར་བ། སྲོག་ཆགས་དང་སྐྱེ་དངོས་ལ་རྒྱུན་ལྡན་མིན་པའི་སྣང་ཚུལ་བྱུང་བ་སྟེ་དཔེར་ན་གྲོག་མས་ཚང་སྤོར་བ་དང་སྦྲུལ་དོང་ཁར་ཐོན་པ། ས་གཞིར་བྲག་ཅ་འཁོར་བ་ལྟ་བུ་སོགས།

3.སྔ་མོ་ནས་གནས་སྤོ་བ། གནས་ཚུལ་བྲེལ་འཚུབ་ཆེ་བའི་སྐབས། དུས་ལྟར་གཙོ་གཉེར་སྡེ་ཁག་དང་མཐའ་འཁོར་གྱི་མིར་ཉེན་ཟོན་བྱེད་དགོས་པའི་བརྡ་གཏོང་བ་དང་། ཁྱིམ་ཚང་གི་རྒན་རྒོན་དང་བྱིས་པ། དངོས་ཟོག་རྩ་ཆེན་རིགས་སྔ་མོ་ནས་བདེ་འཇགས་ས་ཁུལ་དུ་གནས་སྤོ་དགོས།