སྲང་ལམ་འདི་ནས།
ཞོགས་གཞོན།
སྲང་ལམ་འདི་ནས་
ངས་སྐྱིད་པའི་ཚོར་བ་ཅི་ཡང་མ་རྙེད་པ་དེ
བྱིས་དུས་ཀྱི་འཆར་སྒོ་བོར་བའི་བགྲེས་པོ་ཞིག
རྩ་ཆེ་བའི་དུས་ཚོད་དང་སྐར་མ་མང་བོའི་ཁ་གཏད་དུ
ཁ་རོག་གེར་ཧོན་འཐོར་བ་དང་ཤིན་ཏུ་མཚུངས
མགོ་བོ་འཐོམ་པའི་མི་ཚོགས་ཀྱིས
འཚོ་བའི་སྨྱོ་བཤད་ནི་གྲི་རྣོན་པོ་ཞིག་ལྟར
ང་རང་གཅིག་པུར་ཡང་ཡང་རྨིས་པ་དང་འདྲ
སླར་མཇལ་གྱི་བསམ་པ་མེད་པའི་གྲིབ་མ་མང་བོས
ང་ལ་སྐྱིད་པའི་ཚོར་བ་ཅི་ཡང་བཞག་མེད
སྲང་ལམ་འདི་ནས
སྐྱིད་པའི་ཉམས་ཅུང་ཙམ་ལྡན་པ་ནི
ཁྱེད་ཀྱིས ད་དུང་མངོན་ཆུང་གིས་ཚུལ་གྱིས
འུ་གཉིས་ཀྱི་བར་ཐག རིང་བོར་མ་བཅད་པ་དེ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注