རྣང་ཞིང་གྲུ་བཞི།
གླིང་ཚ་སྙིང་རྒྱལ་འབུམ།
ཨ་མས། ལང་ཚོ་ས་བོན་དུ་བཏབ་ཅིང་།དྲན་པ་ཟོར་བས་བྲེགས།སྟོན་ཀའི་གཏམ་རྒྱུད་མང་པོ་གཡུལ་ཁར་བསྡུས་རྗེས།རང་ཉིད་དགུན་གྱི་ལྗོན་པར་གྱུར།ཨ་ཕས། བརྩེ་བ་སྲོལ་མགོ་རུ་གཏོར་ཏེ།གསེར་མདོག་གི་ཕོ་བྲང་བཞེངས།ཆེས་མཐའ་མཇུག་གི་རྨོན་མཛོ་བཙོངས་རྗེས།རང་ཉིད་ཉི་འོད་ཀྱི་བྲན་དུ་གྱུར།ཨ་ཅེ། ལྗང་མདོག་གི་རླབས་ངོས་སུ་འགྲེང་ཞིང་།ཉིན་མཚན་གྱི་གོམ་པ་གྲངས་མེད།སྙེ་རླབས་གཡོ་བའི་བྲང་ཁོག་ཏུ་བོར་རྗེས།མགོ་དཀྲིས་དམར་པོའི་ལང་ཚོ་རྩྭ་ལྡུམ་གྱིས་བསླད།ང་། ཙོང་ཆུའི་འགྲམ་དུ་བསྡད་དེ།རྣང་ཞིང་ཁྲོད་སྦས་པའི་བསམ་གཞིག་དང་ལོ་ཟླ།ཕྱིར་ལོག་ཐབས་མེད་པའི།དྲན་པའི་ཁུད་དུ་ཡང་ཡང་གཅུད།རྣང་ཞིང་གྲུ་བཞི་སེར་ལམ་མེར།ཞིང་གྲོང་བཞིན་ལྷིང་འཇགས་ཀྱིས།ས་མཐར་ཐོར་བའི་ང་ཚོ་ལ།བདེ་སྐྱིད་ཀྱི་ལོ་ཟླ་རེ་རེ་བསྐུར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注