ཕ་ཡུལ་དུ་བྱོན་དུས།
ཆོས་འབྱོར་རྒྱ་མཚོ།
གངས་རིའི་བུ་མོ་ཆོས་དབྱིངས་སྐྱིད་ལ་ཕུལ།
དེ་རིང རྒྱང་རིང་དེ་རུ་ནམ་མཁའ་ནས་བྱོན་ཀྱང་ཆོག་ལ
དེ་མིན ཇི་ལྟར་བྱོན་ཀྱང་དེའོ
སང་ཉིན གཉེན་སྟོན་མིན་རུང
ཉི་མ་ལྷ་སའི་རྡོ་བ་རེ་རེ་ལ་ཐལ་མོ་སྦྱར་ཞིང
མི་རབས་རེ་རེའི་སྤྱི་ནོར་དུ་བྱོན་པའི
ནོར་བུའི་འོད་འོག་ཏུ་བཞུགས་པའི་འབྲོག་མོ་ཞིག་ཏུ་འཁྲུངས་པ
ཕ་ཡུལ་དུ་བྱོན་དུས
ཤིན་ཏུ་མཛེས་པའི་སྙན་ངག་ལྟ་བུའི་གཏམ་རྒྱུད་དང
ང་ཚོས་ཁ་བཏགས་རྒྱང་རིང་ནས་འཐེན་ཀྱང
རྒྱང་རིང་ནས་རྒྱང་རིང་དུ་བྱོན་པའི
ལྷན་སྐྱེས་ཀྱི་བཞིན་ལ་འཛུམ་ཞིག་ཁྱེར་ནས
ཕུ་ནུ་ཚོའི་ཁ་བཏགས་ལ་ལན་གཅིག་སྟེར་བའི
ཁྱོད་ལ་ཇི་ལྟར་སྙན་ངག་དང་སེམས་པ་སྟོན་ནམ
བདག་གིས་སྟ་གོན་བྱ་དགོས
ཁྱོད་ཉིད་མེས་པོ་བཞིན
ལྷ་སྒྲུང་བཞིན་ཤིན་ཏུ་མཛེས་སྡུག་གི་འཇའ་ཚོན་འཁྱིལ་བའི
ཡར་ཀླུང་གཙང་བོའི་མི་བརྒྱུད་ལས་མཆེད་པ
སྙན་ཚིག་རིང་མོའི་ངག་གླུ་ན
མཁའ་འགྲོ་བྲག་སྲིན་གཏུམ་མོའི་རིགས་རྒྱུད་དུ་བསྟན་ཡོད
དེའི་ཕྱིར ཁྱོད་རང་ཕྱིར་ལ་ཕེབས་དུས
ངས་ཁྱོད་ལ་འོ་ཇ་དཀར་ཡོལ་གང་འབུལ་དགོས་ཤིང
ངས་ཁྱོད་ལ་དྲི་མེད་ཞོ་གསར་ཞིག་ཅིས་ཀྱང་ཕུལ་དགོས
རྒྱུ་མཚན ཁྱོད་ཀྱིས་གདོད་མའི་མི་རབས་ཀྱི་དབྱངས་དང་ཆོ་ག
ཤིན་ཏུ་མཛེས་སྡུག་ཏུ་རློམ་སེམས་ཆེ་བའི་སེམས་པ་མཐོ་སྒང་ན་ཕུལ་ཡོད
ཕྱོགས་གཞན་ཅིག་ནས་བསམས་ན
མཚོ་ཆེན་ཁྲི་ཤོར་རྒྱལ་མོའི་རླབས་སྒྲའི་སྒྲ་དབྱངས་ལ་གསན་ཞོར
འུར་ཆ་སྐེད་ན་དཀྲིས་ཤིང
ཁངས་ཆར་གདོང་གིས་ལེན་པ
གངས་རིའི་མཛེས་སྡུག་དང་མཚར་སྡུག་ལས་བཏགས་པའི་མིང་དེ
སྙན་གསན་མཛད་ན
ཁྱོད་གང་ན་ཡོད
སེམས་ཀྱི་གང་དུ་ཡོད
མིག་གི་གང་དུ་ཡོད
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注