ཤིན་ཏུ་དྭངས་པའི་གཞས།
ཁྱུང་གཤོག མཚོ་ལྷོ།
དབྱངས་ཀྱི་རྒྱུད་སྐུད་ལས།
དྭངས་གཙང་གི་ལོ་ཟླ་བཞུར།
མཛེས་སྡུག་གི་དྲན་པ་བཞུར།
ཞིམ་མངར་གྱི་འཁྲེང་ཞེན་བཞུར།
སྙིང་ཆུང་རྩེན་པའི་སྒྲ་ཡིས།
རྒྱང་རིང་གི་དྲན་གདུང་བསུས་བྱུང་།
རྣམ་ཤེས་ཀྱི་རྩ་ལག་རེ་རེ་སྒུལ་ནས།
དུས་ཚོད་དང་དྲན་པ་དབྱེར་མེད་དུ་བསུབས།
ཤིན་ཏུ་དྭངས་པའི་གཞས་འདི།
བདུད་རྩི་བསིལ་བསིལ།
མཚོ་མོ་ལྟེམ་ལྟེམ།
སུ་ཞིག་གི་མགྲིན་པའི་འཁོར་ལོ་ལས་བྱུང་།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注