དུས་བཞིའི་འགྱུར་བག་ཁྲོད་ཀྱི་ཕ་ཡུལ།
དང་པོ་དཔྱིད་ཀྱི་ཕོ་ཉས་སྐད་སྙན་སྒྲོག །
ནོར་འཛིན་མ་ལ་ལྗང་མདོག་མྱུ་གུ་འབུས། །
ཆུ་ཀླུང་སྔོན་མོས་ཆབ་རོམ་ཞུ་བར་བྱེད། །
དུས་བཞིའི་མགོ་མ་དཔྱིད་འདི་ཨེ་མ་རྨད། །
ཨ་སྔོན་དབྱིངས་ནས་དབྱར་སྐྱེས་རྔ་སྒྲ་སྒྲོག །
གསེར་ལྡན་འཛིན་མས་མཛེས་པའི་གོས་ལྗང་གྱོན། །
ཡིད་འོང་ཁྲ་ཚོམ་མེ་ཏོག་རབ་བརྒྱན་པའི། །
དབྱར་གྱི་དུས་འདི་མཛེས་ཤིང་ལྟ་ན་སྡུག །
འབྲོག་གི་ནོར་ལུག་ཤ་ཤེད་རྒྱས་པ་དང་། །
རོང་གི་ཞིང་ལ་ལོ་ལེགས་འབྱུང་བའི་དུས། །
རྒྱ་མཚོའི་གོས་ཅན་རིན་ཆེན་གསེར་མདོག་གྱུར། །
སྟོན་གྱི་དུས་འདི་ཀུན་འབྱུང་གཏེར་གྱི་མཛོད། །
ས་གཞི་ཆེན་མོས་ཁ་བའི་གོས་དཀར་བཀླུབས། །
ཉལ་འགྲོ་བུ་མོས་དར་གྱི་ཆབ་རོམ་གྱོན། །
སྐྱི་བསེར་རླུང་བུས་མེ་ཏོག་འཇོམས་པར་བྱེད། །
དགུན་གྱི་གྲང་ངར་ངོ་མ་གདུག་རྩུབ་ཆེ། །
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注