ཤེས་བྱའི་རྣམ་གྲངས་ཐོར་བུ། གཉིས་པ།

ཤེས་བྱའི་རྣམ་གྲངས་ཐོར་བུ། གཉིས་པ།

ལམ་གྱི་གཙོ་བོ་རྣམ་གསུམ།ངེས་འབྱུང་གི་བསམ་པ་དང༌།བྱང་ཆུབ་ཀྱི་སེམས།ཡང་དག་པའི་ལྟ་བ་སྟེ་གསུམ།  

བསླབ་པ་གསུམ།  ལྷག་པ་ཚུལ་ཁྲིམས་གྱི་བསླབ་པ་འདུལ་བ་དང༌།  ལྷག་པ་ཏིང་ངེ་འཛིན་གྱི་བསླབ་པ་མདོ་སྡེ། ལྷག་པར་ཤེས་རབ་ཀྱི་བསླབ་པ་མངོན་པ་སྟེ་གསུམ།   

རྒྱལ་ཆེན་བཞི།  དཔལ་མགོན་བདུན་ཅུ་རྩ་ལྔའི་རྒྱལ་བོ་ཆེན་པོ་བཞི་སྟེ། ཤར་དུ་ཡུལ་འཁོར་སྲུང༌།  ལྷོར་འཕགས་སྐྱེས་པོ། ནུབ་ན་སྤྱན་མི་བཟང༌། བྱང་དུ་རྣམ་ཐོས་སྲས་སོ།།

ཆུ་བཞི་སྒང་དྲུག   མདོ་སྟོད་ཀྱི་ཆུ་བཞི་ནི་འབྲི་ཆུ།  རྨ་ཆུ། རྒྱལ་མོ་རྔུལ་ཆུ།  རྫ་ཆུ་སྟེ་ཆུ་བཞི་དང༌།  སྒང་དྲུག་ནི་ཟལ་མོ་སྒང༌། ཚ་བ་སྒང༌།  སྨར་ཁམས་སྒང༌། སྦོ་འབོར་སྒང༌། དམར་རྫ་སྒང༌། མི་ཉག་རབ་སྒང་སྟེ་སྒང་དྲུག

རྗེ་རིན་པོ་ཆེའི་མཛད་ཆེན་བཞི།  དགའ་ལྡན་གྱི་དཀྱིལ་འཁོར་སྒྲུབ་མཆོད།  རྫིང་ཕྱིའི་བྱམས་པ་ཞིག་གསོས། ལྷ་སར་ཆོ་འཕྲུལ་སྨོན་ལམ།   གཉལ་གྱི་ལུང་རྭ་ཆེན་མོ་རྣམས་སོ། །  

རྟགས་འཇུག་གི་འཇུག་པ་བཞི། སྔོན་འཇུག་རྗེས་འཇུག་རྣམས་ཀྱི་འཇུག་ཚུལ་ཏེ་གང་ལ་འཇུག་པ་དང༌།   གང་གིས་འཇུག་པ།  ཇི་ལྟར་འཇུག་པ།  ཅི་ཕྱིར་འཇུག་པ་བཞིའོ།།

ལྟ་བ་བཀར་བཏགས་ཀྱི་ཕྱག་བརྒྱ་བཞི།  འདུས་བྱས་ཐམས་ཅད་མི་རྟག་པ། ཟག་བཅས་ཐམས་ཅད་སྡུག་བསྔལ་བ། ཆོས་ཐམས་ཅད་སྟོང་ཞིང་བདག་མེད་པ། མྱ་ངན་ལས་འདས་བ་ཞི་བ་སྟེ་བཞིའོ།།

མཐའ་འདུལ་གཙུག་ལག་ཁང་བཞི།ལག་མཐིལ་གཡོན་དུ་ཤར་མདོ་ཁམས་གློག་ཐང་སྒྲོལ་མ། ལག་མཐིལ་གཡས་སུ་ལྷོར་བུམ་ཐང་སྐྱེར་ཆུ།རྐང་མཐིལ་གཡས་སུ་ནུབ་དཔེ་ལ་ཁ་ཆེའི་ཡུལ་དུ་ཚལ་རིགས་ཤེས་རབ་སྒྲོལ་མའི་ལྷ་ཁང་ཞེས་མང་ཡུལ་བྱམས་སྤྲིན།རྐང་མཐིལ་གཡོན་དུ་བྱང་ཕྱོགས་ཚངས་པ་རླུང་གནོན་གྱི་ལྷ་ཁང་ཞེས་སྤ་གྲོ་སྐྱེ་ཆུའི་ལྷ་ཁང་སྟེ་མཐའ་འདུལ་གྱི་ལྷ་ཁང་བཞིའོ།།

བདེན་པ་བཞིའི་ཆོས་འཁོར། སྡུག་བསྔལ་བདེན་པ།   ཀུན་འབྱུང་བདེན་པ། འགོག་པའི་བདེན་པ།   ལམ་གྱི་བདེན་པ་སྟེ་སངས་རྒྱས་ཀྱིས་ཐོག་མར་བསྐོར་བའི་ཆོས་འཁོར་བཞི།

བསྡུ་དངོས་བཞི།མཁོ་བ་སྦྱིན་པ།སྙན་པར་སྨྲ་བ།དོན་མཐུན་པ།དོན་སྤྱོད་པ་སྟེ་བཞི།