གཏེར་ལེན་ཁ་གྲོང་ཁྱེར་གྱི“དམིགས་པ་གསུམ”གྱིས་ལས་བྱེད་པའི་སློབ་གསོ་གསོ་སྦྱོང“སེམས་སུ་ཟུག”ཏུ་བཅུག་པ།

མཚོ་ནུབ་སོག་རིགས་བོད་རིགས་རང་སྐྱོང་ཁུལ་གཏེར་ལེན་ཁ་གྲོང་ཁྱེར་གྱིས་ལས་བྱེད་པའི་སློབ་གསོ་གསོ་སྦྱོང་གི་གནད་དོན་ཚ་ཤོས་དང་དཀའ་ཤོས་ལ་དམ་པོར་དམིགས་པ་དང་། “ཕྱོགས་ཡོངས་དང་ཁྱོན་ཡོངས་སུ་ཁེབས་པ། ལངས་གཟུགས་རྣམ་པ”ཡི་སློབ་གསོ་གསོ་སྦྱོང་མ་ལག་ཧུར་ཐག་གིས་འཚོལ་ཞིབ་བྱས་ཏེ། ཏང་ཡོན་ལས་བྱེད་པས་གཞུང་ལུགས་རྨང་གཞི་དང་ཕྱོགས་བསྡུས་བྱང་ཚད། ནུས་པའི་ཆུ་ཚད་བཅས་ཁྱོན་ཡོངས་ནས་ཇེ་མཐོར་བཏང་།

དགོས་མཁོ་གསར་པར་དམིགས་ཏེ། ཡག་ཐོག་ཡག་བརྩེགས་ཀྱི“ཐབས་ཤེས”སྲུང་འཛིན་བྱས་པ། ལས་བྱེད་པའི་ཉམས་མྱོང་དབེན་ས་དང་ནུས་པ་ཞན་སར་དམིགས་ཏེ། “གང་ཆད་ན་དེ་གསབ་པ”དང“གང་ཞན་ན་དེ་སྟོབས་ལྡན་དུ་གཏོང་བ”“གང་སྒྲུབ་ན་དེ་སློབ་པའི”རྩ་དོན་ལྟར། ཆབ་སྲིད་བྱང་ཚད་དང་ལས་གཞི་འཛུགས་སྐྲུན། གྲོང་གསེབ་དར་སྤེལ། གཞི་རིམ་བཅོས་སྐྱོང་སོགས་ཀྱི་ནང་དོན་གཙོ་བོར་དམིགས་ཤིང་། སྔ་གཞུག་ཏུ་རིགས་སོ་སོའི་ཆེད་ལས་ཅན་གྱི་གསོ་སྦྱོང་འཛིན་གྲྭ་སྐབས12བསྒྲུབས་ཏེ། ཁྱབ་ཁོངས་སོ་སོའི་ལས་བྱེད་པ་མི་ཐེངས1084གསོ་སྦྱོང་བྱས།

འགྱུར་ལྡོག་གསར་པར་དམིགས་ཏེ། བབ་བསྟུན་ལས་སྒྲུབ་ཀྱི“རྣལ་སེམས”སྦྱོང་བརྡར་བྱས་པ། རྒྱ་ཆེ་ཚད་དང་ཞིབ་ཚད་མཉམ་སྤྱོད་བྱེད་པ་རྒྱུན་འཁྱོངས་དང་། འདེམ་སྦྱོང་དང་བདམས་མངགས་ཟུང་འབྲེལ་བྱེད་པ། སྦྱོང་བརྡར་བྱ་བའི་ནང་རྐྱེན་རྒྱུན་ཆད་མེད་པར་འཐུས་ཚང་དུ་གཏོང་བ། ཕྱོགས་ཚད་མང་པོ་ནས་ལས་བྱེད་པའི་ལས་རྐང་དང་ལོ་ན། ཆེད་ལས། མྱོང་བ་སོགས་ཀྱི་རྒྱུ་རྐྱེན་ལ་བསམ་གཞིག་གཏོང་བ། ཞིང་ཆེན་དང་ཁུལ་གྱིས་ལས་བྱེད་པ70ལྷག་སྦྱོང་བརྡར་བྱེད་པར་ཧུར་ཐག་གིས་རམ་འདེགས་བྱེད་པ། གསར་དུ་བསྐོ་འཇོག་བརྗེ་རེས་དང་སྙོམས་སྒྲིག་བྱས་པའི་ལས་བྱེད་པ72གཙོ་གཞི་འཛིན་གྲྭ་ནང་བཞག་སྟེ། སྐབས2ཀྱི་ལས་བྱེད་པ་དར་གཞོན88ལ་སྤུས་ཚད་མཐོ་བའི་གསོ་སྦྱོང་བྱས།

གནས་ཚུལ་གསར་པར་དམིགས་ཏེ། ཉེན་བརྡ་རྟག་ཏུ་གཏོང་བའི“དོགས་སེམས”སྲུང་བ། “སྦྱོང་བརྡར་སྔོན་དུ་གསལ་འདེབས་དང་ཁས་ལེན་དམ་བཅར་མིང་རྟགས་འགོད་པ། ཐོས་བསམ་བརྗེ་རེས་དང་ལས་ཞུགས་བརྡ་ཁྱབ་གཏོང་བ། སྒྲིག་འགལ་འགན་འདེད”ཀྱི་སྦྲེལ་ཐག་ཡོངས་ཀྱི་བཀག་སྡོམ་དོ་དམ་ནང་རྐྱེན་བཙུགས་ཏེ། རིམ་བསགས་ཀྱིས་སྒྲིག་ཁྲིམས་གསལ་འདེབས་ཁ་བརྡ་ཐེངས800ལྷག་སྤེལ་བ་དང་། ཁས་ལེན་ཡི་གེ800ལྷག་ལ་མིང་རྟགས་བཀོད་པ། སློབ་པར་སྣེ་ཁྲིད་དང་སློབ་པར་སྐུལ་ཁྲིད། སློབ་པར་ལྟ་སྐུལ་བཅས་ཐེངས50སྤེལ་ཏེ། གསོ་སྦྱོང་དུ་ཞུགས་པའི་ལས་བྱེད་པས་བསླབ་པར་གྲུབ་འབྲས་ཡོད་པར་འགན་སྲུང་བྱས། །