མཚོ་བྱང་ཁུལ་གྱི་ཁྱད་ལྡན་རིག་གནས་བྱ་འགུལ་ལ་བརྟེན་ནས་མི་རིགས་སོ་སོའི་བར་གྱི་འགྲོ་འོང་དང་བརྗེ་རེས་དང་མཉམ་འདྲེས་ལ་སྐུལ་འདེད་བཏང་།
ཉེ་བའི་ལོ་འགའི་རིང་ལ། མཚོ་བྱང་ཁུལ་གྱིས་ནམ་ཡང་ཀྲུང་ཧྭ་མི་རིགས་ཀྱི་ལས་སྐལ་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུ་གཙོ་ཐིག་ཏུ་བྱེད་པ་རྒྱུན་འཁྱོངས་བྱས་པ་དང་། མཚོ་བྱང་གི་ཁྱད་ཆོས་ལྡན་པའི་སྲོལ་རྒྱུན་རིག་གནས་དང་མི་རིགས་རིག་གནས། དམར་པོའི་རིག་གནས་ལ་དམིགས་ནས། མི་རིགས་རིག་གནས་ཀྱི་ཕུལ་དུ་བྱུང་བའི་ལེ་ཚན་འཁྲབ་སྟོན་བྱེད་པའི་བྱ་འགུལ་རབ་དང་རིམ་པ་སྤེལ་བ་དང་། མཚོ་བྱང་གི་མི་རིགས་མཐུན་སྒྲིལ་ཡར་ཐོན་གྱི་པར་རིས་ཕྱོགས་ཡོངས་ནས་འགྲེམ་སྟོན་བྱས་ཏེ། མི་རིགས་སོ་སོའི་བརྗེ་རེས་དང་འགྲོ་འོང་། མཉམ་འདྲེས་བཅས་ལ་གཏིང་ཟབ་ཏུ་གཏོང་བར་སྐུལ་འདེད་བཏང་།
མཚོ་བྱང་ཁུལ་གྱིས་དམར་པོའི་རིག་གནས་ཀྱི་གོ་དོན་རྒྱུན་མ་ཆད་པར་ཇེ་མཐོར་བཏང་བ་དང་། མཚོ་བྱང་གི་མདེལ་གཉིས་སྐར་གཅིག་གི་སྙིང་སྟོབས་སྒྲོག་འགྲེལ་ཚོགས་པ་བཙུགས་ནས། སྔ་གཞུག་ཏུ་རྒྱལ་ཡོངས་ཀྱི་ཞིང་ཆེན་དང་རང་སྐྱོང་ལྗོངས། གྲོང་ཁྱེར་ཉི་ཤུ་ལྷག་ལ་སོང་ནས་སྒྲོག་འགྲེལ་བྱས། ཀྲུང་དབྱང་བརྙན་འཕྲིན་ཁང་གདན་ཞུ་བྱས་ནས་རྡུལ་ཕྲན་མཁར་གྲོང་གི་དམར་པོའི་ལོ་རྒྱུས་རིག་གནས་མཚོན་པའི་ཆེད་སྒྲིག་ལེ་ཚན་སྒྲིག་བཟོ་བྱས་པ་དང་། དམར་པོའི་བརྗོད་གཞིའི་ཏང་གི་སློབ་ཁྲིད་དང་གཏམ་བརྗོད་ཟློས་གར་སྒྲིག་སྐྲུན་བྱས། དེ་དང་མཉམ་དུ། ཀྲུང་ཧྭ་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་རྒྱུན་འཛིན་དང་དར་སྤེལ་གཏོང་རྒྱུ་དེ་འདྲེན་བྱེད་དུ་བྱས་པ་དང་། ཚོང་ཟོག་མངག་ཐོ་ལུགས་ཀྱི་ཞབས་ཞུ་ཁྱབ་གདལ་དུ་བཏང་ལ། མང་ཚོགས་ཀྱི་སྐད་ཆ་དང་འཚོ་བའི་མཐོང་ཟུར་ནས་རིག་གནས་སྒྱུ་རྩལ་གྱི་སྤུས་ལེགས་ཟློས་གར་གྱི་རྣམ་གྲངས་གསར་རྩོམ་འཚོལ་ཞིབ་བྱས་པ་དང་། སྲོལ་རྒྱུན་དུས་ཆེན་དུ་རིགས་མི་འདྲ་བའི་ཕུལ་བྱུང་སྲོལ་རྒྱུན་རིག་གནས་ལེ་ཚན་འཁྲབ་སྟོན་བསྡུས་ཏེ། མཚོ་བྱང་གི་རིགས་སོ་སོའི་བུ་དང་བུ་མོའི་སྙིང་སྟོབས་དང་སྤོབས་པ་འགྲེམ་སྟོན་བྱས། དེ་ལས་གཞན། མི་རིགས་སོ་སོའི་ཕུལ་བྱུང་སྲོལ་རྒྱུན་རིག་གནས་ཀྱི་སྲུང་སྐྱོབ་དང་རྒྱུན་འཛིན་ལ་སྐུལ་འདེད་བཏང་བ་དང་། ཧོས་རིགས་ཀྱི་གསོལ་སྟོན་གླུ་དབྱངས་སོགས་རྒྱལ་ཁབ་རིམ་པའི་གཟུགས་འདས་རིག་གནས་ཤུལ་བཞག་གི་རྣམ་གྲངས་དང་རིམ་པ་སོ་སོའི་ཕུལ་བྱུང་གཟུགས་འདས་རིག་གནས་ཀྱིས་མི་རིགས་རིག་གནས་ཀྱི་ཤུལ་བཞག་སྔར་ལས་མང་པོ་ཕུན་སུམ་ཇེ་ཚོགས་སུ་བཏང་།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注