ད་ལོ་ནས་བཟུང་། ཡུས་ཧྲུས་བོད་རིགས་རང་སྐྱོང་ཁུལ་ནང་ཆེན་རྫོང་གིས་ཏང་ཡོན་སློབ་གསོ་ནན་འཛིན་བྱེད་པ་དེ་ཏང་ཡོན་གྱི་ནུས་པའི་བྱང་ཚད་མཐོར་འདེགས་དང་གཞི་རིམ་ཏང་རྩ་འཛུགས་བརྟན་པོར་གཏོང་བའི་འགོ་རྩོམ་ས་གལ་ཆེན་ཞིག་ཏུ་བརྩིས་པ་དང་། “སློབ་ཁང་གསུམ”གསར་སྐྲུན་བྱས་ཏེ། རྫོང་ཡོངས་ཀྱི་ཏང་ཡོན་སློབ་གསོ་བྱ་བར་དངོས་འབྲས་ཐོན་པར་སྐུལ་འདེད་བྱས།

   “སྡེ་སྟོབས་སློབ་ཁང”གསར་སྐྲུན་བྱས་པ། རོང་འབྲོག་པའི་ཏང་ཡོན་གྱིས་རང་སྦྱོང་གི་ནུས་པ་ཞན་པ་དང་མ་རྩོམ་ཀློག་པ། མ་ཡིག་སློབ་པ། གཞུང་ལུགས་གོ་བ་ལེན་པ་སོགས་ཀྱི་ནུས་པ་ཞན་པའི་དོན་དངོས་ལ་དམིགས་ཏེ། “སྡེ་སྟོབས་སློབ་ཁང”ལ་ཡར་སྔོན་ཡོད་པའི་དགེ་རྒན་གྱི་རྨང་གཞིའི་སྟེང་། རྫོང་རིམ་པའི་ལས་བྱེད་པ་དང་ཞང་གྲོང་གི་འགོ་ཁྲིད། རྫོང་ཐད་གཏོགས་ལས་ཁུངས་དང་སྡེ་ཁག་གི་འགན་འཁུར་བའི་ཁྲོད་ནས་བོད་རྒྱ་སྐད་གཉིས་ཀྱི་དགེ་རྒན3གདན་ཞུ་བྱས་པ་དང་། “སྡེ་སྟོབས་མཛུབ་སྟོན་དགེ་རྒན་ཚོགས་པ”5སྒྲིག་འཛུགས་བྱེད་པ། “སྒྲོག་འགྲེལ+གསོ་སྦྱོང”གི“རོགས་ཁྲིད་རྣམ་པའི”གཞུང་ལུགས་སློབ་སྦྱོང་གི་བྱེད་ཐབས་བརྒྱུད། ཞང་གྲོང་བཅུར་སོང་ནས་རེས་སྐོར་སྒྲོག་འགྲེལ་གསོ་སྦྱོང་ཐེངས2ལ་སྤེལ་ཏེ། རོང་འབྲོག་པའི་ཏང་ཡོན་མི་ཐེངས1550ལྷག་ལ་ཁེབས་པར་བྱས།

   “ཏང་གཤིས་སློབ་ཁང”གསར་སྐྲུན་བྱས་པ། “གསར་བརྗེ་ཆུ་འདུས”ཀྱི་གསར་བརྗེ་ཁྲག་རྒྱུན་རྒྱུན་འཛིན་དང་། ཆུ་འདུས་སྡེ་བའི་གསར་བརྗེ་ཐོན་ཁུངས་ཀྱི་ལེགས་ཆ་སྔོག་འདོན་བྱས་ཏེ། “མཐོ་སྒང་གི་མེ་སྟག”དང“ཡར་བརྩོན་གྱི་ཆུ་འདུས”“བྱས་རྗེས་འཇོག་པའི་ཆུ་འདུས”“འདུན་མ་བསྐྲུན་པའི་ཆུ་འདུས”བཅས་ལེའུ4ཡིས་གྲུབ་པའི་གསར་བརྗེ་ཆུ་འདུས་ཀྱི་ཏང་གཤིས་སློབ་ཁང་གསར་སྐྲུན་བྱས། དུས་མཚུངས་སུ། “དར་དམར་པོའི་ཆུ་ལམ་དུ་ཡང་བསྐྱར་སྐྱོད་པ”དང“ཡུས་ཧྲུའུ་ཡི་ཁག་དང་པོའི་རོང་འབྲོག་པའི་ཏང་ནང་ཞུགས་པའི་སྙིང་སྟོབས་བསྐྱར་དྲན”བྱེད་པའི་ལྗོངས་རྣམ་ཏང་གི་སློབ་ཁྲིད་ལམ་ཕྱོགས་གསར་སྐྲུན་བྱས་ཏེ། གསར་བརྗེ་གཞི་རྒྱུ་རྒྱུན་འཛིན་དང་གསར་བརྗེ་ཁྲག་རྒྱུན་སྔར་ལས་ལྷག་པར་རྒྱུན་མཐུད་བྱས།

   “སྦྲ་གུར་སློབ་ཁང”གསར་སྐྲུན་བྱས་པ། རོང་འབྲོག་པ་ཁ་ཤས་དུས་ལྟར་གཅིག་བསྡུས་སློབ་སྦྱོང་ལ་ཞུགས་མི་ཐུབ་པ་དང་མི་སྒེར་གྱིས་རང་སྦྱོང་གི་སྤུས་འབྲས་མི་ལེགས་པའི་གནད་དོན་ལ་དམིགས་ཏེ། རོང་འབྲོག་ཁུལ་གྱི་ཏང་ཡོན་སློབ་གསོ་བྱ་བའི་ཐབས་ལམ་དང་བྱེད་ཐབས་གསར་པར་ཤུགས་སྣོན་ལེགས་བཅོས་བྱེད་པ། རྫོང་ཨུའི་ཏང་གི་སློབ་གྲྭ་དང་སྡེ་སྟོབས་མཛུབ་ཁྲིད་དགེ་རྒན། ཧྲུའུ་ཅི་དང་པོ། ཏང་འཛུགས་སྐྲུན་གྱི་མཛུབ་སྟོན་པ་དང་ཞང་གྲོང་གི་ཆེད་བསྐོས་ལས་བྱེད་པ་བཅས་ཀྱིས་གྲུབ་པའི“སྦྲ་གུར་སློབ་ཁང”བཙུགས་ཤིང་། ས་མཐའི་འབྲོག་ཁུལ་དུ་སོང་ནས་སློབ་ཁྲིད་བྱེད་པའི་བྱ་འགུལ་སྤེལ་ཏེ། ཏང་ཡོན་སློབ་གསོའི་སྤུས་འབྲས་ཏན་ཏིག་གིས་ཇེ་མཐོར་བཏང་།