ཤ་བོ་སྐྱབས་ཀྱིས་འཇུ་ལག་རྫོང་གི་ཡུལ་ཚོ་དང་གྲོང་རྡལ་དུ་བརྟག་ཞིབ་གནང་སྐབས་ནུས་ཤུགས་ཡོད་རྒུས་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་བསྐྱེད་བཏང་ནས་གྲོང་གསེབ་དར་སྤེལ་གཏོང་བའི་ཐད་རྣམ་པ་གསར་པ་གཏོད་པ་དང་ལེའུ་གསར་པ་རྩོམ་དགོས་པ་ནན་གྱིས་བསྟན།

ཡོང་ཁུངས། གངས་ལྗོངས་འཕྲིན་གསར། རྩོམ་སྒྲིག་པ། དབང་ཆེན་དོན་འགྲུབ། 2023-05-21 22:57:22 ཀློག་གྲངས།416

ཟླ5པའི་ཚེས18ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་འཇུ་ལག་རྫོང་སེམས་ཉིད་ཡུལ་ཚོ་དང་འབྲུ་གུ་ཡུལ་ཚོ། སྲིབ་ཞིང་ཡུལ་ཚོ། གྲེ་མ་ཡུལ་ཚོ། ནུབ་ཐང་ཡུལ་ཚོ་བཅས་སུ་བསྐྱོད་དེ་དབུལ་ཐར་མང་ཚོགས་ཀྱི་འབབ་འཕར་དང་གྲོང་གསེབ་ཡུལ་སྐོར། ཁྱད་ལྡན་ཐོན་ལས་འཕེལ་རྒྱས། རྨང་གཞིའི་སྒྲིག་བཀོད་འཛུགས་སྐྲུན་སོགས་གཙོ་གནད་བྱ་བར་དམིགས་ཏེ་ཡུལ་དངོས་ནས་བརྟག་ཞིབ་གནང་ལ། ཐོན་ལས་ལ་དམ་འཛིན་ཏན་ཏིག་དང་རྨང་གཞི་བརྟན་དུ་གཏོང་བ། གསོན་ཤུགས་འཕེལ་བ་བཅས་བྱས་ནས་ནུས་ཤུགས་ཡོད་རྒུས་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་ཆེར་བཏང་སྟེ་གྲོང་གསེབ་དར་སྤེལ་གཏོང་བའི་ཐད་རྣམ་པ་གསར་པ་གཏོད་པ་དང་ལེའུ་གསར་པ་རྩོམ་དགོས་པ་ནན་གྱིས་བསྟན།

ཀྱུ་ཡངས་ལུང་པ་དང་སྟག་ལུང་ལྗོངས་ཁུལ་དུ་ཤ་བོ་སྐྱབས་ཀྱིས་ལྗོངས་ཁུལ་གྱི་རྨང་གཞིའི་སྒྲིག་བཀོད་འཛུགས་སྐྲུན་གནས་ཚུལ་ལ་རྒྱུས་ལོན་ཞིབ་ཕྲ་གནང་ཞིང་། ཀྱུ་ཡངས་ལུང་པ་དང་སྟག་ལུང་ལྗོངས་ཁུལ་ནི་སེམས་ཉིད་རྒྱལ་ཁབ་རིམ་པའི་ནགས་ཚལ་སྤྱི་གླིང་གི་གཙོ་གནད་ལྗོངས་ཁུལ་ཞིག་ཡིན་པའི་ཆ་ནས་རྒྱལ་སྤྱིའི་སྐྱེ་ཁམས་ཡུལ་སྐོར་བྱ་ཡུལ་གཏོད་པའི་གོ་སྐབས་བཟང་པོ་དམ་འཛིན་བྱས་ཏེ་ས་གནས་དེ་གའི་ཐུན་མོང་མ་ཡིན་པའི་ནགས་ཚལ་དང་ཆུའི་ཐོན་ཁུངས་བེད་སྤྱོད་ཡག་པོ་བྱས་ནས་རྨང་གཞིའི་སྒྲིག་བཀོད་འཛུགས་སྐྲུན་བྱེད་ཤུགས་ཆེ་རུ་གཏོང་བ་དང་ལྗོངས་ཁུལ་རེ་ཞུ་དང་གསར་སྐྲུན་མགྱོགས་སུ་གཏོང་དགོས་ལ། སྒར་འདེབས་དཔལ་འབྱོར་དང་རིག་གནས་སྤྲོ་གསེང་། དམངས་སྲོལ་ཡུལ་སྐོར། ཆུ་ཐོག་སྤྲོ་སྐྱིད་གླིང་བཅས་མཉམ་འདྲེས་འཕེལ་རྒྱས་འགྲོ་རྒྱུར་སྐུལ་འདེད་ཏན་ཏིག་གཏོང་བ་དང་། ཞིང་པའི་སྤྲོ་སྐྱིད་ཁང་དང་ཟ་ཁང་། ཁྱད་ལྡན་བཟའ་བཅའ་བཅས་འཕེལ་རྒྱས་ཤུགས་ཆེན་བཏང་སྟེ་རོང་འབྲོག་མང་ཚོགས་བཟའ་བཏུང་དང་ཞག་སྡོད་སོགས་ཐོན་ལས་གཉེར་སྐྱོང་ནང་ཧུར་ཐག་སྒོས་ཞུགས་རྒྱུར་སྐུལ་ལྕག་དང་ཁྲིད་སྟོན་བྱེད་པ་དང་། རོང་འབྲོག་པའི་ལས་ཞུགས་འབབ་འཕར་ལ་སྐུལ་ཁྲིད་བྱས་ཏེ་ལྗོངས་ཁུལ་གྱི་སྐད་གྲགས་ཆོད་ཚད་དང་ཤུགས་རྐྱེན་ཐེབས་ཤུགས་ཁྱོན་ཡོངས་ནས་ཆེ་རུ་གཏོང་དགོས་པ་ནན་གྱིས་བསྟན།

འབྲུ་གུ་ཡུལ་ཚོ་རུ་ཤ་བོ་སྐྱབས་ཀྱིས“བཅུ་ལྡན” བཟོ་སྐྲུན་འཛུགས་སྐྲུན་ལ་དམིགས་ནས་ལས་བྱེད་ལས་བཟོ་བའི་སློབ་སྦྱོང་དང་གཞུང་ལས། ཞག་སྡོད་སོགས་ཀྱི་གནས་ཚུལ་ལ་རྒྱུས་ལོན་ཞིབ་ཕྲ་གནང་ཞིང་། གཡུ་ལུང་འགག་ཏུ་བསྐྱོད་དེ་གྲོང་གསེབ་ཀྱི་ཡུལ་སྐོར་འཕེལ་རྒྱས་གནས་ཚུལ་གྱི་སྙན་ཞུར་གསན་པ་དང་གནད་དོན་དང་དཀའ་ངལ་ལ་དབྱེ་ཞིབ་གནང་ཞིང་། རི་ཆུ་སྐྱེ་ཁམས་དང་དམངས་སྲོལ་གོམས་གཤིས། ནགས་ཚལ་ལྟ་སྐོར། སྒར་འདེབས་སྤྲོ་གསེང་སོགས་ཀྱི་ལས་རྣམ་ལ་དམིགས་ཏེ་ནོར་དཀར་རིག་གནས་ཡུལ་སྐོར་གྱི་བྱེད་སྒོ་སོགས་རབ་དང་རིམ་པ་སྤེལ་ཏེ་གཡུ་ལུང་འགག་ལྗོངས་ཁུལ་གསར་སྤེལ་དང་དྲིལ་སྒྲོག་བྱེད་ཤུགས་ཆེ་རུ་གཏོང་དགོས་ཤིང་། ཐོན་ཁུངས་སྣ་ཚོགས་ལ་བརྟེན་ནས་མངགས་ཐོ་དང་ཁ་ཕྱོགས་གཏན་འཁེལ་གྱི་རོང་འབྲོག་མང་ཚོགས་ཀྱི་རྩལ་ནུས་གསོ་སྦྱོང་གནད་སྨིན་བྱེད་པ་དང་། འཐེན་ཐུག་དང་བོད་ཟས་སོགས་ཁྱད་ལྡན་ཐོན་ལས་འཕེལ་རྒྱས་ཤུགས་ཆེན་བཏང་སྟེ། རྡོ་བརྐོས་དང་གཙགས་དྲུབ་སོགས་མི་རིགས་ཀྱི་ཁྱད་ལྡན་ལག་ཤེས་བཟོ་རྩལ་སྟོབས་ཆེར་གཏོང་རྒྱུར་སྐུལ་ལྕག་དང་རྒྱབ་སྐྱོར་བྱེད་དགོས་ལ། ཀྲུང་ཧྭའི་རྒྱན་གོས་དང་རིག་གནས་གསར་གཏོད་ཐོན་རྫས། དམངས་སྲོལ་མཁོ་ཆས་སོགས་ཐོན་ལས་ཅན་གྱི་འཕེལ་རྒྱས་ལ་སྐུལ་འདེད་བཏང་ནས་དབུལ་ཐར་མང་ཚོགས་ཀྱི་ལས་ཞུགས་གཞན་སྒྱུར་ནུས་པ་དང་ཆུ་ཚད་མུ་མཐུད་མཐོ་རུ་བཏང་སྟེ་ཐོན་ལས་དར་སྤེལ་ལ་བརྟེན་ནས་གྲོང་གསེབ་ཕྱོགས་ཡོངས་ནས་དར་སྤེལ་ཡོང་བར་སྐུལ་འདེད་གཏོང་དགོས་པ་ནན་གྱིས་བསྟན།

སྲིབ་ཞིང་ཡུལ་ཚོ་དང་གྲེ་མ་ཡུལ་ཚོ། ནུབ་ཐང་ཡུལ་ཚོ་བཅས་སུ་ཤ་བོ་སྐྱབས་ཀྱིས་ཡུལ་དངོས་སུ་སྲིབ་ཞིང་ཡུལ་ཚོ་ལུང་ཆེན་མདོ་སྡེ་བ་དང་གྲེ་མ་རྩྭ་ལས་ཚད་ཡོད་འགན་འཁྲི་ཀུང་སི། གྲེ་མ་ཡུལ་ཚོ་སྤྱི་ཚོགས་བཅོས་སྐྱོང་དང་གྲོང་གསེབ་དར་སྤེལ་སྒོ་རྩིས་ཚོང་ཁང་། ནུབ་ཐང་ཡུལ་ཚོ་རྟ་ཤར་སྡེ་བ་བཅས་ལ་བརྟག་ཞིབ་གནང་ཞིང་། ཐོན་ལས་འཕེལ་རྒྱས་དང་སྡེ་བའི་ལོ་རྒྱུས་ཁང་འཛུགས་སྐྲུན། སྡེ་བ་རིམ་པའི་གཞུང་ལས་སོགས་ཀྱི་གནས་ཚུལ་ལ་རྒྱུས་ལོན་བྱས་པ་དང་འབྲེལ་ཡུལ་ཚོའི་དམངས་ཕན་ཞབས་ཞུའི་ཚོམས་ཆེན་དུ་བསྐྱོད་དེ་ལས་སྒྲུབ་མི་སྣ་དང་བྱམས་བརྩེའི་ངང་གླེང་མོལ་གནང་བ་དང་ཡུལ་ཚོའི “བཅུ་ལྡན”བཟོ་སྐྲུན་འཛུགས་སྐྲུན་བྱས་ཚུལ་ལ་རྒྱུས་ལོན་ཞིབ་ཕྲ་གནང་ཞིང་། སྡེ་བའི་མཉམ་སྡེབ་དཔལ་འབྱོར་འཕེལ་རྒྱས་ཀྱི་ལམ་སྲོལ་སྔར་བས་འཐུས་ཚང་དུ་བཏང་སྟེ་སྡེ་བསྟུན་ཇུས་འགོད་བྱས་ནས་སྡེ་བའི་མཉམ་སྡེབ་དཔལ་འབྱོར་རྒྱུན་མཐུད་འཕེལ་རྒྱས་དང་སྟོབས་ཆེར་གཏོང་དགོས་པ་དང་། གཟན་རྩྭའི་ཐོན་ལས་རྒྱ་སྟོབས་ཆེ་རུ་གཏོང་བ་དང་། གཞི་ཁྱོན་ཅན་དང་ཚད་ལྡན་ཅན་གྱི་གཟན་རྩྭའི་ཐོན་སྐྱེད་རྟེན་གཞི་དང་ལས་སྣོན་ཁེ་ལས་འཛུགས་པ་བཅས་བྱས་ནས་རྩྭའི་ཐོན་རྫས་སྣ་མང་ཡོང་བར་བྱེད་དགོས་ལ། སྐྱེ་ཁམས་གསོ་སྤེལ་ལས་རིགས་འཕེལ་རྒྱས་ཤུགས་ཆེན་བཏང་ནས་ཕག་དང་ནོར་གནག བཞོན་མ་བཅས་ཚན་རིག་དང་མཐུན་པའི་སྒོ་ནས་གསོ་སྤེལ་བྱ་རྒྱུར་དཔེ་སྟོན་དང་སྐུལ་ཁྲིད་བྱས་ཏེ་གསོ་ཚགས་ཀྱི་ཐོན་ནུས་བརྟན་པོ་ཡོང་བའི་འགན་ལེན་བྱས་ནས་མང་ཚོགས་ལ་རྒྱུན་མཐུད་འབབ་འཕར་ཡོང་རྒྱུར་སྣེ་ཁྲིད་བྱེད་དགོས། སྡེ་བའི་ལོ་རྒྱུས་དང་རིག་གནས་ཀྱི་དཔྱད་ཡིག་སྔོག་འདོན་གང་ལེགས་བྱས་ཏེ་སྡེ་བའི་ལོ་རྒྱུས་ཁང་བསྐྲུན་རྒྱུ་དེ་གཞི་རིམ་ཏང་འཛུགས་སྐྱོང་དང་དུས་རབས་གསར་པའི་དཔལ་ཡོན་ལག་ལེན་ཁང（ས་ཚིགས）དང་མཐུན་སྦྱོར་མཉམ་འདྲེས་བྱས་ནས་ཡུལ་གྱི་ཐོན་ཁུངས་བསྡུ་སྒྲིལ་དང་ནུས་པ་མཉམ་འདྲེས་གཏིང་ཟབ་ཐུབ་པ་བྱེད་དགོས། གྲོང་གསེབ་བཅོས་སྐྱོང་ལ་མུ་མཐུད་ཤུགས་སྣོན་པ་དང་། སྡེ་བ་རིམ་པའི་རྩ་འཛུགས་མ་ལག་འཐུས་ཚང་དུ་གཏོང་བ་དང་། ཁྲིམས་དང་སྒྲིག་སྲོལ་ལྟར་སྡེ་སྲོལ་དམངས་ཆིངས་འཐུས་ཚང་དུ་གཏོང་དགོས་པ་དང་། གོམས་སྲོལ་སྒྱུར་བ་ཁྱོན་ཡོངས་ནས་སྐུལ་འདེད་གཏོང་བ། ཆ་བསགས་ལམ་ལུགས་ཁྱབ་གདལ་གཏོང་བ་བཅས་བྱས་ཏེ། གྲོང་གསེབ་བཅོས་སྐྱོང་ནང་ཞུགས་པའི་སྡེ་མི་ཚོའི་རང་རྟོགས་རང་བཞིན་དང་བརྩོན་སེམས་འཕེལ་བར་བྱེད་དགོས། རིམ་པ་ཁག་གི་གྲོང་གསེབ་དར་སྤེལ་གཏོང་བའི་འགན་འཁྲི་གཟབ་ནན་དང་ཏན་ཏིག་ངང་བསྒྲུབ་ནས“4+1+N”ཡི་གྲོང་གསེབ་དར་སྤེལ་གཏོང་བའི་བྱ་བའི་ལམ་སྲོལ་དོན་འཁྱོལ་བྱས་ཏེ་དབུལ་སྒྲོལ་ཐུབ་ཀྱང་བརྟན་པོ་མེད་པའི་ཚགས་སྒྲིག་བྱང་བཟོས་ཀྱི་ཁྱིམ་ཚང་དབུལ་པོར་ཁྱོན་ཡོངས་ནས་ལྟ་ཞིབ་ཚད་ལེན་བྱས་ཏེ། དབུལ་ཐར་འགག་སྒྲོལ་གྱི་གྲུབ་འབྲས་རྒྱུན་མཐུད་ངང་སྲ་བརྟན་དུ་བཏང་ནས་གྲོང་གསེབ་དར་སྤེལ་གྱི་བསྡུར་སློབ་བསྙེགས་བརྒལ་གྱི་རྣམ་པ་ཟབ་མོ་གཏོད་དགོས་པ་ནན་གྱིས་བསྟན།

ཁུལ་ཨུའི་རྒྱུན་ཨུའམ་འཇུ་ལག་རྫོང་ཨུའི་ཧྲུའུ་ཅི་སུང་ཞུག་ཙུང་གིས་བརྟག་ཞིབ་ལ་ཕེབས་རོགས་གནང་།