མཚོ་བྱང་གི“ལོ་སར་ཉོ་བཅའི་དུས་ཆེན”སྟེང་དངོས་ཟོག་ཁྲི32.3ཕྱིར་འཚོང་བྱས།
ཟླ1པོའི་ཚེས7ཉིན་ནས་ཚེས9ཉིན་བར་ལ། མཚོ་བྱང་བོད་རིགས་རང་སྐྱོང་ཁུལ་མཁོ་ཚོང་སྡེ་ཁག་གིས“ལོ་གསར་ཉོ་བཅའི་དུས་ཆེན”གྱི་བྱེད་སྒོ་སྤེལ་ནས་དྲ་ཐོག་དང་དྲ་ཕྱི་ནས་སྒོར་ཁྲི32.3གྱི་དངོས་ཟོག་བཙོང་།
ཐེངས་འདིའི་བྱེད་སྒོ་ནི་སྲིད་གཞུང་གིས་སྟེགས་བུ་བསྐྲུན་པ་དང་མཁོ་ཚོང་གིས་སྣེ་ཁྲིད་པ། ཁེ་ལས་ཀྱིས་ཚོང་གཉེར་བྱས་པ་བརྒྱུད་ནས“མཚོ་བྱང་གི་སྤུས་ལེགས་ཐོན་རྫས་ཧྲན་ཏུང་དུ་བསྐྱལ་བ”དང“ཧྲན་ཏུང་གི་སྤུས་ལེགས་ཐོན་རྫས་མཚོ་སྔོན་དུ་འདྲེན་པའི”ཕྱོགས་གཉིས་མཉམ་ལས་བླང་བྱ་སྐུལ་འདེད་བཏང་སྟེ། མཚོ་བྱང་གི་ཁེ་ལས59ཡི་སྤུས་ལེགས་ཐོན་རྫས་རིགས520ལྷག་ཙམ་དང“ཧྲན་ཏུང་རྫས་མཆོག”ཐོན་རྫས་རིགས300ལ་ཉེ་བ་ཉོ་སར་ཉོ་བཅའི་དུས་ཆེན་དུ་འགྲེམས་འཚོང་བྱས། བྱ་འགུལ་སྟེང2018ལོའི“ཀྲུང་གོའི་སྐད་སྙན”རྒྱལ་ཡོངས་སྤྱིའི་ཨང་དང་པོ་ཐོབ་མཁན་གླུ་བ་བསྟན་འཛིན་ཉི་མ་གདན་ཞུ་བྱས་ནས་ཐད་གཏོང་ཚོང་རྫས་དྲ་ཐོག་དང་དྲ་ཕྱི་ནས་ཕྱིར་བཙོང་བྱས། དེ་མིན་ད་དུང་མདའ་བཞིའི་བཟོ་ལས་ཆ་འཕྲིན་སྡེ་ཁག་གིས་སྒྲིག་འཛུགས་བྱས་པའི་སྒོར60ཡིས་ཚོང་བརྒྱབས་ན་འཛད་སྤྱོད་འཛིན་ཤོག་སྒོར20ཡི་ཁ་གསབ་ལེགས་སྐྱེས་སྟེར་བའི་བྱ་འགུལ་ལ་སྐུ་མགྲོན་གྱིས་བསྔགས་བརྗོད་གང་ལེགས་གནང་།
རྒྱུས་ལོན་པ་ལྟར་ན། ཐེངས་འདིའི་བྱེད་སྒོ་མཇུག་སྒྲིལ་རྗེས"མཚོ་བྱང་གི་སྤུས་ལེགས་ཐོན་རྫས་ཧྲན་ཏུང་དུ་བསྐྱལ་བའི"བྱེད་སྒོ་མགོ་རྩོམ་རྒྱུ་རེད། མཚོ་བྱང་མཁོ་ཚོང་སྡེ་ཁག་གིས་ཧྲན་ཏུང་དང་མཚོ་སྔོན་གྱི་ས་གནས་གཉིས་ཀྱི་མཉམ་ལས་ཀྱི་ཟམ་པ་དང་འབྲེལ་ཐག་ལྟ་བུའི་ནུས་པ་གང་ལེགས་སྤྱད་དེ་མཚོ་བྱང་གི་སྐམས་ལུག་ཤ་དང་། ནས། ལོག་དཀར། སྦྲང་རྩི་སོགས་རིགས་ཆེན་པོ7གྱི་སྣ་ཁ22སྟེ་སྒོར་ཁྲི107རྩ་བའི་ཁྱད་ལྡན་ཐོན་རྫས་ཧྲན་ཏུང་དུ་ཁྱེར་ནས་ལོ་སར་ཉོ་བཅའི་དུས་ཆེན་ནང་འོས་སྦྱོར་དང་འགྲེམ་འཚོང་བྱ་རྒྱུ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注