མདོ་ལ་རྫོང་གིས་བྱེད་ཐབས་གསུམ་གྱིས་བདེ་འཇགས་འགོག་སྲུང་ཁྱོན་ཡོངས་ནས་བརྟན་པོར་བསྐྲུན།

2024ལོར་མདོ་ལ་རྫོང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བདེ་འཇགས་ཐོན་སྐྱེད་སྐོར་གྱི་རྣམ་བཤད་གལ་ཆེན་དང་གལ་ཆེའི་མཛུབ་སྟོན་མཆན་བཀོད་དགོངས་པ་སློབ་སྦྱོང་ལག་བསྟར་གཏིང་ཟབ་བྱས་ཤིང་། ཞིང་ཆེན་དང་ཁུལ་ཏང་ཨུ་དང་སྲིད་གཞུང་གི་བདེ་འཇགས་ཐོན་སྐྱེད་སྐོར་གྱི་བཀོད་སྒྲིག་བླང་བྱ་ཁྱོན་ཡོངས་ནས་དོན་འཁྱོལ་དངོས་འབེབས་བྱས། དམིགས་འབེན་ལ་དམིགས་ཤིང་སྤྱི་འདོམས་ལ་ཤུགས་བསྣན་པ། རྒྱུན་མཐུད་ཤེད་ཤུགས་བཏོན་ནས་བློ་རྩ་གཅིག་གིས་འབྲུབ་འགོག་གནོད་སེལ་དང་བྱུར་རྐྱེན་རྒྱུན་རྣམ་ཡུན་རིང་དུ་སེལ་བ། ནུས་ཤུགས་ཡོད་རྒུས་ཉེན་ཁ་འགོག་སྲུང་བྱས་ཏེ་རྫོང་ཡོངས་ཀྱི་བདེ་འཇགས་ཐོན་སྐྱེད་གནས་བབ་སྤྱིའི་ཆ་ནས་བརྟན་པོ་བྱུང་།

གཙོ་གནད་ལ་དམིགས་ཤིང་གནད་སྨིན་ཤེད་ཤུགས་བཏོན་ནས་ཉེན་ཁ་འགོག་ཟོན་གྱི“བདེ་འཇགས་དྲ་བ”དམ་པོར་བསླེས། བདེ་འཇགས་ཐོན་སྐྱེད་རྩ་བཅོས་འགག་སྒྲོལ་ལོ་གསུམ་བྱ་སྤྱོད་གཙོ་བོ་རུ་བཟུང་ནས་ལས་རིགས་ཁྱབ་ཁོངས་གཙོ་བོ་དང་མང་ཚོགས་གམ་གྱི་བདེ་འཇགས་བྱུར་རྐྱེན་ལ་དམ་པོར་དམིགས་ཤིང་། བྱུར་རྐྱེན་གྲལ་བཤེར་བཅོས་སྒྲིག་ལས་དོན་གཏིང་ཟབ་ཏུ་སྤེལ། ལྷག་པར་དུ་དབྱར་དུས་སུ་མཁར་དམར་གྲོང་རྡལ་མགྲོན་པོ་སྣེ་ལེན་གྲངས་ཀ་མང་ཞིང་གནས་མང་ལ་རྒྱུད་རིང་བ། ངོས་ཆེ་བ་སོགས་ཀྱི་དངོས་ཡོད་གནད་དོན་ལ་གཞིགས་ནས་ཁུལ་ཡོངས་ཀྱི་མངའ་ཁོངས་སུ“རུ་དཔུང་གཅིག་ལྗོངས་ཁུལ་དུ་བསྐྱོད་པ”ཐོག་མར་མངོན་འགྱུར་བྱས་ཏེ་དབྱར་དུས་ཀྱི་གནས་སྐོར་བདེ་འཇགས་ལ་ཁག་ཐེག་ནུས་ལྡན་བྱས། མིག་སྔའི་བར་དུ་རིམ་རྩིས་བྱས་ན་སྤྱིར་བཏང་བདེ་འཇགས་བྱུར་རྐྱེན589གྲལ་བཤེར་བྱས་ཤིང་ཡོངས་རྫོགས་དག་ཐེར་ལེགས་འགྲུབ་བྱུང་། ཁེ་ལས15ལ་སྐོང་མོལ་བྱས་ཤིང་གྱོད་དོན་ཐོ་འགོད་ཀྱི་ཆད་གཅོད34བྱས། སྡོམ་པའི་སྒོར་ཁྲི126.2ཀྱི་ཆད་པ་བཅད། ཞིང་ཆེན་ཡོངས་ཀྱི་མངའ་ཁོངས་སུ《མདོ་ལ་རྫོང་བཤེར་གཟུགས་འབར་རྫས་ཚུལ་ལྡན་བེད་སྤྱོད་དང་བདེ་འཇགས་དོ་དམ་གཏན་སྲོལ（ཚོད་ལྟ）》ཐོག་དང་པོར་བཏོན་ཏེ་བཟའ་བཏུང་ལས་རིགས་ཁྲོད་ཀྱི་བཤེར་གཟུགས་འབར་རྫས་བདེ་འཇགས་ལ་ལྟ་སྐུལ་གྱི་སྟོང་ཆ་བསྐངས། 《མདོ་ལ་རྫོང་བདེ་འཇགས་ཐོན་སྐྱེད་ཀྱི་བྱུར་རྐྱེན་གནད་དོན་ཐེར་འདོན་བྱ་དགའ་སྤྲོད་ཐབས》གཏན་འབེབས་ལག་བསྟར་བྱས་ཏེ་ཐེར་འདོན་བརྒྱུད་ལམ་སྔར་བས་རྒྱ་བསྐྱེད་ཅིང་རྒྱ་ཆེའི་མི་དམངས་མང་ཚོགས་བདེ་འཇགས་ཐོན་སྐྱེད་རྟོག་འདོམས་ཁྲོད་ཞུགས་ཚད་མང་དུ་བཏང་།

འགན་འཁྲི་ཤུགས་དྲག་སྒོས་ཚན་རིག་དང་མཐུན་པའི་བྱེད་ཐབས་བེད་སྤྱད་དེ་གནོད་སེལ་རྒུད་སྐྱོབ་ཀྱི“འགོག་སྲུང་འཛིང་རགས”བརྟན་པོར་བསྐྲུན་པ། “མཐའ་འཁྱོངས་གཉིས་དང་བརྗེ་སྒྱུར་གསུམ”རྩ་བའི་གཞི་འཛིན་སར་བྱས་ཏེ་ཞིང་ཆེན་དང་ཁུལ་གྱི་ཐག་གཅོད་བཀོད་འདོམས་ལྟར་གཙོ་གནད་འགན་འཁྲི་ལ་དམ་པོར་དམིགས་པ་དང་། འགན་འཁྲིའི་མ་ལག་འཐུས་ཚང་དུ་བཏང་སྟེ་གནོད་འགོག་གནོད་སེལ་རྒུད་སྐྱོབ་ནུས་ཤུགས་མཐོར་འདེགས་ནུས་ལྡན་བྱས། 2024ལོའི་འབྲུབ་དུས་སུ་ཆར་ཆུ་དྲག་པོ་ཐེངས་མང་པོར་ཁ་གཏད་པའི་གོ་རིམ་ཁྲོད། འབྲུབ་འགོག་གི“རིམ་པ་བཞིའི”འགན་གཙང་འགན་འཁྲིའི་ལམ་ལུགས་ཁྱོན་ཡོངས་ནས་དོན་འཁྱོལ་བྱས་ཤིང་། དུས་ལྟར་ཞིབ་གཅོད་གྲོས་བསྡུར་བྱས་པར་མ་ཟད་ཉེན་བརྡའི་གསལ་འདེབས་ཆ་འཕྲིན་ཐེངས140དང་འབྲུབ་འགོག་འཕྲལ་སེལ་ཚན་སྤེལ་བརྙན་ཐུང30ལྷག་སྤེལ། གྲོས་མོལ་ཞིབ་གཅོད་ཐེངས8བྱས་པ་དང་ཁ་པར་བཀོད་གཏོང་གི་ལམ་ནས་ཡུལ་གྲོང་དང་སྡེ་ཚན་ཁག་ལ་གསལ་འདེབས་ཐེངས100ལྷག་བྱས་ཤིང་། བདེ་འཇགས་བརྟན་བརླིང་ངང་འབྲུབ་དུས་བརྒལ་བར་ཁག་ཐེག་བྱས། ནགས་ཚལ་རྩྭ་ཐང་མེ་འགོག་དུས་སྐབས་སུ“མི་མེད་གནམ་གྲུའི་སྐོར་སྲུང＋རིག་ནུས་ལྟ་རྟོག＋མེ་འགོག་འགག་སྒོ＋ས་ངོས་སྐོར་ཞིབ”བཅས་བེད་སྤྱད་དེ“གནམ་ས་བར་སྣང”ཀུན་ཏུ་ཀེར་གཟུགས་རྣམ་པའི་ལྟ་ཞིབ་ཉེན་བརྡ་དང་མེ་ཁུངས་འགོག་སྡོམ་ལས་དོན་སྤེལ་ལ། སྒོ་ཕྱིར་མེ་སྤྱོད་པ་གཏན་འགོག་སྒོས་འགོག་སྲུང་ནན་མོ་བྱས་པའི་རིང་རླངས་འཁོར2000ལྷག་ལ་གྲལ་བཤེར་བྱས། འཕྲལ་སེལ་རོགས་སྐྱོར་རུ་ཁག་གི་ནུས་ཤུགས་མཐོར་འདེགས་ལས་གཞི་རེ་ཞུ་དོན་འཁྱོལ་ཧུར་ཐག་བྱས་པ་དང་། ཡུལ་གྲོང7ལ་མེ་གསོད་འཕྲུལ་རྟ་དང་མེ་སྐྱོན་མྱུར་སྐྱོབ་སྒྲིག་ཆས་སོགས་དངོས་རྫས་མཁོ་སྤྲོད་བགྱིས་ལ། གཙོ་གནད་ས་ཁུལ་གྱི་ནགས་ཚལ་མེ་སྐྱོན་ཕྱོགས་བསྡུས་འགོག་སྡོམ་ནུས་ཤུགས་རྒྱུན་མཐུད་ངང་ཡར་རྒྱས་སུ་ཕྱིན།

དངོས་ཡོད་ལ་རྐང་བཙུགས་ཏེ་མ་ལག་རང་བཞིན་གྱི་འཆར་འགོད་བྱས་ཤིང་འཕྲལ་སེལ་དོ་དམ་གྱི“རྨང་རྡོ”བརྟན་པོར་བསྐྲུན་པ། ཁུལ་ཡོངས་ཀྱི་མངའ་ཁོངས་སུ་ཡུལ་གྲོང་རིམ་པའི་འཕྲལ་སེལ་དངོས་རྫས་གྲབས་གསོག་ས་ཚིགས་སྔོན་སྐྱོད་སྒོས་བསྐྲུན་པ་དང་། འཕྲལ་སེལ་དངོས་རྫས་རིགས35བསྡོམས་འབོར19329བཀོད་སྒྲིག་བྱས། ཁུལ་ཡོངས་ཀྱི་མངའ་ཁོངས་སུ2024ལོའི་མཚོ་བྱང་མདོ་ལའི་འཁྲབ་གཞུང་མེད་པའི་དངོས་འཐབ་འཕྲལ་སེལ་འཁྲབ་སྦྱོང་བྱས་ཤིང་། འཁྲབ་སྦྱོང་དངོས་འཐབ་ཏུ་སྤྱོད་པ་དང་འཁྲབ་སྦྱོང་གིས་འཛིང་རགས་བསྐྲུན་པ་བཅས། མི་སྣ་ཡོངས་ཀྱི་འཕྲལ་སེལ་ཐག་གཅོད་ནུས་ཤུགས་ཟམ་མ་ཆད་པར་གོང་དུ་སྤེལ། བདེ་འཇགས་ཐོན་སྐྱེད་དྲིལ་སྒྲོག་ཟླ་བ་དང་གནོད་སེལ་རྒུད་སེལ་དྲིལ་སྒྲོག་ཉིན་མོ་སོགས་དུས་མཚམས་གལ་ཆེན་དང་བསྟུན། “སྐྱོད་པ་བརྒྱད”ཀྱི་དྲིལ་སྒྲོག་སློབ་གསོ་སྤེལ་བ་དང་། གཅིག་བསྡུས་དྲིལ་སྒྲོག་བྱེད་སྒོ་རིགས་སྣ་ཚོགས་ཐེངས16ལྷག་སྤེལ་ཏེ་དྲིལ་སྒྲོག་ལག་དེབ་ཁྲི2ལྷག་བཀྲམས་ཤིང་། མང་ཚོགས10000ལྷག་ལ་ཁྱབ་སྟེ། མཉམ་འགོག་མཉམ་བཅོས་ཀྱི་འགོག་སྲུང་བརྟན་པོ་བསྐྲུན།