ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་མཚོ་བྱང་བོད་རིགས་རང་སྐྱོང་ཁུལ་ཨུ་ཡོན་ལྷན་ཁང་སྐབས་བཅོ་ལྔ་བའི་གྲོས་ཚོགས་ཐེངས་གསུམ་པ་གཟབ་རྒྱས་ངང་འཚོགས།


      ཟླ2པའི་ཚེས22ཉིན་གྱི་སྔ་དྲོར། ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་མཚོ་བྱང་བོད་རིགས་རང་སྐྱོང་ཁུལ་ཨུ་ཡོན་ལྷན་ཁང་སྐབས་བཅོ་ལྔ་བའི་གྲོས་ཚོགས་ཐེངས་གསུམ་པ་ཁུལ་མི་རིགས་རིག་གནས་བྱ་འགུལ་ལྟེ་གནས་སུ་གཟབ་རྒྱས་ངང་འཚོགས་ལ། ཁུལ་ཡོངས་ཀྱི་མི་རིགས་སོ་སོ་དང་ལས་རིགས་སོ་སོ། འཐབ་ཕྱོགས་སོ་སོ་ནས་ཡོང་བའི་ཁུལ་སྲིད་གྲོས་ཀྱི་ཨུ་ཡོན་དང་ཟུར་ཞུགས་མི་སྣ་རྣམས་ལ་ཡིད་ཆེས་ཀྱིས་ཁེངས་པ་དང་མཉམ་དུ་འཛོམས་ནས། ཆབ་སྲིད་ཀྱི་སྤྲོ་སེམས་རབ་ཏུ་འཁོལ་བ་དང་འགན་འཁྲིའི་འདུ་ཤེས་དྲག་པོའི་ཐོག་ཁུལ་དར་སྤེལ་གྱི་ཇུས་ཆེན་ལ་ཐུན་མོང་ཐོག་གྲོས་བསྡུར་བྱས་ཏེ་མི་དམངས་ཕྱུག་འགྱུར་གྱི་ཇུས་བཟང་བཏོན།

     ཆུ་ཚོད9སྟེང་། ཚོགས་ཆེན་རྔམ་བརྗིད་ལྡན་པའི་རྒྱལ་གླུའི་ཁྲོད་མགོ་བརྩམས།

     ཁུལ་སྲིད་གྲོས་སྐབས་བཅོ་ལྔ་བའི་གྲོས་ཚོགས་ཐེངས་གསུམ་པའི་ལག་བསྟར་ཀྲུའུ་ཞི་པད་རྒྱལ་བཀྲ་ཤིས་དང་ཁྲང་ལིན། པོ་ཀྲེང་ཆིན། ལུང་དབྱང་ཧྲེང་། དབྱང་ཏེ། ཞོ་རོས་ཞིན། ལིས་ཧུང་པོ་བཅས་ཀྲུའུ་ཞི་སྟེགས་བུའི་མདུན་གྲལ་དུ་བཞུགས་ཡོད། ཁྲང་ལིན་གྱིས་ཚོགས་འདུ་གཙོ་སྐྱོང་གནང་།

    ཁུལ་ཨུའི་ཧྲུའུ་ཅི་ཤ་བོ་སྐྱབས་དང་། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཚབ་མ་ཀྲང་ཧྲིང་ཡོན། ཁུལ་ཨུའི་ཧྲུའུ་ཅི་གཞོན་པའམ་སྲིད་ཁྲིམས་ཨུ་ལྷན་གྱི་ཧྲུའུ་ཅི། ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའི་ཧྲུའུ་ཅི། ཀྲུའུ་རིན་འོས་མི་དབྱང་ཧེ་ལུང་། ཁུལ་ཨུ་དང་ཁུལ་དམངས་ཆེན། ཁུལ་སྲིད་གཞུང་། མཚོ་བྱང་ཡན་ལག་དམག་ཁུལ། ཁུལ་ཁྲིམས་ཁང་། ཁུལ་ཞིབ་དཔྱོད་ཁང་བཅས་ཀྱི་ཁུལ་གྱི་མགོ་ཁྲིད་གདན་ཞུས་ལྟར་ཚོགས་འདུར་ཞུགས་པ་དང་འབྲེལ་ཀྲུའུ་ཞི་སྟེགས་བུའི་ཐོག་བསྡད་ནས་ཚོགས་ཆེན་འཚོགས་པར་རྟེན་འབྲེལ་ཞུས།

     ཀྲུའུ་ཞི་པད་རྒྱལ་བཀྲ་ཤིས་ཀྱིས་ཁུལ་སྲིད་གྲོས་སྐབས་བཅོ་ལྔ་བའི་ཨུ་ཡོན་ལྷན་ཁང་རྒྱུན་ལས་ཨུ་ཡོན་ལྷན་ཁང་གི་ཚབ་བྱས་ནས་ཚོགས་ཆེན་ལ་བྱ་བའི་སྙན་ཞུ་ཕུལ། སྙན་ཞུའི་ཁྲོད་བསྟན་དོན། 2022ལོར། སྲིད་གྲོས་རྒྱུན་ལས་ཨུ་ཡོན་ལྷན་ཁང་གིས་དམངས་གཙོ་དར་སྤེལ་དང་མཐུན་སྒྲིལ་ཇེ་དམ་དུ་གཏོང་རྒྱུ་ཕན་ཚུན་འབྲེལ་མཐུད་དང་། ཇུས་འདོན་སྲིད་སྐྱོང་དང་ངོས་འཛིན་གཅིག་མཐུན་ཡོང་བར་ཕྱོགས་གཉིས་ནས་ཤུགས་འདོན་རྒྱུ་རྒྱུན་འཁྱོངས་བྱས་ཏེ། ལྟེ་བར་དམིགས་ནས་རང་འགན་གཙང་སྒྲུབ་དང་། སྤུས་ཚད་ཀྱི་སྟོན་ཕྱོགས་བཙུགས་ནས་འཚོལ་ཞིབ་དང་གསར་གཏོད་ཧུར་ཐག་བྱེད་བཞིན། ཆེད་དོན་གྲོས་མོལ་གྱི་སྒྲིག་གཞིའི་ནུས་པ་འདོན་སྤེལ་གང་ལེགས་བཅས་བྱས་ནས་ཁུལ་ཡོངས་ཀྱི་དཔལ་འབྱོར་སྤྱི་ཚོགས་ཀྱི་སྤུས་ཚད་མཐོ་བོའི་འཕེལ་རྒྱས་ལ་ཐུན་མོང་གི་ངོས་འཛིན་གཅིག་ཏུ་སྒྲིལ་བ་དང་སྟོབས་ཤུགས་གཅིག་སྡུད་བྱས་ཏེ། ཁུལ་ཡོངས་ཀྱི་སྲིད་གྲོས་ལས་དོན་ལ་གྲུབ་འབྲས་གསར་བ་ཐོབ་པ་དང་རྣམ་པ་གསར་བ་ཐོན་རྒྱུར་སྐུལ་འདེད་བཏང་ཡོད།  སྙན་ཞུའི་ནང་ཏང་གི་མགོ་ཁྲིད་རྒྱུན་འཁྱོངས་བྱེད་པའི་རྩ་བ་འདིར་དམ་པོར་དམིགས་ཏེ། དམིགས་བྱའི་རེའུ་མིག་ཁྲོད་ཡང་དག་པའི་ཆབ་སྲིད་ཀྱི་ཁ་ཕྱོགས་དམ་པོར་སྲུང་བ་དང་། ཆེད་དོན་གྲོས་མོལ་སྒྲིག་གཞིའི་ངེས་གནས་འདིར་དམ་པོར་དམིགས་ནས་ཇུས་འདོན་སྲིད་སྐྱོང་ཁྲོད་ལྟེ་བའི་སྤྱི་ཡོངས་ལ་ཞབས་འདེགས་བྱས་པ། སྤུས་ཚད་གཙོར་འཛིན་གྱི་ཁྲིད་ཕྱོགས་འདིར་དམ་པོར་དམིགས་ནས་དྲང་སྲུང་གསར་གཏོད་ཁྲོད་སྲིད་གྲོས་བྱ་བའི་སྤུས་ཚད་དང་ཕན་འབྲས་ཆེ་རུ་གཏོང་བར་སྐུལ་འདེད་བཏང་བ། མཐུན་སྒྲིལ་ཆེན་པོ་དང་མཉམ་འབྲེལ་ཆེན་པོའི་བརྗོད་དོན་གཙོ་བོ་འདིར་དམ་པོར་དམིགས་ཏེ། ཐུན་མོང་གི་ངོས་འཛིན་གཅིག་གྱུར་ཁྲོད་ཆེས་ཆེ་བའི་གཅིག་མཐུན་སེམས་པའི་རི་མོ་བྲིས་པ། འགན་སྒྲུབ་ནུས་པ་མཐོར་འདེགས་ཀྱི་འགན་སྲུང་ལ་དམ་པོར་དམིགས་ཏེ། རང་ངོས་འཛུགས་སྐྲུན་ལ་ཤུགས་སྣོན་བྱས་ཏེ་སྲིད་གྲོས་ཀྱི་གཟུགས་བརྙན་ལེགས་པོར་བསྐྲུན་ཡོད་བཅས་ཕྱོགས་ལྔའི་ཐད་ནས་འདས་པའི་ལོ་གཅིག་གི་བྱ་བ་གཙོ་བོར་ཕྱིར་དྲན་བྱས།

      སྙན་ཞུ་ལས་ནན་གྱིས་བསྟན་དོན། 2023ལོ་ནི་ཏང་གི་ཚོགས་ཆེན་ཉི་ཤུ་པའི་དགོངས་དོན་ལག་བསྟར་དོན་འཁྱོལ་བྱེད་མགོ་ཚུགས་པའི་ལོ་ཞིག་ཡིན་པ་དང་། “ལྔ་བཅུ་བཞིའི”འཆར་འགོད་ལག་བསྟར་བྱེད་པའི་གནད་འགག་གི་ལོ་ཞིག་ཡིན། སྲིད་གྲོས་རྒྱུན་ལས་ཨུ་ཡོན་ལྷན་ཁང་གིས་ཁུལ་ཨུའི་བརྟན་བརླིང་གི་མགོ་ཁྲིད་འོག དུས་རབས་གསར་བའི་མི་དམངས་སྲིད་གྲོས་ཀྱི་ཕྱོགས་མཚམས་གསར་བ་དང་འགན་འཁྲི་གསར་བ་དམ་དུ་བཟུང་ཞིང་། ཆེད་དོན་གྲོས་མོལ་སྒྲིག་གཞི་འཛུགས་སྐྱོང་ལ་ཤུགས་བསྣན་ནས། ཁུལ་ཨུའི“243”འཕེལ་རྒྱས་སྒྲིག་བཀོད་གཏན་ཁེལ་བྱེད་པ་དང་། ཆབ་སྲིད་གྲོས་མོལ་དང་དམངས་གཙོའི་ལྟ་སྐུལ། སྲིད་ཞུགས་སྲིད་མོལ་བཅས་ཀྱི་འགན་ནུས་ལག་བསྟར་ནན་ཏན་བཅས་བྱས་ཏེ། “དེང་རབས་ཅན་གྱི་མཚོ་སྔོན་གསར་བ་དྲུག”འཛུགས་སྐྲུན་འབད་བརྩོན་གྱིས་འབྲི་བའི་མཚོ་བྱང་གི་རབ་བྱེད་ཁྲོད་ནུས་ཤུགས་སྔར་བས་ཆེ་བ་བཏོན་ནས་བྱས་རྗེས་སྔར་བས་ཆེ་བ་འཇོག་དགོས་ཏེ། གཅིག་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་ལག་བསྟར་བྱེད་པར་དམིགས་ཏེ། གནས་ཚད་མཐོ་བའི་ཆབ་སྲིད་ཀྱི་སྣེ་ཁྲིད་ལ་བརྟེན་ནས་བསམ་བློའི་རྨང་གཞི་སྔར་བས་སྲ་བརྟན་ཡོང་རྒྱུར་སྐུལ་འདེད་གཏོང་དགོས། ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་དྲིལ་སྒྲོག ལག་བསྟར་བཅས་བྱེད་པའི་ཆབ་སྲིད་ཀྱི་ལས་འགན་ཨང་དང་པོ་འདི་བློ་བརྟན་འགྱུར་མེད་ཀྱིས་དོན་འཁྱོལ་ཡག་པོ་བྱེད་པ་དང་། ཆ་ཚང་བ་དང་ཡང་དག་པ། ཁྱོན་ཡོངས་བཅས་ཀྱིས་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་རྒྱུས་ལོན་དང་དྲིལ་སྒྲོག་འགྲེལ་བཤད་བྱས་ཏེ། བསམ་བློ་དང་བྱ་སྤྱོད་ཏང་ཀྲུང་དབྱང་གི་ཐབས་ཇུས་དང་བཀོད་འདོམས་ཐོག་གཅིག་གྱུར་བྱེད་དགོས་ལ། བསམ་བློ་དང་ཆབ་སྲིད། བྱ་སྤྱོད་བཅས་ཀྱི་ཐོག་ནས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་དང་ཚད་མཐོའི་གཅིག་གྱུར་ཡོང་བར་བྱེད་དགོས། གཉིས་ནས་ལས་སྒོ་གཙོ་བོའི་འགན་སྒྲུབ་ལ་དམིགས་ཏེ། སྤུས་ཚད་མཐོ་བའི་འགན་སྒྲུབ་བྱ་སྤྱོད་ལ་བརྟེན་ནས་སྤྱི་ཡོངས་ལ་ཞབས་འདེགས་ཞུ་བའི་འགན་ཁུར་གསར་བ་མངོན་དགོས།  སྤྱི་ཡོངས་ཀྱི་འདུ་ཤེས་དང་ཞབས་ཞུའི་འདུ་ཤེས་སྔར་བས་ཇེ་ཟབ་ཏུ་བཏང་ཞིང་། ཁུལ་ཨུའི་གོམ་སྟབས་ལ་དམ་དུ་གཤིབས་ཏེ། སྲིད་གྲོས་ཀྱི་ལས་དོན་དེ་ཁུལ་ཡོངས“མིག་མངས་འགྲིག་སྐོར་གཅིག”གི་ཁྲོད་དུ་བཅུག་ནས་ཇུས་འགོད་དང་སྐུལ་འདེད་བཏང་སྟེ་མཚོ་བྱང་གི་སྤུས་ཚད་མཐོ་བའི་འཕེལ་རྒྱས་ལ་རོགས་སྐྱོར་བྱེད་པའི་ཐད་ཕན་འབྲས་ཐོན་རྒྱུ་བརྩོན་ལེན་བྱེད་དགོས། གསུམ་ནས་འགན་སྒྲུབ་མཉམ་ཤུགས་ལ་དམིགས་ཏེ་སྤུས་ཚད་མཐོ་བའི་ཐུན་མོང་ངོས་འཛིན་གཅིག་ཏུ་བསྒྲིལ་ནས་མཐུན་སྒྲིལ་འབད་འཐབ་ཀྱི་དྲང་ནུས་གཅིག་སྡུད་བྱེད་པ། མཐུན་སྒྲིལ་ལ་ཤུགས་སྣོན་དང་དམངས་གཙོ་དར་སྤེལ་གཏོང་རྒྱུ་དེ་སྲིད་གྲོས་ཀྱི་བྱ་གཞག་འཕེལ་རྒྱས་སུ་གཏོང་བའི་ཐོག་མཐའ་བར་གསུམ་དུ་ཁྱབ་པར་བྱེད་པ་དང་། མཐུན་པོ་ཡོང་ཐབས་དང་མི་མཐུན་སོར་འཇོག་དང་བསམ་ཤེས་ཁོང་ཡངས་ཀྱི་རྩ་དོན་རྒྱུན་འཁྱོངས་བྱས་ཏེ། ཏང་ཤོག་ཚོགས་པ་ཁག་དང་མི་རིགས་ཁག ལས་རིགས་ཁག་གི་མི་སྣ་བཅས་སྲིད་གྲོས་ཁྲོད་ངོས་འཛིན་གཅིག་མཐུན་ཡོང་བར་སྐུལ་འདེད་གཏོང་དགོས། བཞི་ནས་འགན་སྒྲུབ་ཕན་འབྲས་ལ་དམིགས་ནས་ཚད་གཞི་མཐོ་བའི་ལས་དོན་གསར་གཏོད་བྱས་ཏེ་སྲིད་གྲོས་ཀྱི་བྱ་གཞག་ལ་འཕེལ་རྒྱས་གསར་བ་ཡོང་བར་སྐུལ་འདེད་གཏོང་བ། “ཨུ་ལྷན་རེ་ལ་སྤུས་དག་རེ་དང་། རྫོང་རེར་བཀྲག་མདངས་རེ”ཞེས་པའི་གསར་གཏོད་བྱེད་སྒོ་འཚོལ་ཞིབ་གསར་སྤེལ་བྱས་ཏེ། སྲིད་གྲོས་ཀྱི་འགན་སྒྲུབ་ཁྱད་ཆོས་ལྡན་པའི་ཚོང་རྟགས་སྔར་ལས་མང་བ་གཏོད་དགོས་པ་དང་། གྲོས་མོལ་གྱི་ནང་དོན་དང་གྲོས་མོལ་བྱེད་སྟངས། འཁོར་སྐྱོད་བྱེད་སྟངས་སོགས་ལ་དམིགས་ནས་ལག་ལེན་དང་འཚོལ་ཞིབ་སྔར་ལས་མང་བར་བྱེད་པ། གྲོས་མོལ་དམངས་གཙོའི་མ་ལག་འཛུགས་པར་ཤུགས་སྣོན་པ་བཅས་བྱས་ཏེ། ཆེད་དོན་གྲོལ་མོལ་སྒྲིག་གཞི་ལ་ཆེད་དམིགས་ཀྱི་ཁྱད་ཆོས་ཡོད་པ་དང་ཆེད་དམིགས་ཀྱི་སྤུས་ཀ་ཡོད་པ། ཆེད་དམིགས་ཀྱི་ཆུ་ཚད་ཡོད་པར་བྱེད་དགོས། སྲིད་གྲོས་ཀྱི་ལས་དོན་གཞི་རིམ་དུ་སྣུར་སྲིང་བྱ་རྒྱུ་འཚོལ་ཞིབ་ཧུར་ཐག་བྱས་ཏེ། མང་ཚོགས་སྲིད་གྲོས་ཀྱི་འགན་སྒྲུབ་ཁྲོད་ཞུགས་པའི་ཐབས་ལམ་རྒྱ་ཆེར་བཏང་ནས་སྲིད་གྲོས་ཀྱི་གྲོས་མོལ་དང་གཞི་རིམ་གྱི་གྲོས་མོལ་འབྲེལ་མཐུད་ནུས་ལྡན་ཐུབ་པར་བྱེད་དགོས། ལྔ་ནས་འགན་སྒྲུབ་རྨང་གཞིར་དམིགས་ཏེ་ཆུ་ཚད་མཐོ་བའི་རང་ངོས་འཛུགས་སྐྱོང་ལ་བརྟེན་ནས་མི་དམངས་སྲིད་གྲོས་ཀྱི་རྣམ་པ་གསར་བ་མངོན་པར་བྱེད་དགོས། སྲིད་གྲོས་ཀྱི་ཏང་འཛུགས་སྐྱོང་གི་སྣ་སོ་སོར་ཤུགས་སྣོན་ཏན་ཏིག་རྒྱག་པ་དང་། ཕྱོགས་ཡོངས་ནས་ཏང་ནན་པོར་སྐྱོང་བའི་བྱེད་པོའི་འགན་འཁྲི་དོན་འཁྱོལ་བྱེད་པ། སྤྱོད་ཚུལ་འཛུགས་སྐྱོང་ལ་ཤུགས་སྣོན་རྒྱག་པ་བཅས་བྱས་ནས། དུས་རབས་གསར་བ་དང་རྒྱང་ལམ་གསར་བའི་ཁུལ་ཡོངས་ཀྱི་སྲིད་གྲོས་བྱ་གཞག་འཕེལ་རྒྱས་ལ་སྲ་མཁྲེགས་ལྡན་པའི་ཁག་ཐེག་བྱ་དགོས། ལས་ཁུངས་ཀྱི་འཁོར་སྐྱོད་དོ་དམ་ལམ་ལུགས་འཐུས་ཚང་དུ་གཏོང་བ་དང་། “རྣམ་པ་ལྔའི་ལས་ཁུངས”ཀྱི་འཛུགས་སྐྱོང་ཟབ་སྤེལ། སྲིད་གྲོས་ལས་ཁུངས་ཀྱི་ལས་བྱེད་པའི་དཔུང་ཁག་སྟོབས་ལྡན་ཞིག་འཛུགས་སྐྱོང་བྱེད་པར་ཤུགས་རྒྱག་པ་བཅས་བྱས་ཏེ། སྲིད་གྲོས་ལས་ཁུངས་ཀྱིས་སྤྱི་ཡོངས་ལ་ཞབས་འདེགས་ཞུ་བ་དང་། མང་ཚོགས་ལ་ཞབས་འདེགས་ཞུ་བ། ཨུ་ཡོན་ལ་ཞབས་འདེགས་ཞུ་བ་བཅས་ཀྱི་ནུས་པ་དང་ཆུ་ཚད་མཐོར་འདེགས་ཏན་ཏིག་བྱེད་དགོས།

      ལུང་དབྱང་ཧྲེང་གིས་རྒྱུན་ལས་ཨུ་ལྷན་གྱི་བཀའ་མངགས་ལྟར་ཚོགས་ཆེན་ཐོག་ཁུལ་སྲིད་གྲོས་སྐབས་བཅོ་ལྔ་བའི་གྲོས་ཚོགས་ཐེངས་གཉིས་པ་འཚོགས་ཚུན་གྱི་གྲོས་གཞིའི་བྱ་བའི་གནས་ཚུལ་སྙན་ཞུ་ཕུལ་ལ། འདས་པའི་ལོ་གཅིག་གི་རིང་ལ། རྒྱ་ཆེའི་སྲིད་གྲོས་ཨུ་ཡོན་གྱིས་རང་འགན་ནན་སྒྲུབ་དང་གྲོས་གཞི་ཧུར་ཐག་བཏོན་ཏེ། ཁྱོན་བསྡོམས་གྲོས་གཞི81ཕུལ་བ་དང་ཁུལ་སྲིད་གྲོས་ཀྱི་གྲོས་གཞི་ཨུ་ཡོན་ལྷན་ཁང་གིས་གྲོས་གཞི33ཞིབ་བཤེར་བྱས་ནས་ཐོ་འགོད་བྱས་ཤིང་། གྲོས་གཞི21ལ་བསམ་འཆར་བཏོན་ཞིང་། བསྒྲུབས་ཚར་ཚད་དང་བློ་ཡིད་ཚིམ་ཚད100%ཟིན་ཡོད། གྲོས་གཞིའི་བྱ་བའི་སྤྱིའི་སྤུས་ཚད་དང་ཕན་ནུས་མངོན་གསལ་དོད་པོས་མཐོ་རུ་ཕྱིན་ནས་ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་ཀྱི་བྱ་གཞག་སོ་སོའི་འཕེལ་རྒྱས་ལ་སྐུལ་འདེད་གཏོང་བར་ནུས་པ་གལ་ཆེན་ཐོན་ཡོད་པར་བསྟན།

     ཁུལ་ཨུ་དང་ཁུལ་སྲིད་གཞུང་གི་འབྲེལ་ཡོད་སྡེ་ཚན་དང་ཁུལ་དུ་བཅའ་སྡོད་བྱས་པའི་ཞིང་ཆེན་གྱི་འབྲེལ་ཡོད་ལས་ཁུངས་ཀྱི་འགན་འཁུར་བློ་མཐུན་གདན་ཞུས་ལྟར་ཚོགས་འདུར་ཟུར་ཞུགས་བྱས།  

 

གངས་ལྗོངས་འཕྲིན་གསར་རྩོམ་སྒྲིག་ཚན་ཆུང་གིས་བསྒྱུར། 


གསར་ཤོས།

སྐད་འཕྲིན་སྤྱི་སྟེགས་ཨང་གྲངས།

微信扫一扫加关注

返回
顶部
移动端 公众号 抖音号 快手号