མདོ་ལ་རྫོང་གིས་ཞིང་ཕྱུགས་ལས་ཀྱི་སྤུས་མཐོ་རིམ་སྤོར་ལ་སྐུལ་འདེད་ཏན་ཏིག་བཏང་།

མདོ་ལ་རྫོང་གིས་ཞིང་ཕྱུགས་ལས་ཀྱི་སྤུས་མཐོ་རིམ་སྤོར་ལ་སྐུལ་འདེད་ཏན་ཏིག་བཏང་།

ད་ལོ་ནས་བཟུང་། མདོ་ལ་རྫོང་གིས“གླིང་གཉིས་ཁུལ་གཉིས་གནས་གསུམ་རྒྱུད་བཞི་རྟེན་གཞི་ལྔ”ཡི་ཐོན་ལས་འཕེལ་རྒྱས་ཀྱི་གྲུབ་སྟངས་བསྐྲུན་པ་ལྟེ་བ་རུ་བཟུང་ཞིང་། “གཅིག་ཚན་དགུ”ཡི་སྐྱེ་ཁམས་ཕྱུགས་ལས་ཆ་སྒྲིག་བཟོ་སྐྲུན་ལག་བསྟར་བྱེད་པ་འཛིན་བྱེད་དུ་བྱས་ཤིང་། ལྗང་མདོག་སྐྱེ་ལྡན་ཕྱུགས་ལས་ཀྱི་ཁུལ་གནས་ལེགས་ཆ་དང་ཐོན་ཁུངས་ནུས་པ་ལ་བརྟེན་ནས་སྤུས་ཚད་མཐོ་བའི་ཞིང་ཕྱུགས་ལས་འཕེལ་རྒྱས་ལ་གཞོགས་འདེགས་བྱས།

ཞིང་ཕྱུགས་ཐོན་རྫས་ཀྱི་སྤུས་ཚད་ཁྱོན་ཡོངས་ནས་མཐོ་རུ་ཕྱིན། ཞིང་ཕྱུགས་ཐོན་རྫས་ཀྱི་དངོས་བཤེར་ཆ་རྐྱེན“ཁས་ལེན་ཟུང”གི་མ་ལག་འཛུགས་སྐྲུན་ལས་དོན་ལ་སྐུལ་འདེད་ཧུར་ཐག་བཏང་ཞིང་། ཞིང་ཆེན་རིམ་པའི་དཔྱད་བཤེར་ལེགས་འགྲུབ་བྱུང་། སིལ་ཏོག་དང་སྔོ་ཚལ། འོ་མ། ཤ་སོགས་ཞིང་ཕྱུགས་ཐོན་རྫས་སྣ28ཀྱི་གྲངས་ཚད་ངེས་གཏན་གྱི་དབྱེ་ཞིབ་ཚད་ལེན་བྱ་ཐུབ། ད་དུང་རྒྱལ་ཁབ་ཀྱི་ཁས་ལེན་པའི་དཔྱད་ཞིབ་ཡི་གེ་འདོན་ཐུབ་པས་རང་རྫོང་གི་ཞིང་ཕྱུགས་ཐོན་རྫས་སྤུས་ཚད་ཞིབ་དཔྱད་ནུས་པ་མཐོ་རུ་ཕྱིན། 2024ལོའི་ཚུན་དུ། བཟའ་ཆོག་པའི་ཞིང་ལས་ཐོན་རྫས་ཚད་ལོན་དཔང་ཡིག18182བྱིན་པ་དང་། ཐོག་མའི་ཐོན་ཡུལ་གྱི་ཞིང་ཕྱུགས་ཐོན་རྫས་ཁྱབ་ཚད100%ཡིན། ཞིང་ཕྱུགས་ཐོན་རྫས་ཀྱི་ཞིབ་བཤེར་ནུས་ཤུགས་མུ་མཐུད་ཏན་ཏིག་གིས་སྤེལ་ནས་ཞིང་ཕྱུགས་ཐོན་རྫས་ཀྱི་ཚད་ལོན་ཚད97%ཡན་དུ་རྒྱུན་འཁྱོངས་བྱས་ཡོད།

ལྗང་མདོག་སྐྱེ་ལྡན་ར་སྤྲོད་ཁྱོན་ཡོངས་ལ་ཁྱབ་པ། ཁྱོན་ཡོངས་ལྗང་མདོག་སྐྱེ་ལྡན་ར་སྤྲོད་ལས་དོན་ལ་ནུས་ཤུགས་ཡོད་རྒུས་སྐུལ་འདེད་བཏང་སྟེ། མིག་སྔའི་བར་རྒྱལ་ཡོངས་ལྗང་མདོག་མ་བཅོས་རྒྱུ་ཆ(ནས། སྐེ་ཚེ)ཚད་ལྡན་ཅན་གྱི་ཐོན་སྐྱེད་རྟེན་གཞི་མུའུ་ཁྲི3.6གསར་སྐྲུན་ལེགས་འགྲུབ་བྱུང་བ་དང་། རྫོང་ཡོངས་སུ་ལྗང་མདོག་སྐྱེ་ལྡན་རྩྭ་ར་མུའུ་ཁྲི1409.12ར་སྤྲོད་བྱས་ལ། ལོ་མཇུག་ཏུ་བཙུན་མོ་གཞོང་གྲོང་རྡལ་དང་རྫ་དམར་ཡུལ་ཚོའི་རྩྭ་ར་མུའུ་ཁྲི122.41ལ་ལྗང་མདོག་སྐྱེ་ལྡན་ར་སྤྲོད་འཐོབ་རྒྱུར་བརྩོན་ལེན་བྱས་ཏེ། རྫོང་ཡོངས་ཀྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ར་སྤྲོད་ཁྱོན་ཡོངས་སུ་ཁེབས་པར་བྱས།

ས་གྲོལ་ཕྱུགས་འཚོའི་རྣམ་པར་ནུས་ཤུགས་དང་ཕན་འབྲས་ལྡན་པ། “སྲིད་གཞུང་གིས་སྣེ་ཁྲིད་དང་སྡེ་ཚན་མཉམ་འགུལ། ཡུལ་གྲོང་གིས་རྒྱབ་སྐྱོར། སྡེ་བ་དང་གཞིས་ཁུལ་གྱིས་རྒྱབ་སྐྱོར”བྱེད་པའི་རྣམ་པར་བརྟེན། རོང་འབྲོག་པ་རྣམས་ཀྱིས་རྨ་ནུབ་ཁྱམས་རིང་གི་སོག་མའི་ཁུལ་དུ་ས་གླས་ཏེ་ས་གྲོལ་ཕྱུགས་འཚོ་བྱས་པས། དགུན་སའི་གནོན་ཤུགས་དང་གནོད་འགོག་ཕྱུགས་སྐྱོབ་ཀྱི་གནོན་ཤུགས་དངོས་གནས་ཉུང་ཏུ་ཕྱིན་ལ། རྩྭ་ཕྱུགས་དོ་སྙོམས་མངོན་འགྱུར་བྱུང་བར་མ་ཟད་ཀན་སུའུ་ཡི་རོང་བ་དང་མདོ་ལའི་འབྲོག་པའི་ཡོང་འབབ“ཟུང་འཕར”མངོན་འགྱུར་བྱུང་། རྟོག་ཞིབ་དང་སྡོམ་རྩིས་བྱས་པ་ལྟར་ན། མདོ་ལ་རྫོང་གིས་ཁྱོན་བསྡོམས་ཁྱིམ་ཚང392ཀྱིས་ས་གྲོལ་ཕྱུགས་འཚོ་བྱས་ལ། ནོར7765དང་ལུག154025ཟིན།