མཚོ་བྱང་གིས་ཁྱད་ལྡན་རིག་གནས་བྱ་འགུལ་ལ་བརྟེན་ནས་མི་རིགས་སོ་སོའི་བར་གྱི་འགྲོ་འོང་བརྗེ་རེས་དང་མཉམ་འདྲེས་ལ་སྐུལ་འདེད་བཏང་བ།
ཟླ11པའི་ཚེས28ཉིན། མཚོ་བྱང་བོད་རིགས་རང་སྐྱོང་ཁུལ་མདའ་བཞི་རྫོང་མཁར་ཟུར་གསུམ་གྲོང་རྡལ་ཟུར་གསུམ་མཁར་སྡེ་ཁུལ་དུ། ཞབས་བྲོ་རུ་ཁག་གི་རུ་མིས་ལུས་ལ་བོད་ཆས་གྱོན་ནས་སྤྲོ་སྣང་ལྡན་པའི་སྒོར་གཞས་འཁྲབ་སྟེ། མི་རིགས་ཀྱི་ཞབས་བྲོ་འཁྲབ་བཞིན་མི་རིགས་མཐུན་སྒྲིལ་གྱི་བརྩེ་སེམས་མཚོན་པར་བྱས། ཉེ་བའི་ལོ་འགའི་རིང་ལ། མཚོ་བྱང་ཁུལ་གྱིས་ཐོག་མཐའ་བར་གསུམ་དུ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུ་གཙོ་རྐང་དུ་བྱེད་པ་རྒྱུ་རྒྱུན་འཁྱོངས་བྱས་ཏེ། མཚོ་བྱང་གི་ཁྱད་ཆོས་ལྡན་པའི་སྲོལ་རྒྱུན་རིག་གནས་དང་མི་རིགས་རིག་གནས། གསར་བརྗེའི་རིག་གནས་བཅས་ལ་རྩེ་གཅིག་ཏུ་དམིགས་ནས་མི་རིགས་རིག་གནས་ཀྱི་ཕུལ་བྱུང་ལེ་ཚན་མཉམ་འཁྲབ་བྱ་འགུལ་རབ་དང་རིམ་པ་སྒྲིག་འཛུགས་དང་སྤེལ་ཏེ་མཚོ་བྱང་གི་མི་རིགས་མཐུན་སྒྲིལ་ཡར་ཐོན་གྱི་གསོན་ཉམས་ལྡན་པའི་རི་མོ་ཕྱོགས་ཡོངས་ནས་འགྲེམས་སྟོན་བྱས་ཤིང་། མི་རིགས་སོ་སོའི་འགྲོ་འོང་བརྗེ་རེས་དང་མཉམ་འདྲེས་བཅས་ལ་སྐུལ་འདེད་གཏིང་ཟབ་བཏང་།
མཚོ་བྱང་ཁུལ་གྱིས་གསར་བརྗེའི་རིག་གནས་ཀྱི་གོ་དོན་རྒྱུན་ཆད་མེད་པར་ཇེ་མཐོར་བཏང་བ་དང་། མཚོ་བྱང་གི་མདེལ་གཉིས་སྐར་གཅིག་གི་སྙིང་སྟོབས་སྒྲོག་འགྲེལ་ཚོགས་པ་བཙུགས་ནས། སྔ་གཞུག་ཏུ་རྒྱལ་ཡོངས་ཀྱི་ཞིང་ཆེན་དང་རང་སྐྱོང་ལྗོངས། གྲོང་ཁྱེར་ཉི་ཤུ་ལྷག་ལ་སོང་ནས་སྒྲོག་འགྲེལ་བྱས། ཀྲུང་དབྱང་བརྙན་འཕྲིན་ཁང་གདན་ཞུ་བྱས་ནས་རྡུལ་ཕྲན་མཁར་གྱི་གསར་བརྗེའི་ལོ་རྒྱུས་རིག་གནས་མཚོན་པའི་ཆེད་སྒྲིག་ལེ་ཚན་སྒྲིག་བཟོ་བྱས་པ་དང་། གསར་བརྗེའི་བརྗོད་གཞི་ཡིན་པའི་ཏང་གི་སློབ་ཁྲིད་དང་གཏམ་བརྗོད་ཟློས་གར་སྒྲིག་སྐྲུན་བྱས། དེ་དང་མཉམ་དུ། ཀྲུང་ཧྭ་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་རྒྱུན་འཛིན་དང་དར་སྤེལ་གཏོང་རྒྱུ་དེ་འདྲེན་བྱེད་དུ་བྱས་པ་དང་། ཚོང་ཟོག་མངག་ཐོ་ལུགས་ཀྱི་ཞབས་ཞུ་ཁྱབ་གདལ་དུ་བཏང་ལ། མང་ཚོགས་ཀྱི་སྐད་ཆ་དང་འཚོ་བའི་མཐོང་ཟུར་ནས་རིག་གནས་སྒྱུ་རྩལ་གྱི་སྤུས་ལེགས་ཟློས་གར་གྱི་ལས་གཞི་གསར་རྩོམ་འཚོལ་ཞིབ་བྱས་པ་དང་། སྲོལ་རྒྱུན་དུས་ཆེན་དུ་རིགས་མི་འདྲ་བའི་ཕུལ་བྱུང་སྲོལ་རྒྱུན་རིག་གནས་ལེ་ཚན་འཁྲབ་སྟོན་བསྡུས་ཏེ། མཚོ་བྱང་གི་རིགས་སོ་སོའི་བུ་དང་བུ་མོའི་སྙིང་སྟོབས་དང་སྤོབས་པ་མངོན་པར་བྱས། དེ་ལས་གཞན། མི་རིགས་སོ་སོའི་ཕུལ་བྱུང་སྲོལ་རྒྱུན་རིག་གནས་ཀྱི་སྲུང་སྐྱོབ་དང་རྒྱུན་འཛིན་ལ་སྐུལ་འདེད་བཏང་བ་དང་། ཧོས་རིགས་ཀྱི་གསོལ་སྟོན་གླུ་དབྱངས་སོགས་རྒྱལ་ཁབ་རིམ་པའི་གཟུགས་འདས་རིག་གནས་ཤུལ་བཞག་གི་རྣམ་གྲངས་དང་རིམ་པ་སོ་སོའི་ཕུལ་བྱུང་གཟུགས་འདས་རིག་གནས་ཀྱིས་མི་རིགས་རིག་གནས་ཀྱི་ཤུལ་བཞག་སྔར་ལས་མང་པོ་ཕུན་སུམ་ཇེ་ཚོགས་སུ་བཏང་
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注