མཚོ་བྱང་ཁུལ“མདོ་ལ་རིང་མོའི་འདབས་ཀྱི་ཕྱུགས་ར་བཟང་བོའི”ཡུལ་ཁོངས་སྤྱི་སྤྱོད་སྤུས་རྟགས་ཀྲུང་གོའི་རྒྱལ་སྤྱིའི་ཞིང་ལས་ཐོན་རྫས་ཉོ་ཚོང་ཚོགས་འདུ་སྐབས་ཉེར་གཅིག་པའི་སྟེང་དུ་ཐོན།

མཚོ་བྱང་ཁུལ“མདོ་ལ་རིང་མོའི་འདབས་ཀྱི་ཕྱུགས་ར་བཟང་བོའི”ཡུལ་ཁོངས་སྤྱི་སྤྱོད་སྤུས་རྟགས་ཀྲུང་གོའི་རྒྱལ་སྤྱིའི་ཞིང་ལས་ཐོན་རྫས་ཉོ་ཚོང་ཚོགས་འདུ་སྐབས་ཉེར་གཅིག་པའི་སྟེང་དུ་ཐོན།

ཟླ11པའི་ཚེས28ཉིན། ཀྲུང་གོའི་རྒྱལ་སྤྱིའི་ཞིང་ལས་ཐོན་རྫས་ཉོ་ཚོང་ཚོགས་འདུ་སྐབས་ཉེར་གཅིག་པ་ཀོང་ཏུང་ཞིང་ཆེན་ཀོང་ཀྲིག་གྲོང་ཁྱེར་དུ་མགོ་བརྩམས། མཚོ་བྱང་ཁུལ“མདོ་ལ་རིང་མོའི་འདབས་ཀྱི་ཕྱུགས་ར་བཟང་བོའི”ཡུལ་ཁོངས་སྤྱི་སྤྱོད་སྤུས་རྟགས་དེ་ཐོག་མ་རྒྱལ་ཡོངས་ཞིང་ལས་ཞིང་སྡེའི་ཁྱབ་ཁོངས་ཀྱི་གཞི་ཁྱོན་ཆེས་ཆེ་བ་དང་དབང་གྲགས་རང་བཞིན་ལྡན་པའི་སྣ་འཛོམས་རང་བཞིན་གྱི་འགྲེམ་ཚོགས་སྟེང་ཐོན་ཞིང་གྲོང་ཁྱེར་ཡུའེ་ཀང་ཨའོ་ལ་ཐོག་མར་ཐོན་པ་ཡིན། 

“དག་ཞིང་གི་མཚོ་སྔོན། མཐོ་སྒང་གི་ལེགས་རྫས”ཀྱི་འགྲེམ་ཁུལ་འཆར་ཤེལ་ཆེན་པོའི་སྟེང“མདོ་ལ་རིང་མོའི་འདབས་ཀྱི་ཕྱུགས་ར་བཟང་བོའི”ཡུལ་ཁོངས་སྤྱི་སྤྱོད་སྤུས་རྟགས་ཀྱི་དྲིལ་སྒྲོག་བརྙན་ཐུང་བཏང་ཞིང་། མཚོ་སྔོན་གསེར་ལྡན་མདོ་ལའི་འོ་རྫས་ཚད་ཡོད་འགན་འཁྲི་ཀུང་སིའི“གསེར་ལྡན་མདོ་ལའི”འབྲི་ཞོ་དང་། འོ་རིགས་ཐོན་རྫས་རབ་དང་རིམ་པ། མཚོ་སྔོན་ཞཱ་ཧྭ་ཆིན་ཀྲིན་ཤ་རིགས་ཚད་ཡོད་ཀུང་སིའི“ཞཱ་ཧྭ་ནོར་ནག”གི་ཐོན་རྫས།མཚོ་སྔོན་མདོ་ལ་དབྱི་ཏཱ་ཕྱུགས་ཐོན་ཤ་རིགས་ཚད་ཡོད་ཀུང་སིའི“མདོ་ལའི་བོད་ལུག”“མདོ་ལའི་ནོར་ནག”ཐོན་རྫས། མདོ་ལ་རྫོང་འབྲོང་ལུང་ཡུལ་ཚོ་སྤེན་མ་ཨ་ལོང་མེ་ལོང་ཕྱུགས་ལས་གཉེར་སྐྱོང་ཆེད་ལས་མཉམ་ལས་ཁང་གི་ལུག་ཤ་བཙས་མའི་ཐོན་རྫས། མདོ་ལ་རྫོང་ཞིང་ཕྱུགས་ལས་ཐོན་ལས་འཕེལ་རྒྱས་ཚད་ཡོད་ཀུང་སིའི“མདོ་ལའི་ཤ་མོ”ཡི་ཐོན་རྫས་སོགས་མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་སྣ་མང་འགྲེམ་ཚོགས་སྟེང་བཀྲགས་མདངས་རབ་ཏུ་བཞད། ལྷག་ཏུ་ཀྲུང་གོའི་ཞིང་ལས་སྤུས་རྟགས་མིང་ཐོའི་ནང་ཚུད་པའི“མདོ་ལའི་བོད་ལུག”“འཇུ་ལག་པད་ཁའི་སྣུམ”གཉིས་འཛད་སྤྱོད་པ་མང་དུ་བཀུག་ནས་ཉམས་རོལ་དང་ཉོ་སྒྲུབ་བྱས། 

ཐེངས་འདིའི་ཉོ་འཚོང་འགྲེམ་ཚོགས་ཚོགས་ཡུན་ནི་ཉིན་བཞི་ཡི་རིང་ཡིན། དུས་མཉམ་དུ་ཀོང་ཏུང་དེང་རབས་ཞིང་ལས་འགྲེམ་སྟོན་ཚོགས་འདུ་དང2024ལོའི་རྒྱལ་ཡོངས་དབུལ་ཐར་ས་ཁུལ་གྱི“ས་གནས་ཁྱད་ལྡན་ཐོན་རྫས”ཡུའེ་ཀང་ཨའོ་ལ་བསྐྱོད་པའི་འོས་སྦྱོར་གཟའ་འཁོར་སོགས་ཞིང་ལས་སྤུས་རྟགས་ཀྱི་གྲུབ་འབྲས་ཁྱབ་སྤེལ་དང་འོས་སྦྱོར་བྱེད་སྒོ་སྤེལ། ཉོ་ཚོང་ཚོགས་འདུའི་སྐབས་སུ་མཚོ་བྱང་ཁུལ་གྱིས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཆེད་ཚོང་འོས་སྦྱོར་ཚོགས་འདུ་སྤེལ་རྒྱུ་ཡིན་ཞིང་གོ་སྐབས་འདི་དང་བསྟུན་ཏེ་མཚོ་བྱང་ཁུལ་གྱི“མདོ་ལ་རིང་མོའི་འདབས་ཀྱི་ཕྱུགས་ར་བཟང་བོའི”ཡུལ་ཁོངས་སྤྱི་སྤྱོད་སྤུས་རྟགས་དྲིལ་སྒྲོག་ཤུགས་ཆེན་བྱས་ཏེ་སྤུས་རྟགས་ཀྱི་སྣང་བརྙན་འཛུགས་པ་དང་། སྤུས་རྟགས་ཀྱི་དོ་ཁུར་ཚད་དང་ཤེས་རྟོགས་ཚད། སྐད་གྲགས་ཚད་མཐོར་འདེགས་ལ་སྐུལ་འདེད་ནུས་ལྡན་གཏོང་ངེས་ཡིན།

མཚོ་བྱང་ཁུལ་ཞིང་ཕྱུགས་དང་ཚན་རྩལ་ཅུའི་ཅུ་ཀྲང་དཔལ་མཁར་ཚེ་རིང་གིས་ཀྲུང་གོའི་རྒྱལ་སྤྱིའི་ཞིང་ལས་ཐོན་རྫས་ཉོ་ཚོང་ཚོགས་འདུ་སྐབས་ཉེར་གཅིག་པའི་སྟེང་ཞུགས་པ་བརྒྱུད། མཚོ་བྱང་སྤུས་ལེགས་ཞིང་ཕྱུགས་ཐོན་རྫས“ཕྱི་རུ་བསྐྱོད་”དགོས་ལ། རྒྱལ་ཁབ་ཕྱི་ནང་གི་ཚོང་བ“ནང་དུའང་བསྐྱོད”དགོས།ལྷག་ཏུ“མདོ་ལ་རིང་མོའི་འདབས་ཀྱི་ཕྱུགས་ར་བཟང་བོའི”ཡུལ་ཁོངས་སྤྱི་སྤྱོད་སྤུས་རྟགས་ཀྱི་ཤུགས་རྐྱེན་ཐེབས་ཚད་རྒྱུན་མཐུད་མཐོ་རུ་བཏང་ནས་ཞིང་ཕྱུགས་ལས་ཀྱི་སྤུས་རྟགས་རིན་ཐང་སྔར་བས་གསར་གཏོད་དགོས་ཤིང་། ཁུལ་ཡོངས་ཀྱི་ཞིང་ཕྱུགས་ལས་ཀྱི་ཕན་ནུས་དང་རོང་འབྲོག་པའི་ཡོང་འབབ་འཕར་བར་སྐུལ་འདེད་གཏོང་དགོས་ཞེས་བཤད།