རྐང་ཚ་རྫོང་གིས་དབང་སྐྱོན་གྱི་རམ་འདེགས་ལས་ཞུགས་རྟེན་གཞི་ཐོག་མ་བཙུགས།

ཟླ11པའི་ཚེས14ཉིན། རྐང་ཚ་རྫོང་གིས་འོམ་ཆུ་གྲོང་རྡལ་རྐ་ཆུ་སྡེ་བ་རུ་དབང་སྐྱོན་གྱི་རམ་འདེགས་ལས་ཞུགས་རྟེན་གཞི་ཐོག་མའི་སྒོ་བྱང་འགེལ་བའི་མཛད་སྒོ་སྤེལ། རྫོང་དབང་སྐྱོན་མཉམ་འབྲེལ་ལྷན་ཚོགས་ཀྱི་འབྲེལ་ཡོད་འགན་འཁུར་བ་དང་དབང་སྐྱོན་ལས་ཞུགས་རྟེན་གཞིར་ཞབས་ཕྱི་སྒྲུབ་པའི་འགན་འཁུར་བ། དབང་སྐྱོན་ལས་བཟོ་བ་སོགས་སྒོ་བྱང་འགེལ་བའི་མཛད་སྒོར་ཞུགས།

སྒོ་བྱང་འགེལ་བའི་མཛད་སྒོའི་སྟེང་། རྫོང་དབང་སྐྱོན་མཉམ་འབྲེལ་ལྷན་ཚོགས་ཀྱི་འགན་འཁུར་བས་དབང་སྐྱོན་ལ་ལས་ཞུགས་བྱེད་རོགས་དང་དབང་སྐྱོན་གྱི་ལས་ཞུགས་རྟེན་གཞིར་ཞབས་ཕྱི་སྒྲུབ་པའི་འཛུགས་སྐྲུན་དོན་སྙིང་ཐད་གཏམ་བཤད་བྱས་ཏེ་བླང་བྱ་བཏོན། གཅིག་ནས་དབང་སྐྱོན་ལ་ལས་ཞུགས་བྱེད་རོགས་ནི་གཅེས་སེམས་ཤིག་ཡིན་ལ་འགན་འཁྲི་ཞིག་ཀྱང་ཡིན། དབང་སྐྱོན་ལ་འཚམ་པའི་ལས་གནས་དེ་བས་མང་བ་མཁོ་འདོན་བྱས་ནས་ཁོ་ཚོར་ནུས་པ་ཅི་ལྕོགས་ཀྱི་ངལ་རྩོལ་བརྒྱུད། མ་འོངས་པའི་འཚོ་བར་ཡིད་ཆེས་ཀྱིས་ཁེངས་པར་བྱས་ཏེ་འཚོ་བ་ཇེ་ལེགས་དང་ལུས་སེམས་བདེ་ཐང་ལ་སྐུལ་འདེད་བཏང་ནས་རང་གི་སྤྱི་ཚོགས་རིན་ཐང་མངོན་འགྱུར་བྱ་དགོས། གཉིས་ནས་དབང་སྐྱོན་ཁྱིམ་ཚང་གི་ཁུར་པོ་ཡང་དུ་གཏོང་བ་དང་སེམས་སུ་རེ་བ་བསྐྲུན་ཏེ་སྤྱི་ཚོགས་ཀྱི་མི་དེ་བས་མང་བས་དབང་སྐྱོན་གྱི་མི་མངོན་པའི་སྟོབས་ཤུགས་དང་འབད་བརྩོན་མཐོང་ཐུབ་པར་བྱ་རྒྱུ་དང་། སྤྱི་དམངས་ཀྱིས་དབང་སྐྱོན་གྱི་ལས་ཞུགས་གནས་ཚུལ་ལ་དོ་ཁུར་བྱེད་ཤུགས་ཆེ་རུ་གཏོང་རྒྱུ། དབང་སྐྱོན་གྱི་རམ་འདེགས་ལས་ཞུགས་འཕེལ་རྒྱས་ལ་སྐུལ་འདེད་བཅས་བྱ་དགོས། མཐར་དབང་སྐྱོན་གྱི་ལས་ཞུགས་རྟེན་གཞིར་ཞབས་ཕྱི་བསྒྲུབས་ནས་འབྲེལ་ཡོད་བཅའ་ཁྲིམས་དང་ཁྲིམས་སྲོལ། སྲིད་ཇུས་བརྩི་སྲུང་བྱས་ཏེ། གསར་གཏོད་ཧུར་ཐག་དང་གཞི་ཁྱོན་རྒྱ་བསྐྱེད། དབང་སྐྱོན་གྱི་མི་གཤིས་ལ་རྒྱ་དང་ཁྲིམས་མཐུན་ཁེ་དབང་སྔར་བས་འགན་ལེན་བྱས་ནས་དབང་སྐྱོན་གྱི་བྱ་གཞག་རྒྱུན་ཆད་མེད་པར་འཕེལ་རྒྱས་འགྲོ་རྒྱུར་རམ་འདེགས་བྱ་དགོས། སྒོ་བྱང་འགེལ་བའི་མཛད་སྒོའི་ཐོག་རྫོང་དབང་སྐྱོན་མཉམ་འབྲེལ་ལྷན་ཚོགས་ཀྱིས་དབང་སྐྱོན་གྱི་རམ་འདེགས་ལས་ཞུགས་རྟེན་གཞིར་རོགས་སྐྱོར་མ་དངུལ་སྒོར་ཁྲི2སྤྲད།

ཐེངས་འདིའི་སྒོ་བྱང་འགེལ་བའི་བྱེད་སྒོས་རྐང་ཚ་རྫོང་གི་དབང་སྐྱོན་ཚོར་རྒྱ་ཆེའི་ལས་སྟེགས་གསར་པ་སྔར་བས་མཁོ་འདོན་དང་། དབང་སྐྱོན་ལ་ཕན་པ་དང་རོགས་རམ་བྱ་རྒྱུ་དོན་འཁྱོལ་བྱས་འདུག གོམ་སྟབས་རྗེས་མར་རྫོང་དབང་སྐྱོན་མཉམ་འབྲེལ་ལྷན་ཚོགས་ཀྱིས་དབང་སྐྱོན་དང་སྤྱི་ཚོགས་བར་གྱི་འབྲེལ་གཏུག་ཐབས་ལམ་རྒྱུན་ཆད་མེད་པར་ཆེ་རུ་བཏང་ནས་དྲིལ་སྒྲོག་སོགས་ཀྱི་རོགས་སྐྱོར་སྲིད་ཇུས་ཁྱབ་སྤེལ་ཧུར་ཐག་གཏོང་རྒྱུ་མ་ཟད། དབང་སྐྱོན་ལ་ཞབས་ཕྱི་སྒྲུབ་པའི་ལས་ཞུགས་རྟེན་གཞིར་རྒྱུན་རྣམ་ཅན་གྱི་ལྟ་སྐུལ་དོ་དམ་བྱས་ཏེ། ལས་བརྟན་འབབ་འཕར་གྱི་ནུས་པ་འདོན་སྤེལ་གང་ལེགས་ཀྱིས་རྐང་ཚ་རྫོང་གི་དབང་སྐྱོན་གྱི་ཁྲིམས་མཐུན་ཁེ་དབང་འགན་ལེན་དང་། དཔལ་འབྱོར་ཡོང་འབབ་མང་དུ་གཏོང་བ། དབང་སྐྱོན་གྱི་བདེ་སྣང་དང་ཐོབ་སྣང་སོགས་རྒྱུན་མཐུད་ངང་མཐོ་རུ་གཏོང་དགོས།