མདོ་ལ་རྫོང་གིས2024ལོའི་ནགས（རྩྭ）དཔོན་ལམ་ལུགས་ཀྱི་ལས་དོན་གྲོས་ཚོགས་བསྡུས་པ

མདོ་ལ་རྫོང་གིས2024ལོའི་ནགས（རྩྭ）དཔོན་ལམ་ལུགས་ཀྱི་ལས་དོན་གྲོས་ཚོགས་བསྡུས་པ།

ཟླ10བའི་ཚེས29ཉིན། མདོ་ལ་རྫོང་གིས་རྫོང་ཡོངས་ཀྱི་ནགས་རྩྭ་དཔོན་ལམ་ལུགས་ཀྱི་ལས་དོན་གྲོས་ཚོགས་རྩ་འཛུགས་བྱས།

རྫོང་ཨུའི་ཧྲུའུ་ཅིའམ་རྫོང་སྤྱི་ཁྱབ་ནགས་རྩྭ་དཔོན་ཀང་ཧྥུའུ་ཡིས་གསུང་བཤད་གནང་།

རྫོང་ཨུའི་ཧྲུའུ་ཅི་གཞོན་པའམ་རྫོང་དཔོན། རྫོང་སྤྱི་ཁྱབ་ནགས་རྩྭ་དཔོན་ཧོ་ཧྲེང་ཅེ་ཡིས་གཙོ་སྐྱོང་གནང་།

ཀང་ཧྥུའུ་ཡིས་བསྟན་དོན། ཆབ་སྲིད་ཀྱི་ལངས་གནས་མཐོ་རུ་བཏང་ནས་ནགས་ཚལ་དང་རྩྭ་ཐང་དོ་དམ་སྲུང་སྐྱོང་ལ་ཤུགས་སྣོན་རྒྱག་པའི་གལ་ཆེའི་རང་བཞིན་དང་དགོས་གཏུག་རང་བཞིན་ལ་ངོས་འཛིན་གཏིང་ཟབ་བྱེད་དགོས། སྐྱེ་ཁམས་དཔལ་ཡོན་འཛུགས་སྐྱོང་ནི“རྒྱལ་ཁབ་ཀྱི་ཇུས་ཆེན”ཞིག་ཡིན་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་ལས་དོན་ལ་རྟོག་ཞིབ་ཐེངས་གསུམ་གནང་བ་དང་།མཚོ་སྔོན་འཐུས་མི་ཚོགས་པའི་གྲོས་ཞིབ་ནང་ཐེངས་གཉིས་ལ་ཞུགས་སྐབས། ནན་བཤད་གནང་ཐེངས་མང་ཤོས་ནི་སྐྱེ་ཁམས་ཡིན་ཞིང་། “ཏན་ཏིག་བཞིའི”བླང་བྱ་གལ་ཆེན་དང“ཆེས་ཆེ་བ་གསུམ”གྱི་ཞིང་ཆེན་གནས་ཚུལ་གཏན་འཁེལ་གནང་བར་མ་ཟད། ང་ཚོར་ཁ་ཕྱོགས་གཏན་འཁེལ་གྱི་སྒོ་ནས“སྐྱེ་ཁམས་དཔལ་ཡོན་གྱི་མཐོ་ས་བཏོད་པ་དང་ཐོན་ལས་ས་ཁུལ་བཞི་འཛུགས་སྐྲུན་བྱེད་པའི”ལས་འགན་ཡང་བཏོན། མདོ་ལའི་ངོས་ནས་བརྗོད་ན། རྒྱལ་ཁབ་རིམ་པའི་སྐྱེ་ཁམས་སྲུང་སྐྱོང་དང་འཛུགས་སྐྱོང་གི་དཔེ་སྟོན་རྫོང་ཞིག་ཡིན་པའི་ངོས་ནས་སྐྱེ་ཁམས་ནི་གལ་འགངས་ཆེ་ལ་ཤིན་ཏུ་དམིགས་བསལ་ཅན་ཞིག་ཡིན། ཉེ་བའི་ལོ་ཤས་རིང་། རྫོང་ཡོངས་ཀྱི་གོང་འོག་ཚང་མས་རྫོང་གི་གནས་ཚུལ་དངོས་ལ་གཞི་ཚུགས་པ་དང་། འགན་འཁྲི་འཁུར་བའི་འདུ་ཤེས་ཟབ་ཏུ་གཏོང་བ།དམིགས་ཚད་ལས་འགན་ཞིབ་ཚགས་སུ་གཏོང་བ།འགན་འཁྲི་ནན་ཏན་དུ་གཏོང་བ། རིམ་པ་བཞིན་གནོན་ཤུགས་བརྒྱུད་སྤྲོད་བཅས་བྱས་ཏེ་ནགས་རྩྭ་དཔོན་ལམ་ལུགས་དེ“མིང་དང་འགན་འཁྲི་གཉིས་ལྡན”ནས“ནུས་པ་དང་ཕན་འབྲས་གཉིས་ལྡན”བར་བརྗེ་བསྒྱུར་བྱེད་པར་སྐུལ་འདེད་ཏན་ཏིག་བཏང་ཞིང་། སྐྱེ་ཁམས་ཁོར་ཡུག་ཉིན་རེ་བཞིན་ཇེ་ལེགས་སུ་འགྲོ་བར་སྐུལ་འདེད་བཏང་སྟེ་ཤུལ་ལུས་གནད་དོན་ཁག་ཅིག་དངོས་འབྲེལ་ཐག་གཅོད་བྱས་ཡོད། འོན་ཀྱང་ང་ཚོས་རིག་པ་གསལ་བོས་ངོས་འཛིན་བྱ་དགོས་པ་ཞིག་ནི།ད་དུང་ཡང་གནད་དོན་ཁ་ཤས་གནས་ཡོད། ང་ཚོས་ངེས་པར་དུ་ཚད་མཐོའི་མཐོང་ཆེན་བྱས་ཏེ་ནགས་རྩྭ་དཔོན་ལམ་ལུགས་ཕྱོགས་ཡོངས་ནས་ཁྱབ་གདལ་གཏོང་བའི་དོན་སྙིང་གལ་ཆེན་ལ་ངོས་འཛིན་གཏིང་ཟབ་བྱེད་དགོས་པ་དང་། ངེས་པར་དུ་ཏང་གི་སྐབས་ཉི་ཤུ་བའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པས་སྐྱེ་ཁམས་དཔལ་ཡོན་སྒྲིག་སྲོལ་སྒྱུར་བཅོས་གཏིང་ཟབ་ཏུ་གཏོང་བའི་བཀོད་སྒྲིག་གལ་ཆེན་དང་། ནགས་ཚལ་དང་རྩྭ་ཐང་སྒྱུར་བཅོས་ཐད་བཏོན་པའི་བྱེ་བྲག་གི་བླང་བྱ་ལ་གོ་བ་ཟབ་མོ་ལེན་དགོས། མདོ་ལས་ཁུལ་ཡོངས་དང་ཞིང་ཆེན་ཡོངས་ཀྱི་སྤྱི་ཇུས་ཁྲོད་ཟིན་པའི་བྱེད་ནུས་ཀྱི་ཁ་ཕྱོགས་ལ་དམ་འཛིན་ནན་མོ་བྱས་ཏེ། ནགས་རྩྭའི་གཙོ་གནད་ལས་དོན་དོན་འཁྱོལ་དང་ནགས་རྩྭའི་ཁྱབ་ཁོངས་ཀྱི་ཁྱོན་ཡོངས་གཏིང་ཟབ་བཅོས་སྒྱུར་ལ་གཅིག་བསྡུས་སྒོས་སྐུལ་འདེད་བཏང་བར་བརྟེན། “བྱང་གསུམ་བཟོ་སྐྲུན”གྱི་འགག་སྒྲོལ་གཡུལ་འཐབ་དང་གཅིག་བསྡུས་ནགས་དབང་ལམ་ལུགས་སྒྱུར་བཅོས། ནགས་རྩྭ་དཔོན་ལམ་ལུགས་སོགས་གཙོ་གནད་སྒྱུར་བཅོས་ལ་ཕྱོགས་ཡོངས་ནས་དམ་འཛིན་བྱེད་དགོས། རང་རེའི་རྫོང་གི་སྐྱེ་ཁམས་དཔལ་ཡོན་འཛུགས་སྐྲུན་དང་བཅོས་སྐྱོང་ནུས་ཤུགས་དེང་རབས་ཅན་གྱི་ཆུ་ཚད་ཁྱོན་ཡོངས་ནས་མཐོར་འདེགས་སུ་བཏང་སྟེ།ཞིང་ཆེན་ཡོངས་སུ་སྐྱེ་ཁམས་དཔལ་ཡོན་བཙན་ས་གསར་སྐྲུན་བྱེད་པ་དང་སྐྱེ་ཁམས་མཛའ་མཐུན་ལྡན་པའི་དེང་རབས་ཅན་གྱི་མཚོ་སྔོན་གསར་བ་འཛུགས་སྐྲུན་བྱེད་པར་མདོ་ལའི་སྟོབས་ཤུགས་ལེགས་སྐྱེས་སུ་འབུལ་དགོས།

ཧོ་ཧྲེང་ཅེ་ཡིས་གཅིག་ནས་ལས་ཀའི་ཕན་འབྲས་དེ་ནགས་ཚལ་ཐོན་ཁུངས་དོ་དམ་སྲུང་སྐྱོང་ཐད་ནས་མངོན་པར་བྱེད་དགོས། རིམ་ཁག་ནགས་རྩྭ་དཔོན་དང་སྐྱེ་ཁམས་བདག་སྐྱོང་པར་དམ་པོར་བརྟེན་ཞིང་། མདོ་ལ་རིང་མོའི་རྒྱལ་ཁབ་སྤྱི་གླིང་གི་དོ་དམ་སྲུང་སྐྱོང་ལས་དོན་དང་ཕྱོགས་ཡོངས་ནས་ཟུང་འབྲེལ་བྱས་ཏེ་ཕྱུགས་བཀག་དང་། རྩྭ་ཕྱུགས་དོ་སྙོམས། མེ་ཟོན། གནོད་ཡོད་སྐྱེ་དངོས་འགོག་བཅོས་བཅས་དང་དེ་བཞིན་ནགས་ཚལ་དང་རྩྭ་ཐང་ཐོན་ཁུངས་ལ་གཏོར་བཤིག་གཏོང་བའི་ཁྲིམས་འགལ་བྱ་སྤྱོད་ལ་རྡུང་རྡེག་གཏོང་བ་སོགས་ཀྱི་གཙོ་གནད་ལས་འགན་དོན་འཁྱོལ་བྱ་རྒྱུར་སྤྱི་འདོམས་དམ་འཛིན་ཡག་པོ་བྱེད་དགོས། གཉིས་ནས་ལས་ཀའི་ཕན་འབྲས་དེ་ནགས་ཚལ་དང་རྩྭ་ཐང་རྣམ་གྲངས་ཀྱི་ཕན་འབྲས་ཐོག་ནས་མངོན་པར་བྱེད་དགོས། རྫོང་ནགས་ལས་རྩྭ་ཐང་ཅུ་དང་རིམ་ཁག་ནགས་རྩྭ་དཔོན་གྱིས་རྣམ་གྲངས་ཇུས་འགོད་དང་། གནས་ཁུལ་འདེམས་ལེན་སྒྲིག་འཛུགས་ལག་བསྟར་བྱེད་པ། རྒྱུ་རྐྱེན་གཙོ་བོ་འགན་ལེན་སོགས་ཀྱི་ལས་འགན་མཐུན་སྦྱོར་དོན་འཁྱོལ་ཡག་པོ་བྱས་ཏེ་གཞུང་ཁོངས་ནགས་ཚལ་དོ་དམ་སྲུང་སྐྱོང་དང་དེ་བཞིན་བྱང་གསུམ་དུས་ཐེངས་དྲུག་པའི་བར་དམ་ཆུ་བོའི་ཆུ་འགོའི་ཁུལ་གྱི་ཆུ་ཁུངས་གསོ་འཁྱོངས་དང་སྐྱེ་ཁམས་སླར་གསོའི་རི་རྒྱ་ནགས་གསོ་སོགས་ནགས་རྩྭ་རྣམ་གྲངས་གལ་ཆེན་སྤུས་ཚད་མཐོན་པོས་ལག་བསྟར་བྱེད་དགོས། གསུམ་ནས་ལས་ཀའི་ཕན་འབྲས་དེ་ནགས་ཚལ་དང་རྩྭ་ཐང་ཐོན་ལས་འཕེལ་རྒྱས་གཏོང་བའི་ཐོག་ནས་མངོན་པར་བྱེད་དགོས། ཧྲུའུ་ཅི་ཁྲེན་ཀང་གི“སྐྱེ་ཁམས་མཛེས་པ་དང་། ཐོན་ལས་དར་རྒྱས། མང་ཚོགས་ཕྱུག་འགྱུར”གྱི་ལས་ཀའི་བླང་བྱ་ཕྱོགས་ཡོངས་ནས་དོན་འཁྱོལ་བྱ་རྒྱུར་དམིགས་ཤིང་། ནགས་ཚལ་གླ་བ་གསོ་ཚགས་ཀྱི་གྲུབ་འབྲས་ཐོབ་པའི་ཉམས་མྱོང་ཕྱོགས་སྡོམ་དང་བེད་སྤྱོད་ཡག་པོ་བྱས་ཏེ་ནགས་ཚལ་དང་རྩྭ་ཐང་གི་ཐཱན་འདུས་ཉོ་ཚོང་ཚོད་ལྟའི་ལས་དོན་ལ་སྐུལ་འདེད་མགྱོགས་སུ་གཏོང་བ། ནགས་རྩྭ་དང་རིག་གནས་གནས་སྐོར་དང་། བདེ་གསོ། ལུས་རྩལ་སོགས་མཉམ་འདྲེས་གཏིང་ཟབ་བྱ་རྒྱུར་མུ་མཐུད་སྐུལ་འདེད་གཏོང་བ་དང་། གྲོང་གསེབ་སྐྱེ་ཁམས་གནས་སྐོར་དང་སྐྱེ་ཁམས་ལྗོངས་གཟིགས། བདེ་ཐང་ཁམས་གསོ་སོགས་གསར་དར་ལས་རྣམ་ཤུགས་ཆེན་པོས་འཕེལ་རྒྱས་སུ་བཏང་སྟེ། ཐོན་ལས་སྦྲེལ་ཐག་སྣུར་སྲིང་དང་རིན་ཐང་སྦྲེལ་ཐག་མཐོར་འདེགས། ཡོང་འབབ་སྦྲེལ་ཐག་རྒྱ་བསྐྱེད་མངོན་འགྱུར་བྱས་ཏེ་རྫོང་ཡོངས་ཀྱི་ནགས་རྩྭ་བྱ་གཞག་གི་སྤུས་ཚད་མཐོ་བའི་འཕེལ་རྒྱས་ལ་ནུས་ཤུགས་ཡོད་རྒུས་སྐུལ་འདེད་གཏོང་དགོས།

ཚོགས་འདུའི་ཐོག་ཧྲེང་ཀྲང་གཞོན་པ་ལིའུ་ཐའོ་ཡིས་ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཀྱི་ཁག་བཞི་པའི་དཔེ་མཚོན་གྱོད་དཔེ་དག་ཐེར་དང་རྩྭ་ཕྱུགས་དོ་སྙོམས་ལས་དོན་གྱི་ཆེད་དོན་ཚོགས་འདུའི་ཐོག་གནང་བའི་གསུང་བཤད་ཀྱི་དགོངས་དོན་དང་། 《<མཚོ་བྱང་ཁུལ་གྱི་སྤྱི་ཁྱབ་ནགས་ཚལ་རྩྭ་དཔོན་གྱི་བཀའ་རྒྱའི>ལས་འགན་ཁག་བགོས་ཇུས་གཞི་ཕྱོགས་ཡོངས་ནས་ལག་བསྟར་དོན་འཁྱོལ》 མཚོ་བྱང་ཁུལ་གྱི2024ལོའི་ནགས་རྩྭ་དཔོན་ལམ་ལུགས་ཀྱི་ལས་དོན་ཚོགས་འདུའི་དགོངས་དོན་བཅས་བརྒྱུད་བསྒྲགས་དང་སློབ་སྦྱོང་བྱས། 2024ལོའི་རྫོང་ཡོངས་ཀྱི་ནགས་རྩྭ་དཔོན་ལམ་ལུགས་ཀྱི་ལས་དོན་སྤེལ་ཚུལ་གྱི་བརྡ་ཁྱབ་བཏང་།

མཁར་དམར་གྲོང་རྡལ། ཞིང་ཕྱུགས་ཆུ་བེད་དང་ཚན་རྩལ་ཅུ་བཅས་ཀྱིས་སྤེལ་རེས་གཏམ་བཤད་བྱས།

རྫོང་གི་འགོ་ཁྲིད་སྐལ་བཟང་དང་ཧཱ་ཞའོ་ཡུང་། ཀྲའོ་ཧྭ་ཉན། ལི་ཧྲོའུ་པིང་བཅས་དང་དེ་བཞིན་ཡུལ་གྲོང་ཁག་གི་ཏང་ཨུ་དང་སྲིད་གཞུང་། རྫོང་ཐད་གཏོགས་ལས་ཁུངས་དང་ཚན་པ་ཁག་གི་འགན་འཁུར་བ་ཚོགས་འདུར་ཞུགས