ཟླ7པའི་ཚེས7ཉིན། རིགས་སོ་སོའི་ལས་བྱེད་པ་དང་མང་ཚོགས་ཀྱི་རེ་སྒུག་ཁྲོད"མཚོ་སྔོན་རྐང་གྲུག་ལྷག་རིམ་འགྲན་སྡུར་ཆེན་མོའི"རེས་སྐོར་བདུན་པའི་འགྲན་སྡུར་དེ་འཇུ་ལག་རྫོང་མི་རིགས་ལུས་རྩལ་ཐང་དུ་སྤེལ་ཞིང་། ཉིན་འདི་ནི"གནས་མཆོག་མཚོ་སྔོན། མཐོ་སྒང་རྫས་མཆོག"ཅེས་པའི2024ལོའི་ཆས་རྟགས་དྲིལ་སྒྲོག་དང་ཚོང་འགུགས་མ་འདྲེན་འོས་སྦྱོར་ཚོགས་འདུ་འཚོགས་པའི་ཉིན་མོ་ཡང་ཡིན། ལུས་རྩལ་ར་བའི་ནང་དུ་དར་ཚོན་ལྷབ་ལྷུབ་ཏུ་གཡོ་ཞིང་གང་སར་མི་ཚོགས་ཀྱིས་ཁེངས་པས་འདུག་ས་མེད་པའི་ཚུལ་དུ་སླེབས། འདུ་འཛི་ཧ་ཅང་ཆེ་ལ་ངོ་མཚར་ཆེ་བའི་རྐང་རྩེད་སྤོ་ལོའི་འགྲན་སྡུར་གྱི་གནས་ཚུལ་ཕུད་ཞིང་ཆེན་ཡོངས་ཀྱི་གྲོང་ཁྱེར་དང་ཁུལ8ཀྱི་ཁྱད་ལྡན་ཞིང་ཕྱུགས་ཐོན་རྫས་ཀྱིས་དེ་གའི་ལྟད་མོ་བ་དང་མང་ཚོགས་ཀྱི་ཡིད་དབང་བཀུག་ནས་ལྟ་བ་དང་མྱོང་བ། ཉོ་བ་སོགས་རྒྱུན་ཆད་མེད་པར་འཚང་ཁ་ཤིག་ཤིག་བྱེད་བཞིན་ཡོད། གཤམ་ནས་ང་ཚོས་གསར་འགོད་པའི་བརྙན་མིག་བརྒྱུད་དེ་ཡང་བསྐྱར་བརྗེད་དཀའ་བའི་སྐད་ཅིག་མའི་སྣང་བརྙན་འདིར་ཕྱིར་དྲན་ཞིག་བྱེད།