ཟླ11པའི་ཚེས17ཉིན། ཁུལ་ཨུའི་བདེ་འཇགས་མཚོ་བྱང་འཛུགས་སྐྲུན་མགོ་ཁྲིད་ཚན་ཆུང་གི་ཚོགས་འདུ་དང་བཀོད་གཏོང་ཚོགས་འདུ་ཐེངས་གསུམ་པ་ཚོགས། ཚོགས་འདུའི་ཐོག་ཞིང་ཆེན་ཏང་ཨུའི་བདེ་འཇགས་མཚོ་སྔོན་འཛུགས་སྐྲུན་མགོ་ཁྲིད་ཚན་ཆུང་གི（རྒྱ་སྐྱེད）ཚོགས་འདུ་དང“ཟླ་གཉིས”བཀོད་གཏོང་ཚོགས་འདུ་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ནས་འབྲེལ་ཡོད་ས་ཁུལ་དང་སྡེ་ཁག་གི་བྱ་བའི་གནས་ཚུལ་སྙན་ཞུར་ཉན་ལ། དུས་བབ་ལ་དབྱེ་ཞིབ་བྱེད་པ་དང་གནད་དོན་འཚོལ་ཞིབ་བྱེད་པ། གོམ་སྟབས་རྗེས་མའི་གཙོ་གནད་བྱ་བ་ཞིབ་འཇུག་དང་བཀོད་སྒྲིག་བཅས་བྱས། ཁུལ་ཨུའི་ཧྲུའུ་ཅིའམ་ཁུལ་ཨུའི་བདེ་འཇགས་མཚོ་བྱང་འཛུགས་སྐྲུན་མགོ་ཁྲིད་ཚན་ཆུང་གི་ཚོགས་གཙོ་ཤ་བོ་སྐྱབས་ཚོགས་འདུར་ཕེབས་པ་དང་འབྲེལ་གསུང་བཤད་གནང་། ཁུལ་ཨུའི་རྒྱུན་ཨུའམ་འཐབ་ཕྱོགས་གཅིག་གྱུར་པུའི་པུའུ་ཀྲང་། ཁུལ་ཨུའི་བདེ་འཇགས་མཚོ་བྱང་འཛུགས་སྐྲུན་མགོ་ཁྲིད་ཚན་ཆུང་གི་ཚོགས་གཙོ་གཞོན་པ་མགོན་པོ་ཚེ་བརྟན་གྱིས་དུས་ཚིགས་གསུམ་པའི་ལྟ་སྐུལ་མཛུབ་ཁྲིད་དཔྱད་དཔོག་གནས་ཚུལ་བརྡ་ཁྱབ་བཏང་། ཁུལ་ཨུའི་རྒྱུན་ཨུའམ་དྲུང་ཡིག་ཆེན་མོ། ཁུལ་ཨུའི་བདེ་འཇགས་མཚོ་བྱང་འཛུགས་སྐྲུན་མགོ་ཁྲིད་ཚན་ཆུང་གི་ཚོགས་གཙོ་གཞོན་པ་ཝང་ཡུང་ཁྲང་གིས་ཚོགས་འདུ་གཙོ་སྐྱོང་གནང་།

ཤ་བོ་སྐྱབས་ཀྱིས་ད་ལོ་ནས་བཟུང་ཁུལ་ཡོངས་ཀྱི་གོང་འོག་ཚང་མས་ཕྱོགས་སོ་སོའི་བྱེད་པོའི་འགན་འཁྲི་ནན་དུ་གཏོང་བ་དང་རང་འགུལ་ངང་བྱ་བ་སྒྲུབ་པ། རང་འགུལ་ངང་འགན་འཁྲི་འཁུར་བ། རང་འགུལ་ངང་གནས་བབ་ལ་སླེབས་པ་བཅས་བྱས་ནས་བདེ་འཇགས་མཚོ་བྱང་འཛུགས་སྐྲུན་བྱ་བར་དུས་མཚམས་རང་བཞིན་གྱི་ཕན་འབྲས་ཐོན་མོད། འོན་ཀྱང་སྤྱི་ཡོངས་ཀྱི་དུས་བབ་ཐད་རྨོངས་ཚོད་དང་དཀའ་གནད་ལ་མཐོང་ཆེན། ལས་འགན་འགག་སྒྲོལ་བཅས་ལ་སྔར་བཞིན་དཀའ་ཚེགས་ཆེན་པོ་ཡོད་པས། ས་གནས་སོ་སོ་དང་སྡེ་ཁག་སོ་སོས་ཁག་གཉིས་པའི་བརྗོད་དོན་སློབ་གསོ་དང་ཞིང་ཆེན་ཏང་ཨུས“ལས་བྱེད་པས་སྒྲུབ་དགོས་པ་དང་བསམ་ཕྱོགས་གསལ་བོ་ཡིན་དགོས་པ། རང་གཅུན་ནན་མོ་བྱེད་དགོས་པའི”བྱ་བའི་བླང་བྱ་དང་བདེ་འཇགས་མཚོ་སྔོན་གྱི“སྟོང་ཆའི་ལམ་ལུགས”ཀྱི་དཔྱད་ཞིབ་དམིགས་ཚད་དང་ལྟ་སྐུལ་མཛུབ་ཁྲིད་དཔྱད་དཔོག་གནད་དོན་དང་ཞིབ་བསྡུར་བྱས་ཏེ་འགག་སྒྲོལ་བྱ་ཐབས་ཞིབ་ཕྲ་བཟོས་ནས་བདེ་འཇགས་མཚོ་བྱང་འཛུགས་སྐྲུན་གྱི་སྤུས་ཚད་ཇེ་མཐོར་གཏོང་བ་དང་ཕན་འབྲས་ཇེ་ཆེར་གཏོང་བ། རིམ་སྤོར་ལ་ཁྱོན་ཡོངས་ནས་སྐུལ་འདེད་གཏང་དགོས་པར་བསྟན།

ཤ་བོ་སྐྱབས་ཀྱིས་ཁུལ་ཡོངས་ཀྱི་གོང་འོག་ཚང་མའི་བསམ་བློའི་ངོས་འཛིན་སྔར་ལས་གསལ་བོ་ཡོང་བར་བྱས་ནས་དུས་དང་རྣམ་པ་ཀུན་ཏུ“སྒུག་མི་ཐུབ་པའི”འགན་འཁྲི་འཁུར་སེམས་རྒྱུན་འཁྱོངས་བྱེད་དགོས། གནད་དོན་གྱི་སྟོན་ཕྱོགས་དང་དམིགས་འབེན་གྱི་སྟོན་ཕྱོགས། མཇུག་འབྲས་ཀྱི་སྟོན་ཕྱོགས་བཅས་རྒྱུན་འཁྱོངས་དང་ཁྱོན་ཡོངས་ཀྱི་བསམ་གཞིགས་དང་མཉམ་འབྲེལ་གྱི་ཤུགས་རྒྱག་རྒྱུ་མཐའ་འཁྱོངས། དུས་བཀག་གི་ལྡོག་སྐུལ་མྱུར་ཚད་དང“གནས་དང་གནས་ཀྱི”འགག་སྒྲོལ་བཅས་རྒྱུན་འཁྱོངས་བྱས་ཏེ་བྱ་བ་སོ་སོ་དོན་འཁྱོལ་ཞིབ་ཕྲ་དང་དོན་ཐོག་ཏུ་འཁྱོལ་བར་བྱེད་དགོས། དམིགས་ཚད་ལས་འགན་ལ་སླར་ཡང་དམིགས་ཏེ་དུས་དང་རྣམ་པ་ཀུན་ཏུ“དལ་མི་རུང་བའི”ཉམས་ཉེན་གྱི་འདུ་ཤེས་རྒྱུན་འཁྱོངས་བྱེད་པར་ངེས་པར་དུ“ལོ་གཅིག་ནང་ཡར་ཐོན་མགྱོགས་ཤོས”ཀྱི་དམིགས་ཚད་ལས་འགན་གཏན་འཁེལ་བྱས་ནས་རང་ངོས་ཞིབ་བསྡུར་དང་རང་ངོས་ལ་ལྟ་ཞིབ། རང་གིས་རང་ལ་སྐུལ་ལྕག དུས་མཚམས་རེར་རིམ་པ་བཞིན་སྐུལ་འདེད་གཏོང་བ་བཅས་རྒྱུན་འཁྱོངས་བྱས་ཏེ་ཕན་འབྲས་ཐོན་པ་དང་ཕན་འབྲས་དངོས་ཐོན་པ། རིམ་པ་མཐོ་རུ་འགྲོ་བ་བཅས་བྱེད་དགོས། བྱ་བའི་གཙོ་གནད་ད་དུང་མངོན་གསལ་དོད་པོ་ཡོང་བར་བྱས་ནས་དུས་དང་རྣམ་པ་ཀུན་ཏུ“སྡོད་མི་ཐུབ”པའི་འགན་འཁྲིའི་བསམ་པ་རྒྱུན་འཁྱོངས་བྱེད་དགོས། “1+10”གཞི་རིམ་ལ་འབྲེལ་གཏུག་བྱས་ནས་མང་ཚོགས་ལ་ཞབས་འདེགས་ཞུ་བའི་ལམ་ལུགས་དོན་འཁྱོལ་ཧུར་ཐག་བྱས་ཏེ། བྱ་བ་སོ་སོ་ཁྱོན་ཡོངས་ནས་དོན་འཁྱོལ་ཡོང་བར་སྐུལ་འདེད་གཏོང་དགོས། རྫོང་སོ་སོ་དང་སྡེ་ཁག་སོ་སོས་རང་བཤེར་རང་དཔྱད་དང“ཕྱིར་མིག་ལྟ་བའི”བྱ་བ་ཁྱོན་ཡོངས་ནས་སྤེལ་ཏེ་བཀོད་སྒྲིག་གནད་ལ་འཁེལ་བ་དང་དོན་འཁྱོལ་ལ་སྐུལ་འདེད་བཏང་ནས་ཕན་འབྲས་བཟང་པོ་ཐོན་པར་བྱེད་དགོས། སྤྱི་ཚོགས་ལས་རིགས་སོ་སོ་དང་ཁྱབ་ཁོངས་སོ་སོ་བདེ་འཇགས་འཛུགས་སྐྲུན་ནང་ཞུགས་རྒྱུར་རྒྱ་ཁྱབ་ངང་སྐུལ་སློང་བྱས་ནས་སྤྱི་ཚོགས་ཀྱི་རྣམ་པ་ཟབ་མོ་ཞིག་ཆགས་པར་བྱེད་དགོས། “ཧྥེང་ཆའོ་ཉམས་མྱོང”གི་མཚོ་བྱང་གི་ལག་ལེན་ལ་སྐུལ་འདེད་ཏན་ཏིག་བཏང་ནས་རྒྱལ་ཡོངས་ཀྱི་དུས་རབས་གསར་པའི“ཧྥེང་ཆའོ་ཉམས་མྱོང”གི་སྔོན་ཐོན་དཔེ་མཚོན་གྱི་ལེགས་ཆ་འདོན་སྤེལ་ཡག་པོ་བྱས་ཏེ་གནད་གཅིག་གིས་ཁྱོན་ཡོངས་སྣེ་ཁྲིད་དང་དཔེ་སྟོན་སྣེ་ཁྲིད་བྱས་ནས་མཚོ་བྱང་གི་ཉམས་མྱོང་དང་མཚོ་བྱང་གི་བྱེད་སྟངས་ཤིག་གཏོད་དགོས་ནན་གྱིས་བསྟན།

ཚོགས་འདུའི་ཐོག མདོ་ལ་རྫོང་དང་རྐང་ཚ་རྫོང་། ཁུལ་མཁོ་བསྟུན་དོ་དམ་ཅུས། ཁུལ་རྒྱལ་ཁབ་བདེ་འཇགས་ཅུས་བཅས་ཀྱི་འགན་འཁུར་བ་གཙོ་བོས་བརྗེ་རེས་གཏམ་བཤད་སྤེལ། ཚོགས་འདུའི་ཐོག་རྫོང་བཞི་དང་ཁོངས་མིའི་ལས་ཁུངས་ལ་ཡུལ་དངོས་ནས་བཀོད་གཏོང་བྱས་པ་དང《བདེ་འཇགས་མཚོ་བྱང་འཛུགས་སྐྲུན་གྱི་འགན་འཁྲི་དོན་འཁྱོལ་བྱེད་ཐབས་འགའ་ཞིག》ལ་གྲོས་ཞིབ་བྱས། 

ཁུལ་ཨུའི་བདེ་འཇགས་མཚོ་བྱང་འཛུགས་སྐྲུན་མགོ་ཁྲིད་ཚན་ཆུང་གི་ཚོགས་གཙོ་གཞོན་པའམ་ཁོངས་མིའི་ཚན་པའི་འགན་འཁུར་བློ་མཐུན་གཙོ་བོ་ཚོགས་ར་གཙོ་བོའི་ཚོགས་འདུར་ཞུགས་ལ། རྫོང་སོ་སོའི་རྫོང་ཨུའི་བདེ་འཇགས་འཛུགས་སྐྲུན་མགོ་ཁྲིད་ཚན་ཆུང་གི་འགན་འཁུར་བློ་མཐུན་དང་ཁོངས་མིའི་ལས་ཁུངས་ཡན་ལག་ཚོགས་རའི་ཚོགས་འདུར་ཞུགས།