མཚོ་བྱང་ཁུལ་ཨུའི་རོང་འབྲོག་ཁུལ་བྱ་བའི་མགོ་ཁྲིད་ཚན་ཆུང（ཁུལ་གྲོང་གསེབ་དར་སྤེལ་མགོ་ཁྲིད་ཚན་ཆུང）གི་ཚོགས་འདུ་དང་ཞིང་ཆེན་རིམ་པའི་ཕྱོགས་གསུམ་པའི་དཔྱད་དཔོག་ལྡོག་ལན་གནད་དོན་བཅོས་སྒྲིག་ལ་སྐུལ་འདེད་གཏོང་བའི་ཚོགས་འདུ་འཚོགས་པ།

ཟླ11པའི་ཚེས15ཉིན། མཚོ་བྱང་ཁུལ་ཨུའི་རོང་འབྲོག་ཁུལ་བྱ་བའི་མགོ་ཁྲིད་ཚན་ཆུང（ཁུལ་གྲོང་གསེབ་དར་སྤེལ་མགོ་ཁྲིད་ཚན་ཆུང）གི་ཚོགས་འདུ་དང་ཞིང་ཆེན་རིམ་པའི་ཕྱོགས་གསུམ་པའི་དཔྱད་དཔོག་ལྡོག་ལན་གནད་དོན་བཅོས་སྒྲིག་ལ་སྐུལ་འདེད་གཏོང་བའི་ཚོགས་འདུ་འཚོགས་ལ། ཚོགས་འདུའི་ཐོག་ཞིང་ཆེན་ཡོངས་ཀྱིས་དབུལ་ཐར་གྲུབ་འབྲས་སྲ་བརྟན་དུ་གཏོང་བའི་ཕྱོགས་གསུམ་པའི་དཔྱད་དཔོག་ལྡོག་ལན་གནད་དོན་ཁྱབ་བརྡ་བཏང་བ་དང་། གོམ་སྟབས་རྗེས་མའི་གཙོ་གནད་བྱ་བར་བཀོད་སྒྲིག་བྱས་ཤིང་། རྫོང་བཞིའི་སྲིད་གཞུང་གིས་གཏམ་བཤད་གནང་། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་ཚོགས་འདུ་གཙོ་སྐྱོང་བྱས་ཏེ་གསུང་བཤད་གནང་བ་དང་།  ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན་གྱིས་གསུང་བཤད་གནང་། ཁུལ་སྲིད་གྲོས་ཀྱི་ཀྲུའུ་ཞི་པད་རྒྱལ་བཀྲ་ཤིས་ཚོགས་འདུར་ཕེབས།    

ཤ་བོ་སྐྱབས་ཀྱིས་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་རྒྱ་བསྐྱེད་དུ་གཏོང་བ་དང་གྲོང་གསེབ་དར་སྤེལ་གཏོང་བའི་འཐབ་ཇུས་ལག་བསྟར་བྱ་རྒྱུ་དེ་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཐོག་མཐའ་བར་གསུམ་དུ་ནན་བཤད་གནང་བའི་རྒྱལ་དོན་གྱི་ཆེ་ཕྱོགས་ཡིན་པས། དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་རྒྱ་བསྐྱེད་དུ་གཏོང་བ་དང་གྲོང་གསེབ་དར་སྤེལ་གཏོང་བའི་འཐབ་ཇུས་ལག་བསྟར་བྱེད་པའི་གལ་འགངས་ཤིན་ཏུ་ཆེ་བའི་རང་བཞིན་ལ་ངོས་འཛིན་གང་ལེགས་བྱས་ནས། ཁུལ་ཡོངས་ཀྱིས་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དུ་གཏོང་བ་དང་གྲོང་གསེབ་དར་སྤེལ་གཉིས་སྦྲེལ་མཐུད་ནུས་ལྡན་བྱེད་པའི་བྱ་བའི་ཆུ་ཚད་མཐོ་རུ་གཏོང་བ། ཕན་འབྲས་དངོས་ཐོན་པ། གྲུབ་འབྲས་ཐོབ་པ་བཅས་བྱ་རྒྱུའི་འགན་ལེན་བྱེད་དགོས་ལ། གནད་དོན་ཁྲིད་ཕྱོགས་སུ་འཛིན་རྒྱུ་རྒྱུན་འཁྱོངས་ཀྱིས་སྡེ་སྡོད་ལས་བྱེད་པར་དོ་དམ་བྱ་རྒྱུར་ཤུགས་བསྣན་ནས་སྡེ་སྡོད་ལས་བྱེད་པའི་ནུས་པ་དང་སྤྱོད་ཚུལ་ཁྱོན་ཡོངས་ནས་མཐོ་རུ་གཏོང་དགོས། ཁྱད་ལྡན་ཐོན་ཁུངས་ལ་གཞི་ཚུགས་ནས“བོད་ལུག་ཁྲི་དང་ནོར་གནག་སྟོང”གི་རྟེན་གཞི་འཛུགས་སྐྲུན་ལ་མུ་མཐུད་ཤུགས་སྣོན་པ་དང་སྐྱེ་ཁམས་ཕྱུགས་ལས་ཀྱི“གཅིག་ཅན་བརྒྱད”ཀྱི་སྒྲིག་བཀོད་ཆ་ཚང་ལ་སྐུལ་འདེད་གཏིང་ཟབ་བཏང་ནས་ཁྱད་ལྡན་ཐོན་ལས་ལས་གཞི་འཕེལ་རྒྱས་གཏོང་དགོས། མང་ཚོགས་ཀྱི་ཡོང་འབབ་དང་ལས་གནས་བརྟན་པོའི་ངང་ལས་ཞུགས་བྱེད་པ་སོགས་ཀྱི་བྱ་ཐབས་ལ་དམ་པོར་དམིགས་ཏེ་གཉེར་སྐྱོང་རང་བཞིན་གྱི་ཡོང་འབབ་དང་གླ་ཕོགས་རང་བཞིན་གྱི་ཡོང་འབབ། གཞན་སྒྱུར་རང་བཞིན་གྱི་ཡོང་འབབ། རྒྱུ་ནོར་རང་བཞིན་གྱི་ཡོང་འབབ་བཅས་དམ་འཛིན་ལྷོད་མེད་བྱས་ནས་ཁུལ་དང་རྫོང་གི་བཤས་གཏོང་ཚད་ཁ་གསབ་དང་འཛད་སྤྱོད་རོགས་སྐྱོར་སོགས་ཀྱི་བྱ་ཐབས་བརྒྱུད་དེ་རོང་འབྲོག་མང་ཚོགས་ཀྱི་ཡོང་འབབ་འཕར་རྒྱུར་སྐུལ་འདེད་གཏོང་དགོས་པ་ནན་གྱིས་བསྟན།         

ཤ་བོ་སྐྱབས་ཀྱིས“འགན་ལེན་གསུམ”དང་དེ་བཞིན་འཐུང་ཆུའི་བདེ་འཇགས་སོགས་ཀྱི་གཙོ་གནད་ལས་འགན་ལ་དམིགས་ཏེ་ལྟ་སྐུལ་མཛུབ་ཁྲིད་དང་ཞིབ་བཤེར་གཏིང་ཟབ་བྱེད་པ། མ་མཐའི་འཚོ་བའི་འགན་ལེན་སྲིད་ཇུས་དོན་འཁྱོལ་བྱ་རྒྱུར་མུ་མཐུད་ཤུགས་སྣོན་པ། རིམ་པ་དང་རིགས་དབྱེ་ནས་རོགས་སྐྱོབ་དང་རོགས་སྐྱོར་བཅས་བྱེད་དགོས། ཞན་ཆ་དང་གནད་དོན་ལ་དམ་པོར་དམིགས་ཏེ་ཆུ་གློག་ལམ་ཆ་འཕྲིན་སོགས་རྨང་གཞིའི་སྒྲིག་བཀོད་ཀྱི་ཞན་ཆ་སྔར་བས་གསབ་ནས་གཞི་ཁྱོན་ལྡན་པའི་བསྐྱར་ལོག་མི་ཡོང་བའི་གཞི་ཐིག་བརྟན་པོ་སྲུང་དགོས། “ལས་བྱེད་པས་བྱ་བ་སྒྲུབ་པ་དང་བསམ་ཕྱོགས་གསལ་བ། རང་གཅུན་ནན་མོ་བྱེད་པ”བཅས་ཀྱི་བྱ་བའི་བླང་བྱ་དོན་འཁྱོལ་ནན་ཏན་བྱས་ཏེ“འགུལ་སྐྱོད་ལྔ”དང“གཙོ་གནད་ལས་འགན་ཁག་བཅུར”དཔེ་བལྟས་ནས“ཉིན་བརྒྱའི་འགག་སྒྲོལ་འགུལ་སྐྱོད”ཀྱི་ལས་འགན་སོ་སོ་མུ་མཐུད་དམ་འཛིན་ཡག་པོ་བྱེད་དགོས།  ཞིང་ཆེན་རིམ་པའི་ཕྱོགས་གསུམ་པའི་དཔྱད་དཔོག་ལྡོག་འདྲེན་གྱི་གནད་དོན་ལ་དམིགས་ཏེ་བཅོས་སྒྲིག་ལ་ཁྱོན་ཡོངས་ནས་ཤུགས་སྣོན་དགོས། རོང་འབྲོག་མང་ཚོགས་ཀྱི་ཡོང་འབབ་དང་དབུལ་བོ་བསྐྱར་འབྱུང་ལ་སྔོན་འགོག་བྱེད་པའི་འགུལ་རྣམ་ལྟ་ཞིབ་ཚད་ལེན་དང་རོགས་སྐྱོར་སོགས་རྒྱལ་ཁབ་ཀྱི་དཔྱད་ཞིབ་དཔྱད་དཔོག་གི་གཙོ་གནད་ནང་དོན་ལ་དམིགས་ཏེ་བྱ་བའི་ཞན་ཆ་གསབ་རྒྱུ་དམ་འཛིན་གྱིས་ཉེན་ཁའི་མངོན་མེད་རྐྱེན་ངན་མེད་པར་བཟོས་ནས་རྒྱལ་ཁབ་ཀྱི་དཔྱད་དཔོག་བྱ་བ་ཁྱོན་ཡོངས་ནས་ཡག་པོ་སྒྲུབ་དགོས་པ་ནན་གྱིས་བསྟན།

ཤ་བོ་སྐྱབས་ཀྱིས་ཁུལ་རིམ་པའི་མགོ་ཁྲིད་སོ་སོས་དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་བྱས་ནས“1+10”གཞི་རིམ་ལ་འབྲེལ་གཏུག་བྱས་ནས་མང་ཚོགས་ལ་ཞབས་འདེགས་ཞུ་བའི་ལམ་ལུགས་དང“4+1+N”ཡི་མཉམ་འབྲེལ་འགན་ལེན་གྱིས་གྲོང་གསེབ་དར་སྤེལ་གཏོང་བའི་བྱ་བའི་ལམ་སྲོལ་དོན་འཁྱོལ་ཧུར་ཐག་བྱས་ཏེ། དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དུ་གཏོང་བ་དང་གྲོང་གསེབ་དར་སྤེལ་གཉིས་སྦྲེལ་མཐུད་ནུས་ལྡན་བྱེད་པའི་བྱ་བར་སྐུལ་འདེད་གཏོང་དགོས་ཏེ། རིམ་པ་སོ་སོའི་ཏང་ཨུ（ཏང་ཙུའུ）ཡིས་བྱེད་པོའི་འགན་འཁྲི་ཏན་ཏིག་བསྒྲུབ་ནས་གྲོང་གསེབ་དར་སྤེལ་གཏོང་བའི་ཁྱབ་ཁོངས་སུ་ལྷག་པའི་གནད་དོན་འཚོལ་ཐུབ་པ་བྱས་ཏེ། བྱ་བ་གོ་རིམ་ལྡན་པའི་སྒོ་ནས་བཀོད་སྒྲིག་དང་ལས་གཞི་དོན་འཁྱོལ་སོགས་ཀྱི་བྱ་བར་གཅིག་གྱུར་བཀོད་སྒྲིག་ཡག་པོ་བྱས་ནས་དོན་དངོས་སྒྲུབ་པ་དང་བྱ་བ་བཟང་པོ་ཡག་པོར་བསྒྲུབ་དགོས། རྫོང་སོ་སོའི་ཏང་སྲིད་ཀྱི་འགན་འཁུར་བློ་མཐུན་གཙོ་བོས་འགན་ཁུར་བ་དང་པོའི་འགན་ཁུར་བསྒྲུབ་ནས་སྣེ་ཁྲིད་དེ་ཡུལ་ཚོ་དང་གྲོང་རྡལ། སྡེ་བ། ཁྱིམ་ཚང་སོགས་སུ་བསྐྱོད་དེ་གནད་དོན་གཞི་རིམ་དུ་ཤེས་རྟོགས་ཐུབ་པ་དང་འཐབ་ཕྱོགས་དང་པོར་ཐག་གཅོད་ཏན་ཏིག་བྱེད་དགོས། རིམ་པ་སོ་སོའི་སྒྲིག་ཨུ་དང་ལྟ་ཞིབ་ཨུ་ལྷན་གྱིས་ལྟ་སྐུལ་སྒྲིག་བསྟར་གྱི“རྣམ་པ་རིགས་བཞི”དང་ལྷག་པར་དུ་རྣམ་པ་རིགས་དང་པོ་སྤྱད་དེ་ཉེན་ཟོན་སློབ་གསོ་དང་ཆེད་དོན་བཅོས་སྐྱོང་བྱས་ནས་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་རྒྱ་བསྐྱེད་དུ་གཏོང་བ་དང་གྲོང་གསེབ་དར་སྤེལ་གཏོང་ཆེད་སྤྱོད་ཚུལ་གྱི་འགན་ལེན་བྱེད་དགོས། རིམ་པ་སོ་སོས་ལས་བྱེད་པས་རང་གཅུན་ལ་ཤུགས་བསྣན་ནས་ཞིང་ཆེན་ཏང་ཨུས་བཏོན་པའི“ལས་བྱེད་པ་རིགས་གསུམ”གྱི་ངེས་གནས་ལ་ནན་ཏན་ངང་དཔེ་བསྡུར་བྱས་ནས་གནད་དོན་བཙལ་འཚོལ་དང་འབྱུང་རྩ་སྔོག་འདོན་བྱས་ཏེ་དམག་འཐབ་ལ་ཞེན་པ་ལོག་པའི་བསམ་བློ་དང“དོ་སྙོམས”ཀྱི་བསམ་བློ། སྒྱིད་ལུག་གི་བྱ་སྤྱོད་བཅས་མཐའ་གཅིག་ཏུ་ཁྱད་བསད་བྱེད་དགོས་པའི་བླང་བྱ་བཏོན།            

ཀྲང་ཧྲིང་ཡོན་གྱིས་ལོ་འཁོར་མོའི་དམིགས་ཚད་ལ་དམ་པོར་དམིགས་ཏེ་སྐུལ་འདེད་ལ་དམ་འཛིན་བྱེད་པ་དང་། འབབ་འཕར་བྱ་བར་དམ་འཛིན་ཏན་ཏིག་བྱེད་པ། གྲུབ་འབྲས་སྲ་བརྟན་དུ་གཏོང་རྒྱུར་རྒྱུན་མཐུད་ངང་ཤུགས་སྣོན་པ། ལས་གཞི་ལས་གྲྭའི་འཕེལ་རིམ་མགྱོགས་སུ་གཏོང་བ། གྲོང་གསེབ་འཛུགས་སྐྲུན་གྱི་ཆུ་ཚད་ཧུར་ཐག་གིས་མཐོ་རུ་གཏོང་དགོས་ཤིང་། གནད་དོན་གྱི་ཞན་ཆ་ལ་དམ་པོར་དམིགས་ཏེ་དག་ཐེར་ཡོ་བསྲང་དམ་འཛིན་དང་། དག་ཐེར་ཡོ་བསྲང་དམ་འཛིན་ནན་མོ། ལྟ་སྐུལ་དང་ཁྲིད་སྟོན་བྱེད་ཤུགས་ཆེར་གཏོང་བ། དག་ཐེར་ཡོ་བསྲང་གི་གྲུབ་འབྲས་སྲ་བརྟན་དུ་གཏོང་བ་བཅས་བྱ་དགོས།  སང་ལོའི་བྱ་བར་དམིགས་ནས་འཆར་འགོད་བྱ་རྒྱུར་དམ་འཛིན་བྱས་ཏེ་ཕྱི་ལོའི་ལས་གཞི་ལག་བསྟར་གྱི“སྔོན་ལ་སྒྲུབ་པའི”བྱ་བར་སྐུལ་འདེད་ཡག་པོ་བཏང་ནས2024ལོའི་གྲོང་གསེབ་དར་སྤེལ་གཏོང་བའི་ཚོད་ལྟའི་གྲོང་ཚོ་གདམ་གསེས་དང་ཚོད་ལྟའི་གྲོང་ཚོའི་ལས་གཞི་འཛུགས་སྐྲུན་གྱི་དུས་མགོའི་བྱ་བར་དམ་འཛིན་ཡག་པོ་བྱེད་པ། ལོ་འཁོར་གྱི་དཔྱད་ཞིབ་ལ་དམ་འཛིན་དང་གྲ་སྒྲིག་ལ་དམ་འཛིན་བྱས་ནས་དཔྱད་ཞིབ་ཀྱི་ཚད་གཞི་དང་དཔྱད་ཞིབ་ཁྱབ་ཁོངས་ལ་ནན་མོར་གཞིགས་ནས་རང་བཤེར་རང་གདེང་བྱས་ཏེ་གནད་དོན་དག་ཐེར་མཐར་ཕྱིན་པ་དང་། ཞན་ཆ་དང་སྟོང་ཆ་གསབ་པ། སྲིད་ཇུས་དང་བྱ་ཐབས་དོན་ཐོག་ཏུ་འཁྱོལ་བ་བཅས་བྱས་ནས་བྱ་བ་སོ་སོའི་སྤུས་ཚད་དང་ཕན་འབྲས་ཁྱོན་ཡོངས་ནས་མཐོ་རུ་གཏོང་རྒྱུར་སྐུལ་འདེད་གཏོང་དགོས་པའི་བླང་བྱ་བཏོན།

ཚོགས་འདུ་བརྙན་ལམ་རྣམ་པའི་ཐོག་ནས་ཚོགས་པ་དང་། ཁུལ་དུ་བསྡད་ཡོད་པའི་ཁུལ་རིམ་པའི་མགོ་ཁྲིད་སོ་སོ། ཁུལ་ཨུའི་སྡེ་ཁག་སོ་སོ། ཁུལ་ཐད་གཏོགས་ལས་ཁུངས་སོ་སོ། མང་ཚོགས་ཚོགས་པ་སོ་སོ་བཅས་ཀྱི་འགན་འཁུར་བློ་མཐུན་གཙོ་བོ། ཁུལ་དམངས་ཆེན་དང་ཁུལ་སྲིད་གྲོས་ཀྱི་ཆེད་དོན་ཨུ་ལྷན་སོ་སོའི་འགན་འཁུར་བློ་མཐུན་གཙོ་བོ། ཁུལ་དུ་བཅའ་སྡོད་བྱས་པའི་ཞིང་ཆེན་གྱི་འབྲེལ་ཡོད་ལས་ཁུངས་ཀྱི་འགན་འཁུར་བ་བཅས་ཚོགས་ར་གཙོ་བོའི་ཚོགས་འདུར་ཞུགས་ལ། རྫོང་སོ་སོར་ཡན་ལག་ཚོགས་ར་བཙུགས་ཡོད།