མཚོ་བོད་མཐོ་སྒང་གི་དབྱར་རྩྭ་དགུན་འབུ་བརྐོ་མགོ་ཚུགས།
ཟླ་བཞི་བའི་ཟླ་མཇུག་ཏུ་མཚོ་བོད་མཐོ་སྒང་གི་ས་བབ་མཐོ་ཚད་སྨི3000ཙམ་གྱི་དབྱར་རྩྭ་དགུན་འབུའི་ཐོན་ཁུལ་དུ་དབྱར་རྩྭ་དགུན་འབུ་བརྐོ་མགོ་ཚུགས་པ་དང་ཟླ་ལྔ་བའི་ཟླ་མཇུག་ཏུ་ས་བབ་མཐོ་ཚད་སྨི5000ལྷག་ཙམ་གྱི་རྩྭ་ཐང་གི་དབྱར་རྩྭ་དགུན་འབུ་གསར་པ་ཁྲོམ་རར་འདོན་རྒྱུ་རེད།
ཉིན་ཤས་གོང་གསར་འགོད་པས་མཚོ་སྔོན་ཞིང་ཆེན་གྱི་གཞི་ཁྱོན་ཆེ་ཤོས་ཀྱི་དབྱར་རྩྭ་དགུན་འབུའི་ཉོ་ཚོང་ཁྲོམ་ར་ཞིག་ལས་ཤེས་རྟོགས་བྱུང་བར་གཞིགས་ན། དེའི་རིང་མཚོ་སྔོན་ནས་ཐོན་པའི་དབྱར་རྩྭ་དགུན་འབུའི་བྲིན་ཁ་རྒྱུག་པ་མ་ཟད། ད་དུང་བོད་ལྗོངས་དང་ཀན་སུའུ་སོགས་ཐོན་ཁུལ་གྱི་དབྱར་རྩྭ་དགུན་འབུ་ཡང་ཡོད་པ་རེད།
བསྡོམས་རྩིས་བྱས་པའི་གཞི་གྲངས་ལྟར་ན། མཚོ་སྔོན་ཞིང་ཆེན་གྱི་དབྱར་རྩྭ་དགུན་འབུའི་ལོའི་ཐོན་ཚད་ཏུན80ནས་ཏུན100བར་ཟིན་པ་དང་། ལོ་རེའི་ཐོན་རྫས་རིན་ཐང་སྒོར་དུང་ཕྱུར180ནས་སྒོར་དུང་ཕྱུར200བར་ཟིན་གྱི་ཡོད་པས་རོང་འབྲོག་པ་ཁྲི་བརྒྱ་ལྷག་ཙམ་ལ་ཕན་པ་ཐོབ་བཞིན་ཡོད།
ཁྲོམ་རའི་ནང་དུ་ཡོད་པའི་ཤ་བོ་ཐར་གྱི་ཚོང་ཁང་གི་སྒོ་འགྲམ་དུ་ལས་མི་བཞི་བོས་དབྱར་རྩྭ་དགུན་འབུའི་ཐོག་གི་འདམ་རྫབ་ལ་བྱང་ཆུབ་པོས་གཙང་སེལ་བྱེད་བཞིན་ཡོད།
ཤ་བོ་ཐར་གྱི་ཚོང་ཁང་ནང་ལྷོ་ཕྱོགས་ཀྱི་སྐད་ཆ་ཤོད་བཞིན་པའི་ཚོང་པ་ཁ་ཤས་བསྡད་འདུག ཤ་བོ་ཐར་གྱིས་ངའི་ཚོང་གྲོགས་གཙོ་བོ་ཀྲེ་ཅང་དང་ཧྥུ་ཅན། ཀོང་ཏུང་སོགས་སུ་ཡོད་ཅིང་། ལོ་འདི་གཉིས་ནང་ཚོང་གི་བྲིན་ཁ་རྒྱུག་པས་ལོ་རེར་ཚོང་ཟོག་རྒྱ་མ་བརྒྱ་ཕྲག་ཁ་ཤས་ཚོང་ཐུབ་ཀྱི་འདུག་ཅེས་བཤད།
ལས་ཀ་འདིའི་ནང་ཞུགས་ནས་ལོ་བཞི་ཕྱིན་པའི་ཀྲང་མིང་གིས་སྲོལ་རྒྱུན་ཚོང་པས་གསོག་འཇོག་གི་ཐབས་ལམ་ལ་བརྟེན་ནས་ཚོང་རྒྱག་བཞིན་པ་དང་ང་ཚོ་ན་གཞོན་ཚོས་དྲ་རྒྱ་དང་བྱང་ཆ་ལྡན་པའི་ཐད་གཏོང་བརྒྱུད་དེ་བྲིན་ཚོང་བྱེད་བཞིན་ཡོད་ཅེས་བཤད། སྐུ་མགྲོན་ཁ་ཤས་ཀྱིས་ཐོན་ཡུལ་དང་ཆེ་ཆུང་། ཚད་གཞི། ཁ་དོག སྤུས་ཚད་སོགས་འདྲི་རྒྱུར་དགའ་བས་དེ་དག་ཚང་མ་ང་རང་ནས་འཕྱུག་མེད་དུ་བཤད་ཀྱི་ཡོད་ཅེས་བཤད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注