སློབ་གསོ་པུའུ་ཡིས་མགྱོགས་མྱུར་ངང་ཚན་རྩལ་འཕེལ་རྒྱས་གཏོང་བ་དང་རྒྱལ་ཁབ་ཀྱི་འཐབ་ཇུས་དགོས་མཁོར་སྣེ་ཁྲིད་བྱེད་པའི་རིག་ཚན་ཆེད་ལས་བཀོད་སྒྲིག་ལེགས་སྒྲིག་ལམ་སྲོལ་འཛུགས་དགོས་པར་བསྟན་པ།
གསར་འགོད་པས་ཚེས9ཉིན་འཚོགས་པའི2025ལོའི་རྒྱལ་ཡོངས་སློབ་གསོའི་ལས་དོན་ཚོགས་འདུའི་སྟེང་ཤེས་གསལ་ལྟར་ན། 2025ལོར་སློབ་གསོ་པུའུ་ཡིས་མཐོ་རིམ་སློབ་གསོའི་བཀོད་སྒྲིག་ཇེ་ལེགས་སུ་གཏོང་བ་དང་། ཚན་རྩལ་འཕེལ་རྒྱས་དང་རྒྱལ་ཁབ་ཀྱི་འཐབ་ཇུས་དགོས་མཁོར་སྣེ་ཁྲིད་བྱེད་པའི་རིག་ཚན་ཆེད་ལས་བཀོད་སྒྲིག་ལེགས་སྒྲིག་ལམ་སྲོལ་མགྱོགས་མྱུར་ངང་འཛུགས་པ་དང་། ཚན་རྩལ་གསར་གཏོད་དང་ཐོན་ལས་གསར་གཏོད་མཉམ་འདྲེས་གཏིང་ཟབ་ཀྱི་ལམ་ལུགས་ལམ་སྲོལ་འཚོལ་ཞིབ་ཧུར་ཐག་བྱས་ཏེ། དེང་རབས་ལས་རིགས་སློབ་གསོའི་མ་ལག་འཛུགས་པར་ཤུགས་བསྣན་ནས་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་གཏོང་བར་རོགས་རམ་བྱས།
སློབ་གསོ་པུའུ་ཡིས་ལོ་འཁོར་གྱི་གཙོ་གནད་ལས་འགན7བཀོད་སྒྲིག་བྱས་པ་སྟེ། དེའི་ནང་སློབ་གསོའི་མ་ལག་གི་ཏང་འཛུགས་སྐྱོང་བྱེད་ཤུགས་ཆེ་རུ་གཏོང་བ་དང་། ཏང་གི་གསར་གཏོད་རིགས་པའི་གཞུང་ལུགས་ཀྱི“མདུན་སྐྱོད་གསུམ”གཏིང་ཟབ་ཏུ་བཏང་ནས་ཀུན་སྤྱོད་འཛུགས་སྐྱོང་གི་གཞི་རྩའི་ལས་འགན་དོན་འཁྱོལ་ཞིབ་ཕྲ་བྱེད་པ། རྒྱལ་ཁབ་ཀྱི་འཐབ་ཇུས་གལ་ཆེན་གྱི་དགོས་མཁོ་གཏན་འཁེལ་བྱས་ནས་སློབ་གསོའི་ཚན་རྩལ་ཤེས་ལྡན་མི་སྣའི་འཁོར་སྐྱོད་བཟང་པོ་ཡོང་བར་སྐུལ་འདེད་གཏིང་ཟབ་གཏོང་བ། མི་དམངས་ལྟེ་བར་བཟུང་ནས་སློབ་གསོ་འཕེལ་རྒྱས་གཏོང་རྒྱུ་རྒྱུན་འཁྱོངས་བྱས་ནས་སློབ་གསོའི་སྤྱི་པའི་ཞབས་ཞུའི་སྤུས་ཚད་དང་ཆུ་ཚད་རྒྱུན་མཐུད་ངང་མཐོ་རུ་གཏོང་བ། སློབ་གསོ་མཁས་པའི་སྙིང་སྟོབས་ཀྱིས་བླ་སྲོག་བསྐྲུན་པ་དང་དགེ་རྒན་དཔུང་ཁག་སྟོབས་ཆེར་གཏོང་བའི་བྱ་སྤྱོད་ལག་བསྟར་བྱེད་མགོ་ཚུགས་ནས་དུས་རབས་གསར་པའི་ཆུ་ཚད་མཐོ་བའི་དགེ་རྒན་དཔུང་ཁག་འཛུགས་སྐྱོང་བྱེད་པར་སྣེ་ཁྲིད་བྱེད་པ། སློབ་གསོའི་རྒྱལ་སྤྱིའི་འཐབ་ཇུས་མཉམ་ལས་མ་ལག་འཐུས་ཚང་དུ་གཏོང་བ། རྒྱལ་ཁབ་ཀྱི་སློབ་གསོ་གྲངས་གཞི་ཅན་དུ་འགྱུར་བའི་འཐབ་ཇུས་ལ་མུ་མཐུད་སྐུལ་འདེད་བཏང་ནས་སློབ་གསོ་དང་སློབ་ཁྲིད་ལ་གཏིང་ཟབ་པའི་འཕོ་འགྱུར་ཡོང་བར་རོགས་རམ་བྱེད་པ། བདེ་འཇགས་ཀྱི་ལྟ་བ་ཆེན་པོ་ལག་ལེན་གཏིང་ཟབ་བྱས་ནས་སློབ་གསོའི་མ་ལག་གི་བདེ་འཇགས་དང་བརྟན་ལྷིང་གི་རྣམ་པ་མུ་མཐུད་དུ་སྲ་བརྟན་དུ་གཏོང་བ་བཅས་ཚུད་ཡོད།
རྒྱུས་ལོན་ལྟར་ན། སློབ་གསོ་པུའུ་ཡིས་མི་འབོར་གྱི་འགྱུར་ལྡོག་དང་འཚམ་པའི་རྨང་གཞིའི་སློབ་གསོའི་ཐོན་ཁུངས་གཅིག་གྱུར་འཆར་འགོད་བཀོད་སྒྲིག་བྱེད་པའི་ལམ་སྲོལ་འཐུས་ཚང་དུ་བཏང་ནས། རྫོང་སློབ་འབྲིང་དར་རྒྱས་གཏོང་རྒྱུ་དེ་རྨང་གཞིའི་སློབ་གསོ་རྒྱ་བསྐྱེད་དང་སྤུས་འདེགས་གཏིང་ཟབ་གཏོང་བའི་འགག་རྩའི་ལྟེ་གནས་སུ་བརྩིས་ནས། འབྲིང་རིམ་རྒྱུགས་ལེན་བཅོས་སྒྱུར་གོ་རིམ་ལྡན་པའི་སྒོ་ནས་འཚོལ་ཞིབ་བྱས་ནས། སློབ་གྲྭའི་ནང་གི་སློབ་གསོའི་སྤུས་ཚད་དང་སློབ་གྲྭའི་ཕྱི་རོལ་གྱི་བཅོས་སྐྱོང་ཆུ་ཚད་གཅིག་གྱུར་འཆར་འགོད་ཀྱིས་མཐོ་རུ་བཏང་སྟེ། དམིགས་བསལ་ཚོགས་སྤྱིར་འགན་ལེན་ཡག་པོ་བྱ་རྒྱུ་རེད། དགེ་རྒན་གྱི་ཀུན་སྤྱོད་དང་དགེ་རྒན་གྱི་སྤྱོད་ཚུལ་འཛུགས་སྐྱོང་བྱེད་ཤུགས་ཆེ་རུ་གཏོང་བ་དང་། དགེ་རྒན་སློབ་གསོའི་གསོ་སྐྱོང་དང་གསོ་སྦྱོང་མ་ལག་འཐུས་ཚང་དུ་བཏང་ནས། དགེ་རྒན་གྱི་ཐོན་ཁུངས་བཀོད་སྒྲིག་སྔོན་ལ་འཆར་འགོད་བྱེད་དགོས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注