ཞི་ཅིན་ཕིང་གིས་ཨ་ཟེར་བྷེ་ཇན་གྱི་གནམ་གྲུར་ཆག་སྒོ་བྱུང་བའི་ཐད་འབྲེལ་ཡོད་རྒྱལ་ཁབ་ཀྱི་མགོ་ཁྲིད་པར་འཚམས་འདྲིའི་གློག་འཕྲིན་སྤྲིངས་པ།

ཟླ12པའི་ཚེས26ཉིན་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཨ་ཟེར་བྷེ་ཇན་གྱི་གནམ་གྲུར་ཆག་སྒོ་བྱུང་ནས་མི་སྣ་ཤི་རྨས་བྱུང་བར་ཨ་ཟེར་བྷེ་ཇན་གྱི་ཙུང་ཐུང་ཨ་ལི་ཡེ་ཧྥུའུ་དང་། ཨུ་རུ་སུའི་ཙུང་ཐུང་ཕུའུ་ཅིང་། ཧ་སག་སི་ཐན་གྱི་ཙུང་ཐུང་ཐོ་ཁ་ཡེ་ཧྥུའུ་བཅས་ལ་འཚམས་འདྲིའི་གློག་འཕྲིན་སྤྲིངས་པ་རེད།

ཞི་ཅིན་ཕིང་གིས་བསྟན་དོན། ཨ་ཟེར་བྷེ་ཇན་མཁའ་འགྲུལ་ཀུང་སིའི་འགྲུལ་སྐྱེལ་གནམ་གྲུ་ཞིག་ལ་དོན་རྐྱེན་བྱུང་ནས་མི་སྣ་ཤི་རྨས་བྱུང་བར་དངོས་གནས་ཧང་སངས་པ་ཞིག་རེད། ངས་ཀྲུང་གོ་སྲིད་གཞུང་དང་ཀྲུང་གོའི་མི་དམངས་ཀྱི་ཚབ་ཞུས་ནས་རྐྱེན་ལམ་དུ་ཤོར་བའི་མི་སྣར་མྱ་ངན་ཟབ་མོ་ཞུ་རྒྱུ་དང་། རྐྱེན་ལམ་དུ་ཤོར་བའི་ཁྱིམ་མི་རྣམས་ལ་ལྷག་བསམ་ཟོལ་མེད་ཀྱི་འཚམས་འདྲི་ཞུ་རྒྱུ་མ་ཟད་རྨས་སྐྱོན་སྔ་མོ་ནས་བདེ་ཐང་ཡོང་བའི་སྨོན་འདུན་ཞུ་རྒྱུ་ཡིན། །