ཝང་ཧུའུ་ཉིན་གྱིས་ཨུ་རུ་སུའི་གཅིག་གྱུར་གྱི་ཨུ་རུ་སུའི་ཏང་གི་ཀྲུའུ་ཞི་མེ་ཏི་ཝེ་ཅེ་ཧྥུའུ་ལ་མཇལ་འཕྲད་གནང་།

ཟླ12པའི་ཚེས12ཉིན།  ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་ཧུའུ་ཉིན་གྱིས་པེ་ཅིང་དུ་ཨུ་རུ་སུའི་གཅིག་གྱུར་གྱི་ཨུ་རུ་སུའི་ཏང་གི་ཀྲུའུ་ཞི་མེ་ཏེ་ཝེ་ཅེ་ཧྥུའུ་ལ་མཇལ་འཕྲད་གནང་།

ཟླ12པའི་ཚེས12ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་ཧུའུ་ཉིན་གྱིས་པེ་ཅིང་དུ་ཨུ་རུ་སུའི་གཅིག་གྱུར་གྱི་ཨུ་རུ་སུའི་ཏང་གི་ཀྲུའུ་ཞི་མེ་ཏེ་ཝེ་ཅེ་ཧྥུའུ་ལ་མཇལ་འཕྲད་གནང་།

ཝང་ཧུའུ་ཉིན་གྱིས་བསྟན་དོན། ད་ལོ་ནི་ཀྲུང་གོ་དང་ཨུ་རུ་སུའི་བར་འབྲེལ་བ་བཙུགས་ནས་ལོ75འཁོར་བའི་ལོ་ཡིན་པ་དང་། ཀྲུའུ་ཞི་ཞི་ཅིན་ཕིང་དང་ཙུང་ཐུང་ཕུའུ་ཅིན་རྣམ་གཉིས་ཀྱིས་མཇལ་འཛོམས་ཐེངས་གསུམ་གནང་བ་དེས། རྒྱལ་ཁབ་གཉིས་ཀྱི་ཁྱབ་ཁོངས་སོ་སོའི་མཉམ་ལས་ལ་རྩེ་རིམ་ཇུས་འགོད་དང་འཆར་འགོད་བཀོད་སྒྲིག་གནང་ཡོད། ཀྲུང་གོ་གུང་ཁྲན་ཏང་གིས་གཅིག་གྱུར་ཨུ་རུ་སུའི་ཏང་དང་མཉམ་དུ་རྒྱལ་ཁབ་གཉིས་ཀྱི་གཙོ་འཛིན་བར་གྱི་ཐུན་མོང་ངོས་འཛིན་་དོན་འཁྱོལ་དང་། བབ་བསྟུན་ལམ་ལུགས་ཅན་གྱི་འགྲོ་འོང་དང་འཐབ་ཇུས་བརྗེ་རེས་ལ་ཤུགས་བསྣན་ནས།  ཀྲུང་གོ་དང་ཨུ་རུ་སུའི་བར་གྱི་དུས་རབས་གསར་པའི་ཕྱོགས་ཡོངས་ཀྱི་འཐབ་ཇུས་མཉམ་ལས་གྲོགས་པོའི་འབྲེལ་བ་རྒྱུན་ཆད་མེད་པར་འཕེལ་རྒྱས་འགྲོ་བར་སྐུལ་འདེད་གཏོང་འདོད་ཡོད། ཀྲུང་གོའི་རྒྱལ་ཡོངས་སྲིད་གྲོས་ཀྱིས་དེའི་ཐད་ལ་བྱས་རྗེས་ཆེན་པོ་འཇོག་འདོད་ཡོད།

མེ་ཏེ་ཝེ་ཅེ་ཧྥུའུ་ཡིས་བསྟན་དོན། མིག་སྔར་ཨུ་རུ་སུ་དང་ཀྲུང་གོའི་བར་གྱི་འབྲེལ་བར་འཕེལ་ཕྱོགས་ཡག་པོ་སྲུང་འཛིན་བྱས་ཡོད་པ་དང་། གཅིག་གྱུར་ཨུ་རུ་སུའི་ཏང་དང་ཀྲུང་གུང་བར་གྲོས་མོལ་དང་མཉམ་ལས་བྱས་པ་དེས་ཕྱོགས་གཉིས་ཀྱི་འཐབ་ཇུས་མཉམ་ལས་དང་ཐུན་མོང་གི་ཁེ་ཕན་ལ་སྐུལ་འདེད་ནུས་ལྡན་བཏང་ཡོད།  ཨུ་རུ་སུ་ཕྱོགས་ཀྱིས་རྒྱལ་ཁབ་གཉིས་ཀྱི་སྲིད་སྐྱོང་ཏང་བར་གྲོས་མོལ་བྱེད་པའི་ལམ་སྲོལ་སོགས་ཀྱི་ཐབས་ལམ་བརྒྱུད་དེ། ཁྱབ་ཁོངས་སོ་སོའི་མཉམ་ལས་ལ་སྐུལ་འདེད་གཏོང་བ་དང་། ཕྱི་ཕྱོགས་ཀྱི་འགྲན་སློང་ལ་ཁ་གཏད་འཇལ་འདོད་ཡོད།

ཧྲི་ཐའེ་ཧྥུན་དང་ཝང་ཏུང་ཧྥུན་སོགས་མཇལ་འཕྲད་ལ་ཞུགས།