ཞི་ཅིན་ཕིང་གིས་མོ་རི་ཐིའུ་སིའི་གསར་དུ་བསྐོས་པའི་ཙུང་ཐུང་ཀི་ཁུའུ་ཨར་ལ་གློག་འཕྲིན་བཏང་ནས་རྟེན་འབྲེལ་ཞུས།

ཟླ12པའི་ཚེས10ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཀི་ཁུའུ་ཨར་ལ་གློག་འཕྲིན་བཏང་ནས། ཁོས་མོ་རི་ཐིའུ་སི་སྤྱི་མཐུན་རྒྱལ་ཁབ་ཀྱི་ཙུང་ཐུང་གི་འགན་བཞེས་པར་རྟེན་འབྲེལ་ཞུས།

ཞི་ཅིན་ཕིང་གིས་མོ་རི་ཐིའུ་སི་ནི་ཨ་ཧྥེ་རི་ཁར་ཡོད་པའི་ཀྲུང་གོའི་ཟླ་གྲོགས་གལ་ཆེན་ཞིག་ཡིན། ཕྱོགས་གཉིས་ཀའི་ཐུན་མོང་གི་འབད་བརྩོན་འོག་ཏུ། རྒྱལ་ཁབ་གཉིས་ཀའི་འབྲེལ་བ་དེ་འཐབ་ཇུས་རོགས་རེས་འབྲེལ་བར་གྱུར་ཡོད། གནས་བབ་གསར་པའི་འོག་ཏུ། རྒྱལ་ཁབ་གཉིས་ཀས་རྒྱལ་ཁབ་དར་རྒྱས་ཡོང་བར་བྱེད་པའི་ལོ་རྒྱུས་ཀྱི་འགན་འཁྲི་ཕྲག་སྟེང་དུ་ལེན་རྒྱུ་དང་། རྒྱལ་སྤྱིའི་དྲང་གཞག་དྲང་བདེན་ལ་སྲུང་སྐྱོབ་བྱེད་པའི་ཐད་འགན་འཁྲི་གཅིག་མཚུངས་ལྡན་ལ། ཕྱོགས་གཉིས་ཀའི་མཉམ་ལས་ལ་སྦས་ཤུགས་ཆེན་པོ་ལྡན་པར་མ་ཟད། མ་འོངས་པར་རེ་ལྟོས་བྱེད་རིན་ཡོད། ངས་རྒྱལ་ཁབ་གཉིས་ཀའི་འབྲེལ་བ་འཕེལ་རྒྱས་འགྲོ་རྒྱུར་མཐོང་ཆེན་གང་ལེགས་བྱེད་ཀྱིན་ཡོད། སྐུ་ཞབས་ཙུང་ཐུང་དང་མཉམ་དུ་འབད་བརྩོན་བྱས་ཏེ། ཀྲུང་གོ་དང་ཨ་ཧྥེ་རི་ཁའི་མཉམ་ལས་གླེང་སྟེགས་ཀྱི་པེ་ཅིང་རྩེ་ཚོགས་ཀྱི་གྲུབ་འབྲས་དོན་འཁྱོལ་བྱ་རྒྱུ་གཞི་འཛིན་ས་གལ་ཆེན་དུ་བརྩིས་ནས། ཕྱོགས་གཉིས་ཀའི་ཆབ་སྲིད་ཐད་ཕན་ཚུན་ཡིད་ཆེས་བྱེད་ཤུགས་ཆེ་རུ་གཏོང་བ་དང་ཁྱབ་ཁོངས་སོ་སོའི་དངོས་གཉེར་མཉམ་ལས་རྒྱ་ཆེར་བཏང་སྟེ། རྒྱལ་ཁབ་གཉིས་ཀའི་འབྲེལ་བ་འཕེལ་རྒྱས་སྔར་ལས་ཆེན་པོ་ཡོང་བར་སྐུལ་འདེད་གཏོང་འདོད་ཡོད་ཅེས་གསུངས།