རྒྱལ་ཁབ་འདིར་ནད་ཡམས་འདིའི་ཁྲོད་ཉུང་མཐར་ཡང་མི97ཤི་བ་རེད།

ཡོང་ཁུངས། མི་དམངས་དྲ་བ། རྩོམ་སྒྲིག་པ། གུ་རུ་སྐྱབས། 2024-12-08 16:43:54 ཀློག་གྲངས།1585

ཀང་ཀོ(ཅིན)འཕྲོད་བསྟེན་པུའུ་ཡིས་ཟླ12པའི་ཚེས4ཉིན་གྱི་ཐོ་རེངས་སུ་གསལ་བསྒྲགས་སྤེལ་ནས། རྒྱལ་ཁབ་དེའི་ལྷོ་ནུབ་རྒྱུད་ཀྱི་ཁོན་གོ་ཞིང་ཆེན་ལ་རྒྱུ་རྐྱེན་མི་ཤེས་པའི་ནད་གཞི་ཐོན་ནས། ཟླ10པའི་ཚེས4ཉིན་ནས་བཟུང་རིམ་རྩིས་བྱས་ན་མི376ལ་ནད་འགོས་པ་དང་ཉུང་མཐར་ཡང་མི79ཤི་བའི་སྙན་སེང་ཞུས་པ་རེད།

གསལ་བསྒྲགས་ནང་འཁོད་དོན། མིག་སྔར་རྒྱུ་རྐྱེན་གསལ་པོ་མེད་པའི་ནད་གཞི་དེ་རིགས་ཉེ་དུས་ཁོན་གོ་ཞིང་ཆེན་གྱི་ཕན་ཅི་ས་ཁུལ་དུ་ཐོན་པ་དང་། ནད་པའི་ནད་རྟགས་ནང་མགོ་ན་བ་དང་ཚ་བ་རྒྱས་པ། དབུགས་འབྱིན་རྔུབ་དཀའ་བ། ཟུངས་ཁྲག་ཉམས་པ་སོགས་ཚུད་ཡོད་པ་དང་། འདས་པོ་མང་ཆེ་བ་ནི་ལོ15ཡན་གྱི་གཞོན་ནུ་ལོ་ཆུང་རེད།

ཀང་ཀོ(ཅིན)འཕྲོད་བསྟེན་པུའུ་ཡིས་བཤད་རྒྱུར། དམིགས་བསལ་དང་ལེན་ཚོ་ཆུང་མངགས་ནས་ཁོན་གོ་ཞིང་ཆེན་དུ་ནད་རིགས་ཀྱི་འབྱུང་ཁུངས་ལ་བརྟག་དཔྱད་བྱེད་དུ་བཅུག་པ་མ་ཟད། ས་གནས་དེ་གའི་མང་ཚོགས་གཞི་ཁྱོན་ཆེ་བའི་འདུ་འཛོམས་ལས་གཡོལ་དགོས་པའི་འབོད་སྐུལ་བཏང་ཡོད།