ཟླ11པའི་ཚེས28ཉིན། མཚོ་སྔོན་ཞིང་ཆེན་སྲིད་གྲོས་ཀྱིས་ཟླ་གཉིས་ཀྱི་གྲོས་མོལ་བཞུགས་མོལ་ཚོགས་འདུ་བསྡུས་ནས། མི་རིགས་སོ་སོའི་སྲོལ་རྒྱུན་སྐྱེ་ཁམས་འདུ་ཤེས་སྔོག་འདོན་དང་དར་སྤེལ་བཏང་སྟེ། སྲུང་སྐྱོབ་གཙོར་བྱེད་པའི་སྐྱེ་ཁམས་འདུ་ཤེས་ཇེ་དྲག་ཏུ་གཏོང་བར་དམིགས་ནས་གྲོས་མོལ་སྲིད་གླེང་བྱས། ཞིང་ཆེན་སྲིད་གྲོས་ཀྱི་ཀྲུའུ་ཞི་མགོན་པོ་བཀྲ་ཤིས་ཚོགས་འདུར་ཞུགས་པར་མ་ཟད་གཏམ་བཤད། ཞིང་ཆེན་ཏང་ཨུའི་རྒྱུན་ལས་ཨུ་ཡོན། ཧྲིན་ཀྲང་གཞོན་པ་ཚེ་རིང་ཐར་ཚོགས་འདུར་ཞུགས་ནས་བསམ་འཆར་ལ་ཉན་པར་མ་ཟད་གཏམ་བཤད། ཞིང་ཆེན་སྲིད་གྲོས་ཀྱི་འགོ་ཁྲིད་ཝང་ཀྲིན་ཁྲང་དང་ཀྲང་ཞའོ་རུང་། ལིའུ་ཏ་ཡེ། མཱ་ཡུའེ་ཞང་། ཕིན་ཡིའུ་ཏུང་བཅས་ཚོགས་འདུར་ཞུགས།
ཚོགས་ཐོག་ཏུ། ལིའུ་ཏ་ཡེ་ཡིས་སྔོན་དུས་ཀྱི་རྟོག་ཞིབ་སྙན་ཞུ་ཕུལ། ལིས་ཀྲི་ཆང་དང་གཡུ་སྒྲོན་མཚོ། ཁྲིན་ཝེ། ཧུའུ་ཧྥང་། དབྱང་ཞའོ་ཡན། མཱ་ཡུང་ཀུའེ། ཧྲའོ་ཁྲུན་ཕིན། ཞན་ཀྲུའུ་བཅས་བློ་མཐུན་བརྒྱད་ཀྱིས་ཟུར་ངོས་མི་འདྲ་ས་དང་རིམ་པ་མི་འདྲ་བ་ནས་བརྗེ་རེས་གཏམ་བཤད། ཚང་མས་བསྟན་དོན། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་སྐྱེ་ཁམས་ཁོར་ཡུག་སྲུང་སྐྱོབ་ཀྱི་ཆབ་སྲིད་འགན་འཁྲི་མཐའ་གཅིག་ཏུ་ཕྲག་ཏུ་ཁུར་བ་དང་། ཆེས་ཆེ་བ་གསུམ་གྱི་ཞིང་ཆེན་གྱི་གནས་ཐིག་གཏན་ཁེལ་ཐད་ཀྱི་ངོས་ཟིན་ཇེ་ཟབ་ཏུ་བཏང་ལ། འབྲེལ་ཡོད་ས་ཁུལ་དང་སྡེ་ཁག་གིས་མི་རིགས་སོ་སོས་རང་བྱུང་ལ་བརྩི་མཐོང་བྱེད་པ་དང་རང་བྱུང་དང་མཐུན་པར་བྱེད་པ། རང་བྱུང་སྲུང་སྐྱོབ་བྱེད་པའི་སྐྱེ་ཁམས་རིག་གནས་དང་སྲོལ་རྒྱུན་སྐྱེ་ཁམས་འདུ་ཤེས་སྔོག་འདོན་དང་དར་སྤེལ་བཏང་ནས། གྲུབ་འབྲས་ངེས་ཅན་བླངས། མིག་རྒྱ་སྔར་ལས་ཆེན་པོ་དང་རིམ་པ་སྔར་ལས་ཟབ་མོས་མི་རིགས་སོ་སོའི་སྲོལ་རྒྱུན་སྐྱེ་ཁམས་འདུ་ཤེས་སྔོག་འདོན་དང་ལེགས་སྒྲིག་བྱེད་དགོས་པ་དང་། མི་རིགས་སོ་སོའི་ཕུལ་བྱུང་སྲོལ་རྒྱུན་གྱི་རིག་སྟོབས་བསྡུ་ལེན་བྱེད་པ་དང་དེར་དཔེ་ལྟ་བྱས་ནས། མི་རིགས་སོ་སོའི་ཕུལ་བྱུང་སྲོལ་རྒྱུན་འདུ་ཤེས་ཀྱི་ཉིང་བཅུད་དང་དེང་རབས་ཅན་གྱི་སྐྱེ་ཁམས་དཔལ་ཡོན་གཉིས་མཉམ་བསྲེས་བྱེད་རྒྱུའི་བསམ་འཆར་བཏོན་པ་དང་། མི་དང་རང་བྱུང་ཁམས་འཆམ་མཐུན་མཉམ་གནས་བྱེད་པའི་དེང་རབས་ཅན་འཛུགས་སྐྲུན་བྱེད་པ་དམིགས་འབེན་དུ་བྱས་ཏེ། མཚོ་སྔོན་གྱི་ཁྱད་ཆོས་ལྡན་པའི་སྐྱེ་ཁམས་རིག་གནས་གསར་སྐྲུན་བྱེད་རྒྱུའི་བསམ་འཆར་བཏོན། ཞིང་ཆེན་རང་བྱུང་ཐོན་ཁུངས་ཐིན་དང་ཞིང་ཆེན་སྐྱེ་ཁམས་ཁོར་ཡུག་ཐིན། ཞིང་ཆེན་ཞིང་ལས་ཞིང་སྡེ་ཐིན། ཞིང་ཆེན་རིག་གནས་དང་གནས་སྐོར་ཐིན་བཅས་ཀྱི་འགན་ཁུར་མི་སྣས་ལན་འདེབས་གཏམ་བཤད་སྤེལ།
ཚེ་རིང་ཐར་གྱིས་བསྟན་དོན། ཐེངས་འདིའི་ཟླ་གཉིས་ཀྱི་གྲོས་མོལ་གྱི་བརྗོད་དོན་མངོན་གསལ་ཡིན་ཞིང་བདམས་བྱ་ཡང་དག་པ་དང་། དེ་ཀྲུང་དབྱང་དང་ཞིང་ཆེན་ཏང་ཨུའི་རེ་བ་དང་མཐུན་པར་མ་ཟད། རང་ཞིང་གི་མི་དམངས་ཀྱི་འདོད་བློ་དང་མཐུན་ལ། འབྲེལ་ཡོད་སྡེ་ཁག་གིས་ཚང་མའི་གྲོས་གཞི་དང་ཡང་དག་གནད་འཕིགས་ཀྱི་ལྟ་ཚུལ་བསྡུ་ལེན་དང་དང་ལེན། བེད་སྤྱོད་བཟང་བོ་བྱེད་པ་དང་། ཞི་ཅིན་ཕིང་གི་སྐྱེ་ཁམས་དཔལ་ཡོན་དགོངས་པ་ལག་བསྟར་བྱེད་པ་དང་ཟུང་འབྲེལ་གཉིས་དོན་འཁྱོལ་བྱེད་པའི་བྱེད་ཐབས་དངོས་སུ་བསྒྱུར་ནས། སྐྱེ་ཁམས་ཁོར་ཡུག་ནི་རྒྱལ་དོན་གལ་ཆེན་ཡིན་པའི་ཆབ་སྲིད་འགན་འཁྲི་ལག་བསྟར་བྱེད་པ་དང་སྲུང་སྐྱོབ་བྱེད་དགོས།
མགོན་པོ་བཀྲ་ཤིས་ཀྱིས་བསྟན་དོན། སྲིད་གྲོས་ཨུ་ཡོན་དང་འབྲེལ་ཡོད་ཆེད་མཁས་པས་གྲོས་མོལ་བརྗོད་དོན་ལ་དམིགས་ནས་འཛུགས་སྐྲུན་རང་བཞིན་གྱི་བསམ་ཕྱོགས་དང་གྲོས་གཞི་མང་པོ་བཏོན་ནས། ཐུན་མོང་གི་ལྟ་བ་གྲུབ་པ་དང་། ཕྱོགས་སོ་སོའི་སྟོབས་ཤུགས་གཅིག་ཏུ་བསྡུས། ཞི་ཅིན་ཕིང་གི་སྐྱེ་ཁམས་དཔལ་ཡོན་དགོངས་པའི་ཁྲོད་འདུ་བའི་གཞི་རྩའི་ལྟ་བ་དང་སྲོག་ཤིང་འདུ་ཤེས་སློབ་སྦྱོང་དང་རྒྱུས་ལོན་ནན་མོ་བྱེད་པ་དང་། མི་རིགས་སོ་སོའི་ཕུལ་དུ་བྱུང་བའི་སྲོལ་རྒྱུན་སྐྱེ་ཁམས་རིག་གནས་ཀྱི་རྒྱུན་འཛིན་དང་འཕེལ་རྒྱས་ལ་ཧ་ཅང་མཐོང་ཆེན་བྱེད་པ། སྤྱི་ཚོགས་ཡོངས་ཀྱི་སྐྱེ་ཁམས་དཔལ་ཡོན་འདུ་ཤེས་མཐོར་འདེགས་གཏོང་བ། མི་དམངས་མང་ཚོགས་སྐྱེ་ཁམས་འདུ་ཤེས་ཀྱི་ཉིན་རྒྱུན་གྱི་འཚོ་བའི་ཁྲོད་འདྲེས་པར་སྣེ་ཁྲིད་བྱེད་པ། ལྗང་མདོག་ཐོན་སྐྱེད་འཚོ་བའི་རྣམ་པ་དང་སྐྱེ་ཁམས་དཔལ་ཡོན་དད་གུས་བྱེད་པའི་སྤྱི་ཚོགས་སྣང་ཚུལ་གྲུབ་པར་བྱེད་པ། ཏང་ཨུ་དང་སྲིད་གཞུང་གིས་སྤྱི་ཚོགས་ཀྱི་རེ་སྒུག་དང་མང་ཚོགས་ཀྱི་རིག་སྟོབས། ཆེད་མཁས་པའི་གྲོས་གཞི། གཞི་རིམ་གྱི་ཉམས་མྱོང་བཅས་སྐྱེ་ཁམས་དཔལ་ཡོན་འཛུགས་སྐྲུན་གྱི་ལག་ལེན་ཁྲོད་ལག་བསྟར་བྱས་ནས། རྒྱལ་ཁབ་ཀྱི་སྐྱེ་ཁམས་དཔལ་ཡོན་གྱི་མཐོ་ས་འཛུགས་སྐྲུན་བྱེད་པའི་ཐད་སྟོབས་ཤུགས་འབུལ་དགོས་ཟེར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注