མཚོ་སྔོན་གྱིས་བྱང་ཚད་མཐོ་བའི་རོང་འབྲོག་པའི་ཞིང་ཆེན་རིམ་པའི་རིམ་སྤར་གསོ་སྦྱོང་འཛིན་གྲྭ་བསྡུས།

མཚོ་སྔོན་གྱིས་བྱང་ཚད་མཐོ་བའི་རོང་འབྲོག་པའི་ཞིང་ཆེན་རིམ་པའི་རིམ་སྤར་གསོ་སྦྱོང་འཛིན་གྲྭ་བསྡུས།

ཟླ9པའི་ཚེས30ཉིན། མཚོ་སྔོན་ཞིང་ཆེན་ཞིང་ལས་ཞིང་སྡེ་ཐིན་གྱིས་གཙོ་སྒྲུབ་བྱས་པ་དང་། མཚོ་སྔོན་རོང་འབྲོག་ཚན་རྩལ་ལས་རིགས་སློབ་གླིང་གིས་འགན་སྒྲུབ་བྱས་པའི2024ལོའི་ལོ་འཁོར་གྱི་མཚོ་སྔོན་ཞིང་ཆེན་གྱི་བྱང་ཚད་མཐོ་བའི་རོང་འབྲོག་པའི་ཞིང་ཆེན་རིམ་པའི་རིམ་སྤར་གསོ་སྦྱོང་འཛིན་གྲྭ་དངོས་སུ་མཇུག་བསྒྲིལ་ཞིང་།    ཟི་ལིང་གྲོང་ཁྱེར་དང་།    མཚོ་ཤར་གྲོང་ཁྱེར།    མཚོ་བྱང་བོད་རིགས་རང་སྐྱོང་ཁུལ།    མཚོ་ལྷོ་བོད་རིགས་རང་སྐྱོང་ཁུལ།    རྨ་ལྷོ་བོད་རིགས་རང་སྐྱོང་ཁུལ་བཅས་ཀྱི་ཆུའུ་དང་རྫོང17གྱི་ཁྱིམ་ཚང་གི་ཞིང་ཕྱུགས་རའི་བདག་པོ་དང་།    རོང་འབྲོག་པའི་ཆེད་ལས་མཉམ་ལས་ཁང་།    སྤྱི་ཚོགས་ཅན་གྱི་ཞབས་ཞུའི་རྩ་འཛུགས།   ཞིང་སྡེའི་ཐུན་མོང་དཔལ་འབྱོར་རྩ་འཛུགས་སོགས་ཀྱི་སྣེ་ཁྲིད་པ་གཙོ་བོའི་མི་སྣ100ཡི་གསོ་སྦྱོང་ཡོངས་འགྲུབ་བྱས།

ཐེངས་འདིའི་གསོ་སྦྱོང་ལས་རོང་འབྲོག་པའི་རྣམ་པ་གསར་པའི་ཞིང་ལས་ཚོང་གཉེར་གཙོ་བོའི་ཐོན་ལས་འཕེལ་རྒྱས་ཀྱི་ནུས་པ་ཤུགས་ཆེན་པོས་ཆེ་རུ་གཏོང་བ་དང་།    དེའི་འཕེལ་རྒྱས་ཀྱི་མཐོང་རྒྱ་དང་བསམ་ཕྱོགས་ཆེ་རུ་གཏོང་བ།    ཐོན་ལས་འཕེལ་རྒྱས་ཀྱི་ཐབས་ལམ་ཇེ་ལེགས་སུ་གཏོང་བ།    གྲོང་གསེབ་ཕྱོགས་ཡོངས་ནས་དར་སྤེལ་གཏོང་བར་སྐུལ་འདེད་གཏོང་བའི་རིག་ནུས་ཀྱི་རྒྱབ་སྐྱོར་དང་འཇོན་མིའི་འདེགས་སྐྱོར་ལ་ཤུགས་སྣོན་པ་བཅས་དམིགས་ཡུལ་དུ་བྱས་ཡོད།    གསོ་སྦྱོང་ཟླ9པའི་ཚེས19ཉིན་ནས་བཟུང་འགོ་བརྩམས་པ་དང་། དུས་ཡུན་ཉིན12ཀྱི་སློབ་སྦྱོང་གསོ་སྦྱོང་ཁྲོད། སློབ་མ་རྣམས་ཀྱིས“ལྗང་མདོག་འདེབས་འཛུགས་ལག་རྩལ་དང་དེ་མིན་སྐྱེ་དངོས་ཀྱི་ནད་འབུའི་གནོད་འཚེ་འགོག་བཅོས”དང་།“‘ཁྲི་སྟོང་བཟོ་སྐྲུན’གྱི་ཉམས་མྱོང་སློབ་སྦྱོང་དང་བེད་སྤྱོད་བྱས་ཏེ་གྲོང་གསེབ་ཕྱོགས་ཡོངས་ནས་དར་སྤེལ་གཏོང་རྒྱུར་སྐུལ་འདེད་ནུས་ལྡན་གཏོང་བ།”“ཞིང་ལས་གནོད་འགོག་གནོད་སེལ་གྱི་ཤེས་བྱ”སོགས་ཀྱི་ནང་དོན་ལ་དམིགས་ནས། གཞུང་ལུགས་དང་ལག་ལེན་ཟུང་དུ་འབྲེལ་བའི་རྣམ་པའི་ཐོག་ནས་སློབ་ཁྲིད་དང་།    ཉམས་མྱོང་བརྗེ་རེས།   ཡུལ་དངོས་སུ་སོང་ནས་ལྟ་སྦྱོང་བྱེད་པ།    བརྗེ་རེས་བགྲོ་གླེང་སོགས་ཀྱི་བྱེད་ཐབས་སྤྱད་དེ་སློབ་སྦྱོང་དང་གསོ་སྦྱོང་བྱས།

གསོ་སྦྱོང་སྐབས་སུ། སློབ་མ་ཚོ་མཚོ་སྔོན་ཁའེ་རུའེ་ཞིང་ལས་ཚན་རྩལ་ཚད་ཡོད་ཀུང་སི་དང་།    མཚོ་ཤར་གྲོང་ཁྱེར་ལའོ་ཏུའུ་ཆུའུ་ཞིང་ལས་དཔེ་སྟོན་ས་ཁུལ།    མཚོ་སྔོན་ཞིང་ཆེན་ཞིང་ནགས་ཚན་རིག་གླིང་སོགས་སུ་བསྐྱོད་དེ་རང་ཞིང་གི་ཞིང་ལས་འཕེལ་རྒྱས་དང་།    གྲོང་གསེབ་དར་སྤེལ།    སྤྱི་ཚོགས་བཅོས་སྐྱོང་།    མི་རིགས་མཐུན་སྒྲིལ།    ཐོན་ལས་འཕེལ་རྒྱས་སོགས་ཐད་ཀྱི་གྲུབ་འབྲས་གལ་ཆེན་དང་ཉམས་མྱོང་དང་ཕུལ་བྱུང་གི་བྱེད་ཐབས་ལ་ཕྱོགས་ཡོངས་ནས་སློབ་སྦྱོང་དང་ཤེས་རྟོགས་བྱས་ཏེ། བསམ་ཕྱོགས་སྔར་ལས་རྒྱ་བསྐྱེད་པ་དང་བྱ་བའི་ནུས་པ་དང་སྤུས་ཚད་མཐོ་རུ་བཏང་།