ཀོང་ཏུང་ཞིང་ཆེན་དབྱིན་ཏེ་གྲོང་ཁྱེར་སྤྱི་བདེ་ཅུས་ཀྱི་གནས་འཕྲིན་ལ་གཞིགས་ན། ཟླ11ཚེས17ཉིན། དབྱིན་ཏེ་གྲོང་ཁྱེར་སྤྱི་བདེ་ཅུས་ཀྱིས་དབྱིན་ཏེ་ནས་ཡིན་པའི་མངའ་ཁོངས་ཕྱི་རོལ་དུ་ལུས་པའི་མགོ་སྐོར་གཡོ་ལེན་དང་འབྲེལ་བའི་གཙོ་གནད་མི་སྣ་དུས་བཀག་ནང་རྒྱལ་ནང་དུ་ལོག་རྒྱུའི་སྐུལ་མ་གཏོང་བའི་སྐོར་གྱི་བརྡ་ཁྱབ་སྤེལ་བ་དང་། མགོ་སྐོར་གཡོ་ལེན་དང་འབྲེལ་བའི་གཙོ་གནད་མི་སྣ40ངེས་པར་དུ2023ལོའི་ཟླ12ཚེས15ཉིན་གོང་རྒྱལ་ནང་དུ་ལོག་དགོས་པའི་སྐུལ་མ་བཏང་བ་རེད།

རྒྱལ་ནང་དུ་མ་ལོག་གོང་། ཉིན7གྱི་སྔོན་ལ་ཁ་པར་བཏང་ནས་ཐེམ་ཐོ་ཡོད་སའི་སྤྱི་བདེ་ལས་ཁུངས་ལ་སྙན་སེང་ཞུ་དགོས་པ་མ་ཟད། ཚད་ལྡན་གྱི་ཐབས་ལམ་བརྒྱུད་རྒྱལ་ནང་དུ་ལོག་དགོས་པ་དང་། རྒྱལ་ནང་དུ་ལོག་རྗེས་འཕྲལ་མར་ཐེམ་ཐོ་ཡོད་སའི་མངགས་གཏོང་ཁང་དུ་འབྱོར་ཐོ་འགོད་པར་བསྐྱོད་དགོས། ཚད་བཀག་དུས་བཀག་ནང་སྔོན་ཚུད་ནས་སྙན་སེང་ཞུས་པ་མ་ཟད་རང་འགུལ་ངང་རྒྱལ་ནང་དུ་ལོག་རིགས་ལ་ཁྲིམས་ལྟར་ཉེས་ཆད་ཡང་མོ་གཅོད་པའམ་ཇེ་ཡང་དུ་བཏང་ཆོག་པ་དང་། ཉེས་ཚབས་མངོན་གསལ་གྱིས་ཆུང་བ་དང་གནོད་འཚེ་ཆེན་པོ་མེད་རིགས་ལ་གནས་ཚུལ་ལ་གཞིགས་ནས། ཉེས་ཆད་མེད་པར་བཟོས་ཆོག

བརྡ་ཁྱབ་ཁྱབ་བསྒྲགས་བྱས་རྗེས། སྔར་བཞིན་འགྱོད་བཤགས་མི་བྱེད་པ་དང་། རྨོངས་གཉིད་ལས་མི་སད་པ། སྲིད་ཇུས་དྲིལ་བསྒྲགས་སྣང་མེད་དུ་འཇོག་པ། ནར་འགྱངས་བྱེད་པའམ་ཡང་ན་རྒྱལ་ནང་དུ་མི་ལོག་པའི་མགོ་སྐོར་གཡོ་ལེན་དང་འབྲེལ་བའི་གཙོ་གནད་མི་སྣར་འབྲེལ་ཡོད་བཅའ་ཁྲིམས་དང་ཁྲིམས་སྲོལ་ལྟར་ཉེས་ཆད་ནན་པོ་གཅོད་རྒྱུ།