སི་ལོ་ཝ་ཁིའི་ཙུང་ལི་ཡིས་རང་བྱུང་སོལ་རླངས་མངའ་ཁོངས་བརྒྱུད་པའི་གནད་དོན་ཐད་ནས་ཝུའུ་ཁི་ལན་གྱི་ཙུང་ཐུང་བར་གྲོས་མོལ་བྱེད་པའི་གྲོས་གཞི་བཏོན།

སི་ལོ་ཝ་ཁིའི་ཙུང་ལི་ཧྥེ་ཙོ་ཡིས་ཚེས13ཉིན་ཝུའུ་ཁི་ལན་གྱི་ཙུང་ཐུང་ཙེ་ལེན་སི་ཅི་དང་གྲོས་མོལ་བྱས་ཏེ། མིག་སྔའི་ཕྱོགས་གཉིས་ཀྱི་འབྲེལ་བར་ཤུགས་རྐྱེན་ཐེབས་པའི་རང་བྱུང་སོལ་རླངས་མངའ་ཁོངས་བརྒྱུད་དེ་སྐྱེལ་འདྲེན་བྱེད་པའི་གནད་དོན་ཐག་གཅོད་བྱེད་པའི་གྲོས་གཞི་བཏོན།

ཧྥེ་ཙོ་ཡིས་ཉིན་དེར་དྲ་ཐོག་ཏུ་འཕྲིན་ཡིག་སྤེལ་ཏེ། ཙེ་ལེན་སི་ཅི་གདན་དྲངས་ནས་སི་ལོ་ཝ་ཁི་དང་ཝུའུ་ཁི་ལན་གྱི་མཐའ་མཚམས་ས་ཁུལ་གྱི་སི་ལོ་ཝ་ཁིའི་ཕྱོགས་ནས་གྲོས་མོལ་བྱེད་རྒྱུ་ཡིན་ཟེར། ཧྥེ་ཙོ་ཡིས་བསྟན་དོན། ཐེངས་འདི་གྲོས་མོལ་ལས་ཝུའུ་ཁི་ལན་བརྒྱུད་དེ་སི་ལོ་ཝ་ཁི་དང་རྒྱལ་ཁབ་གཞན་པར་མུ་མཐུད་དུ་ཨུ་རུ་སིའི་རང་བྱུང་སོལ་རླངས་སྐྱེལ་འདྲེན་བྱེད་པའི་གྲོས་མཐུན་འགོད་པར་རྨང་གཞི་བརྟན་པོ་འདིང་ཐུབ་པར་རེ་བཞིན་ཡོད་པར་མ་ཟད། ལག་བསྟར་བྱེད་ཆོག་གི་ལག་རྩལ་གྱི་ཐག་གཅོད་ཇུས་གཞི་འཚོལ་ཞིབ་བྱེད་རྒྱུ་ཡིན་ཟེར།

ཙེ་ལེན་སི་ཅི་ཡིས་ཉིན་དེར་དྲ་ཐོག་ཏུ་རྩོམ་ཡིག་སྤེལ་ཏེ། ཧྥེ་ཙོ་གདན་དྲངས་ནས་ཚེས17ཉིན་ཝུའུ་ཁི་ལན་གྱི་རྒྱལ་ས་ཅི་ཧྥུའུ་ནས་གྲོས་མོལ་བྱེད་རྒྱུ་ཡིན་ཟེར།