རྒྱའི་སྐད་ཡིག་གསོ་སྦྱོང་འཛིན་གྲྭས་ནེ་པ་ལར་རྒྱའི་སྐད་ཡིག་གི་གནས་སྐོར་འཇོན་མི་ཉིས་བརྒྱ་དང་བཞི་བཅུ་ལྷག་སྐྱེད་སྲིང་བྱས།
ནེ་པ་ལའི་གནས་སྐོར་འཇོན་མིའི་རྒྱའི་སྐད་ཡིག་གསོ་སྦྱོང་འཛིན་གྲྭ་སྐབས་དྲུག་པས་ཚེས16ཉིན་ནེ་པ་ལའི་རྒྱལ་ས་ཀ་ཏ་མན་རྡུ་ནས་སློབ་མཇུག་སྒྲིལ་བའི་མཛད་སྒོ་བསྡུས་པ་དང་། མཚམས་འདིར་སླེབས་དུས་བསྡོམས་པས་ནེ་པ་ལའི་གནས་སྐོར་ལས་རིགས་ཀྱི་མི་སྣ་ཉིས་བརྒྱ་དང་བཞི་བཅུས་རྒྱའི་སྐད་ཡིག་གི་གསོ་སྦྱོང་དང་ལེན་བྱས།
ཉིན་དེར་བསྡོམས་པས་སློབ་མ་བཞི་བཅུས་དུས་ཡུན་ཟླ་དྲུག་རིང་གི་གསོ་སྦྱོང་དང་ལེན་བྱས་རྗེས་མཐར་ཕྱིན་འཛིན་ཡིག་ཐོབ། སློབ་མ་ཧྲ་ཅི་ཡས་སློབ་མཇུག་སྒྲིལ་བའི་མཛད་སྒོའི་སྟེང་བཤད་རྒྱུར། སང་ལོ་ནི་ནེ་པ་ལ་དང་ཀྲུང་གོ་བར་འབྲེལ་བ་བཙུགས་ནས་ལོ་བདུན་ཅུ་འཁོར་བའི་ལོ་ཡིན་ལ། ནེ་པ་ལའི་གནས་སྐོར་ལོ་ཡང་ཡིན། ཁོས་རང་ཉིད་ཀྱི་རྩལ་ནུས་དང་དགེ་མཚན་འདོན་སྤེལ་བྱས་ནས། རྒྱལ་ཁབ་གཉིས་ཀྱི་རིག་གནས་གནས་སྐོར་ཐོན་ལས་ཀྱི་མཉམ་ལས་ཇེ་ཟབ་ཏུ་གཏོང་བའི་ཐད་བྱས་རྗེས་འཇོག་རྒྱུ་ཡིན་ཟེར།
ནེ་པ་ལའི་རིག་གནས་གནས་སྐོར་དང་དམངས་སྤྱོད་མཁའ་འགྲུལ་པུའུ་ཡི་མཉམ་འབྲེལ་དྲུང་ཡིག་ལཱ་མུའུ་ཁི་ལིས་ཧྲི་ན.ལཱ་མིས་ཆ་ཨིན་གྱིས་ཤིས་ཚིག་འབུལ་སྐབས་བཤད་རྒྱུར། ཟླ་དྲུག་རིང་གི་གསོ་སྦྱོང་བརྒྱུད་དེ་སློབ་མ་ཚོའི་རྩལ་ནུས་དང་ཐབས་རྩལ་ཇེ་མཐོར་གཏོང་ཐུབ་པ་མ་ཟད། ཁོ་ཚོའི་ཀྲུང་གོའི་རིག་གནས་ཐད་ཀྱི་ངོས་ཟིན་ཇེ་བརྟན་དུ་གཏོང་ཐུབ་པར་ཁོ་རང་ལ་ཡིད་ཆེས་བརྟན་པོ་ཡོད་ཟེར།
ཀྲུང་གོའི་ནེ་པ་ལར་སྡོད་པའི་གཞུང་ཚབ་ཁང་གི་སྲིད་དོན་གཞོགས་འདེགས་པ་ཝང་ཞིན་གྱིས་ཤིས་ཚིག་འབུལ་སྐབས་བཤད་རྒྱུར། མིག་སྔར་ཀྲུང་གོ་འཛམ་གླིང་སྟེང་གི་ཆེས་ཆེ་བའི་རྒྱལ་ནང་གི་གནས་སྐོར་ཚོང་ར་དང་རྒྱལ་སྤྱིའི་གནས་སྐོར་གྱི་མགྲོན་ཁུངས་རྒྱལ་ཁབ་ཆེས་ཆེན་པོ། དམིགས་འབེན་ས་ཆ་གཙོ་བོ་བཅས་སུ་གྱུར་ཡོད་པ་དང་། ཀྲུང་གོའི་གནས་སྐོར་ལས་རིགས་མགྱོགས་མྱུར་ངང་གོང་འཕེལ་སོང་བ་དེས་ནེ་པ་ལ་ནང་དུ་འདུ་བའི་འཛམ་གླིང་ཡོངས་ཀྱི་གནས་སྐོར་ལས་རིགས་དར་སྤེལ་གཏོང་བའི་ཐད་བྱས་རྗེས་ཆེན་པོ་བཞག་ཟེར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注